١٠٠كومنت
١٠٠ نجمة
_________
__
تضرب اشعه الشمس عيونه ليفتحها ب انزعاج بعد ما دك ( رن ) منبهه ، سحبه وطفاه ورجع ينام فد خمس دقايق ثانيه قبل لا يكعد ( يستيقظ )
خلصت الخمس دقايق وكام ( استقام ) اتجهه ل حمام غرفته نزع هدومه ( ملابسه ) وذبهم بالكاع ( رماهم بالارض ) ودخل تحت الدوش بعد ما شغل ماي
كمل حمامه بعد ربع ساعه وراح ل كنتوره ( خزانته ) طلع له دشداشه بيضه وعكاله ويشماغه لبس دشداشته وكف كدام ( امام ) المرايه ومشط شعره وتعكل رش من عطره واكيد ما ينسى ساعته
نزل ليجوه ( لاسفل ) غرفته بالطابق الثالث وراح لمطبخ اول ما شافته امه كالت بصوتها الحنون " يمه وليدي نظر عيني واول فرحتي الله يحميك يا وليدي من عيون الحساد "
اقترب وباس راسها وكال " ويحفظ الله الي يا جنتي انتي "
اقتربت نرجس اخته وكالت " منار خويه مو تنسى توصي احد يجيبلي حبشكلات ( يعني حلويات مثل شبس وشكولاته وغيرها ) "
اقترب وباس راسها وكال " اذا ما اوصي يجيبون لعزيزه قلبي المن اوصي لعد تدللين ي بعد اخوج "
امه بهدوء " يمه لا تنسى عماتك وبنات عمك وانتي كافي تتشرطين على اخوج وتدللين "
منار " واني شنو دخلني بيهن عدهن اخوه واباء ورجوله اني اجيب بس لعزيزه قلبي نرجس ورضيعتي ( اخته بالرضاعه ) امنه "
امه ب ضيجه ( ب انزعاج ) " اوف يمه لسانك منو يكدر الك "
ضحك منار وكال " نرجوسه عزيزتي كلاص جاي من ايدج الطيبه وريوك فدوه وراي طلعه "
نرجس ب ابتسامه جبيره ( كبيره ) " اي مو تدلل يا روح اختك ثواني اكعد هنا بين ما اسويلك "
كعد منار على طاوله ولزم تلفونه واخذ يكلب ( يقلب ) بيه لكن ما منعه يسمع التهامس الي بعيد عنه شوي
ريم بت عم منار " اوف لو بس يباوع عليه "
امنه اخت منار بالرضاعه " خايبه لا تحلمين عمره ما باوع على نسوان تردي يباوع عليج هسه شيخ وابن شيوخ "
ريم " ولج اني صديقتج وبت عمج ساعديني "
منار بهيبته " امنه ما تجين تسلمين على اخوج وتصبحين عليه "
كامت امنه واقتربت منه وكالت " اسفه يا غالي صباحك عسل مثلك "
منار بضحك" انتي العسل كله يا روحي عساج بخير ما شفتج امس "
امنه " مابيه شيء بس جنت شويه مصدعه "
حطت ( وضعت ) نرجس الاكل ورحت امنه تساعدها ، اكل منار بهدوء كمل كوب الجاي مالته
شاف مرت عمه يم الطباخ كالها " مرت عمي بلا زحمه عليج كلاص جاي "
صبتله نوره جاي ( شاي ) واعطته اياه وكالت " تفضل شيخنا "
