شروط بارت ١٠٠ ك
رجعوا لباص ( منشئه بالعراقي بس عاجبني باص اكثر ) وكملو الطريق وصلوا ويه اذان المغرب لان توقفوا هواي
طريق كله جان منار هادى وايار هم تجنبه جان الكل يسولفون سوه ويضحكون وغياث اكثر واحد متونس ( مستمتع ) انو خالد مهتم بيه
دخلو ل اربيل باوع ايار من جامه ل شوارع والبيوت ( تره كلشي ما ادري عن اربيل اعذروني اخر مره رحت ب جان عمري 9 سنوات المهم ) اقترب منه منار وحصره يم الجامه باوعله ايار وكال " ها "
منار ب ابتسامه " ها ما اباوع يعني "
وبقه يدفع بيه لحد ما لزكه بالجامه تاذه ايار من انو مساحه كلش صغيره لجسمه وكال بنبره امريه " ابتعد عني منار "
منار " واذا ما سويت "
حط ايار ايده على جتف ثاني وصدره ودفعه عنه وكال " وتكول اني زعطوط ( طفل ) ما تشوف نفسك "
اقترب منار وكال بعصبيه " شنو تقصد "
باوع ايار لعيون ثاني الي جانت تطلع شرار قرر يتاجهله ودار وجهه ل الجامه واخذ يباوع ليبره
ريم " فتحوا الجامات الهوى حلو "
باوع غياث ل خالد واشرله لجامه باوع الاكبر اله ورفع حاجبه ابتسم غياث وكال " افتحها "
خالد " تره يمك مد ايدك وافتحها "
غياث " ما انت افتحها "
خالد " خلص مو الا جامه خليها مسدوده "
غياث بعبوس " بس اني اريد تفتحها "
تنهد خالد من غياث الي فجئه صار طفل وكام فتح الجامه اله ابتسم غياث وحط وجهه قريب من زجاج والهوى بدى يضرب بوجهه وتطير خصلات شعره الهوى جان بيه نسمه بروده لطيفه
نزلوا عند واحد من فنادق الراقيه داخلوا كلهم راح منار ومراد يحجزون الغرف بينما كعدوا الباقين حسبوا انو كل اثنين يكعدون بغرفه
حجزوا كل الغرف واخذ الاجرائات شوي وكت قدموا الفندق الهم كلاصات عصير
كملو كل الاجرائات وزع منار الغرف والسويت ( سويت للي ما يعرف يصير مثل شقه صغيره يعني يكون اكثر من غرفه بمكان واحد ) بدا من والده وعمه وانطه كل واحد بيهم سويت وبعدين ل جهاد وامنه وميران سويت ومراد ومرته وبتهم سويت وانطه لبنات سويت بيه غرفتين كل ثنين سوه وانطه بقن غرف بس انطه مفتاح ل اركان واياد راد يبقى ويه اخوه وادهم راح يبقى وياهم ومفتاح ثاني ل خالد وغياث راد يبقى يم خالد وغرفه مفرده
باوع ايار وتنهد منار متعمد انو يخلي وياه بالغرفه ابتسم بخبث واقترب منه وكال " واني وياك بغرفه "
كاموا الكل وبدوا يصعدون التفت ايار ل منار وكال " منو كال اني اريد ابقه وياك "
منار " ليش خايف مني "
