فساد القلب ◇ 1_2 ◇

بارت 4

١٠٠ كومنت
١٠٠ نجمة

وصل لقصر عائلته وما ان دخل استقبلوا من الباب كل من خالد واركان كانو جانوا ينتظرون قدومه على نار ابتسم،داخليا

بعد مصافحه كال خالد " تفضل لديوان الكل ب انتظارك "

احس ايار فد شعور غريب ک انه فد شخصيه مهمه مثل رجل اعمال داخل على اجتماع مهم ضحك على نفسه وعلى افكاره الي بيها لمحه طفوليه حاول يخفي ويرجع ل بروده المتعاد

بداخل كلبه ( قلبه ) اكو طفل مسجون من كل جهات عايش بعتمه هذا الطفل هو إيار الصغير سجنه ايار لانه ما يريد يطلع ( يظهر ) شخصيته الطفوليه والطيبه ل احد بعد شعوره انو خذل بحياته هواي وانو ما احد يستحق الطيب والحنان لذلك دائما يكتسي ب ثوب البرود الطاغي عليه

حتى تملكه البرود وصار من طباعه كانو يتصرف مع الحياة بعقله بدون اي عاطفه كل هذا تراكمات سنوات من الالم من الوجع من خذلان والكذب

دخل عليهم وكلهم كاموا رحبوا بيه هو ايضا سلم عليهم كاله الشيخ سعد بصوت حنون " تفضل ابني اكعد "

كعد ايار واخذله لمحه سريعه لكل الموجودين ثم التفت ل عمه الي كال " اي ابني اخذنا التحاليل وطلع كلامك صحيح تعذرنا على تكذيبك بس جان لازم نتاكد "

إيار ببرود " تاكدتوا "

التمس سعد انو اكو الالم بعيون الصغير وكال بحنان " ما اكدر اوعدك انو كل شيء يتصلح ولا اكلك انو كل هاي سنوات راح تتعوض بس راح احاول شكد ما اكدر انو اعوضك "

إيار ببرود شديد " صدكني 26 سنه من جذب من الجوع من الفقر من الذل ما تتعوض شما سويت اني بس اريد اسئل سؤال جنت اريد اسئله ل ابوي بس شرد ومات قبل لا اواجهه ويواجهني هذا الطفل شنو ذنبه ؟ عايش بجذبه طول حياته وهم ياليت كال هذا ابني اذا ما اريده عاد ادزله فلوس يعيش بيها من عمري 7 سنوات واني اشتغل انذليت لحد ما كلت بس ماكو شغله ما اشتغلتها وانتو عايشين هنا بنعيم لا تكلي اعوضك شنو تريد تعوض حتى تعوض ، تعوض اليتم تعوض الالم تعوض سنوات الي جنت اطلع من مدرسه لشغل تعوض السنوات الي اني كل يوم البس نفس اللبس لان ما عدي غيره لو تعوض اني ما جان عدي لكمه اكلها وامي تشتغل بالبيوت وتشتغل خياطه واني اشتغل طفل بدل ما افكر ب الالعابي وهمي انو اليوم ما كملت دروسي جان همي اليوم ناكل لو لا لحد يحجي عن شيء هو ما عايشه انتو اجيتوا وعشتم وانتم بحلكم خاشوكه ( معلقه ) من ذهب "

كلامه جان مؤلم جان داخله يحترك كلها تعاطفت وياه بس هو خارجه ثلج ما تغيرت حتى ملامحه وهو يكول عن معاناته ما نزلت دمعه من عينه على حالته

سعد ب تاثر " لهذا اني اريد اطلب منك تعيش ويانا تعيش بهذا البيت ويه عمامك واولاد عمك بلكي نكدر نعوضك ولو شوي ( القليل ) من الي عشته واني حاضر لكل شيء تريده "