شروط بارت ١٠٠ كومنت
١٠٠ نجمة
-------------------------------------------
تشرق شمس يوم جديد
كالعاده يدك ( يرن ) منبهه تلفون منار ويسده ( يغلفه ) ويرجع ينام الخمس دقايق هاي الي هو يعتبرها اهم دقايق بحياته واذا ما نامها مستحيل يكدر يصحصح او يركز بشيء
يكمل خمس دقايق ل يسوي روتينه اليومي اخذ دوش ثم ارتداء دشداشته وينزل ل يجوه
كعد بهدوء ياكل ريوكه ( افطاره ) ، ليجي واحد وصاح ي الله ( عندنا بالعراق ما اعرف اذا عندكم بغير دول انو رجل من يريد يدخل لمكان فيه نساء يقول يا الله علشان اذا في محجبه تتغطى )
التفت منار ل الجاي ( القادم ) ناحيته وكال " الحك ( تقال عند مصائب 😁 بمعنى اسرع ) منار مصيبه وكعت على راسنا "
نهض منار وكال " يا ستار شصاير "
اركان اخ منار من مرت ابوه " تعال ابوي يريدك بالديوان صارت مصيبه "
ترك منار اكله وراح وياه اركان ل الديوان بس طب ( دخل ) شاف واحد غريب ما يعرفه تقدم وكف يم ابوه وكال " شصاير بويه "
ماجد عم منار " انت واحد جذاب ليش ( لماذا ) نصدكك ، اي واحد يجي من شارع يكول اني ابنكم نصدكه "
واكف إيار كدام كل هذا الجمع بثبوت وكال ببرود " ليش ما تسئلون اخوكم المحترم عني بدل ما تشككون ب كلامي "
منار بعصبيه " فهموني شصاير ومنو هذا "
سعد ابو منار التفت اله وكال " هذا الرجال يدعي انه ابن عمك محمود الله يرحمه "
إيار ب استهزاء " ميت شنو الي اترجاه منه قابل "
التفت منار اله وكال " من تحجي ( تتكلم ) تحجي ب ادبك "
بادله إيار بنظره بارده وكال " واذا ما التزمت ب ادبي شنو تسوي "
لزمه من قميصه وكاله " ادبك اني ما عندي مشكله بنهايه شنو نترجى من ابن حرام"
تبادلوا نظرات تحدي وغضب بينهم قبل لا يدخل سعد وماجد وكال سعد بعصبيه " منار مو هيج ( هيك ) تنحل المشاكل "
ترك منار قميص الثاني الذي ابتسم ب استهزاء باوع ( نظر ) لمتواجدين وكال " اني ما اريد غير حقي ميت عايش اريد حقي انطوني حقي واجفيكم ( اجنبكم ) وجهي "
سعد " ميخالف ابني اهداء خلي نكعد ( نجلس ) ونشرب كهوه ( قهوه ) ونحجي ( نتكلم ) بهدوء "
هز راسه ب ايجاب صاح ( نادى ) سعد ابنه اياد وكال " صبلنا كهوه "
خلال فتره انتظارهم ل الكهوه جان ( كان ) إيار ومنار يتبادلون نظرات حاقده
صبوا الكهوه وحطوها كدام ( امام ) إيار الي ارتشف شوي منها وعافها
