شروط بارت ١٠٠ ك
بنفس اليوم بليل ( قبل سفر بيومين )
مل غياث من تفكير طلع من غرفته الي حبس روحه بيها اليوم كله وما نزل حتى ل الاكل راح ب اتجاه غرفه خالد ودك الباب وانتظر
كام خالد من فراشه وباوع لساعه الي حاليا ب 2 بليل استغرب منو ممكن يجي بهذا الوقت فتح الباب وشاف انو غياث ، ابتسم اله وابتعد عن الباب
دخل غياث بدون ما يكول اي كلمه واقترب من جربايه ( سرير ) الثاني وتمدد عليه باوعله خالد ب استغراب وسد الباب وقفلها
اقترب وكال " ها غياث ليش ما نمت "
غياث " اخذ الي تريده وخلي نخلص هاي السالفه "
اقترب خالد وكعد بصف الثاني وكال وهو يباوع عليه " ما افتهمت "
غمض غياث عينه وكال " مو كلتلك الصبح شسوي علمود ارد لك الجميل وانت كلت شتريد خلص اخذه وخلي نسد الموضوع وننساه "
باوع خالد اله وكال " ليش وافقت ما توقعت انو توافق"
غياث " بس ما اريد اضل خايف انو تكول ل احد واريد ارد لك مساعدتك الي "
خالد " اها بس اني كلتلك انو اني ما راح اكول ل احد ما واثق بيه "
غياث " واثق بس هيج احسن "
اقترب خالد واعتلى الثاني الي غمض عينه وقلبه كام يدك بسرعه من خوف وخدوده صارت حمر باوع خالد اله ولرجفته وخوفه وابتعد وكال " انسه غياث وروح لغرفتك "
كام غياث وكعد بصف خالد وكال بصوت ناصي ( منخفض ) " اسف ما فد مره اقترب احد مني "
حط ايده على فخذه وكال " ميخالف روح لغرفتك ما اريد شيء منك "
مع الي كاله خالد الا انه غياث ضل بمكانه بينما تمدد الاكبر باوعله غياث وكال " ممكن سؤال "
همهم الاكبر ( يعني كال همم ) باوع غياث لمكان ثاني وسئل " ليش طلبت مني هيج "
خالد " اتعذر عن الاجابه "
غياث " بس اريد اعرف انت مثلي "
هز خالد براسه وسكت بدون اي كلمه توقع انو غياث يشمز منه لكن ما ابدى غياث اي رد فعل تذكر بعدين كال " يعني ما تنجذب لنسوان "
خالد " لا اني ثنائي القطب " ( يعني ينجذب لكلا الجنسين على حد سواء )
اومى غياث بتفهم اقترب بحركه جريئه هو نفسه ميدري شلون سواها وخله راسه على صدر خالد العاري وكدر يسمع دكات قلبه الي جانت تدك بسرعه وقوه واضحه
حط خالد ايده على خصر الاصغر وقربه ل احضانه اكثر هو مو بحلم مو الي بحضنه هو حبيبه غياث مو هذا مو حلم وراح يكعد منه بعد شوي
باوع ل غياث الي ما جان يباوع عليه وغياث تضرب قلبه مشاعر غريبه يريد يكوم بس صدر خالد دافي يغريه انو يبقى محتضنه
