What's wrong? ( Completed )

Ep - 3

ည အချိန်ခါ တောင်ကုန်းမြင့်ပေါ်က သစ်လုံးအိမ်ထဲတွင် ယွီ့ကျင်း တစ်ယောက် ထမင်း ကို ဟို ဒီ ထိုးကော်နေရင်း အပေါ်ထပ်က တစ်ယောက် အတွက် ဘယ်လို ယူသွားပေးရမလဲဆိုတာ စဉ်းစားနေတယ်။

ထမင်း စားပွဲဝိုင်းမှာ အတူ ထိုင်နေတဲ့ အမျိုးသမီး ကလည်း မမလေး လုပ်နေတာတွေ မြင်တာကြောင့် မမလေး ဒီနေ့ ချက်တဲ့ ဟင်းကို မကြိုက်တာများလား ဆိုပြီး အတွေးဝင်သွားရသည်။

' မမလေး !!!!.'

' ဟင် !!!!.'

' ဟင်းတွေ မကြိုက်လို့လား ...။ ကျမ ကြက်ဥ ခေါက်ပြီး ထပ်ကြော်ပေးရမလား ...။'

' မဟုတ်ဘူး ...။ ကြိုက်တယ်။ ကျမ မှာ အရေးကြီး စာလုပ်စရာ ရှိတာ မေ့ပြီး ... အခုမှ သတိရလို့ ...။ အဲ့ဒါကြောင့် အန်တီ ထမင်းဟင်း ပြင်ပြီး ကျမ အခန်းကိုပဲ ယူလာပေးလို့ ရလား ...။ ပြီးတော့ နှစ်ယောက်စာ ...။'

' ရှင် !!!!'

ယွီ့ကျင်း သူပြောမှ တုန်လှုပ်သွားတဲ့ အန်တီ ကို ကြည့်ပြီး ပြန်ပြုံးပြရင်း ...

' အဟီး ... အခုက တစ်ခါ စားမှာ ...။ စာ လုပ်နေရင်း ဗိုက်ပြန်ဆာလာရင် ထပ်စားမှာ ...။'

' ဪ ... ဟုတ်ကဲ့ပါ။'

' ဒါဆို ကျမ အပေါ် တက်တော့မယ်။'

အမျိုးသမီး ထွက်သွားတဲ့ မမလေး ကို ကြည့်ပြီး ထမင်းဝိုင်းမှာ အတူ ထိုင်နေတဲ့ သူ့ ယောကျာ်းကိုပါ ပြောလိုက်သည်။

' မမလေး ထူးဆန်းနေတယ်လို့ ရှင် မထင်ဘူးလား ...။'

' ဘာထူးဆန်း ရမှာလဲ ...။ ကျောင်းသားက စာလုပ်တာ ထူးဆန်းလို့လား ...။'

' စာလုပ်တာကို ပြောတာ မဟုတ်ဘူး။ မမလေး ခါတိုင်းတောင် ညစာ မစားတာ များတယ်လေ။ အခုက နှစ်ယောက်စာ ပြင်ခိုင်းတာ ဆိုတော့ ကျမ ထူးဆန်းလို့ပါ။'

' ဘာမှ မဖြစ်ဘူး ...။ မမလေး ပြောတာလဲ ဟုတ်တာပဲလေ။ စာ ဆိုတာ ထိုင်လုပ်နေရတယ်ဆိုပေမယ့် ဦးနှောက်ရော လက်တွေရော သုံးရတာ၊ ပြီးတော့ ခန္ဓာကိုယ်က ဟိုလှုပ် ဒီလှုပ် ဆိုတော့ ဗိုက်ပြန်ချောင်သွားလည်း ဖြစ်နိုင်တာပဲ။

ကဲပါ ... အတွေး မများနဲ့ ။ လုပ်စရာ ရှိတာ လုပ်သွားပေးလိုက် ...။'