Wang အိမ်တော် ၏ အိမ်ရှေ့မှာ မျက်နှာမကောင်းတဲ့ လူ နှစ်ယောက် ရယ်၊ ပျော်နေတာကို ဖုံးကွယ်ထားရတဲ့ မျက်နှာ နဲ့ နှစ်ယောက်ရယ်၊ ကိုယ့်အိမ်ကိုလည်း ပြန်ရမယ်၊ လွတ်လည်း လွတ်လပ်ရတော့မှာမို့ အပျော်လွန်နေတဲ့ နှစ်ယောက်ရယ်၊ ခံစားချက်တွေ ကိုယ်စီနဲ့ ရပ်နေကြတယ်။
ဝမ် သခင်ကြီး ပြုံးပျော်နေတဲ့ မျက်နှာနဲ့ မု အိမ်တော်က ကလေးမလေးကို ကြည့်လိုက်ပြီး သူပါ လိုက်ပြုံးရင်း ...
' သမီး က ဖိုးဖိုး ရဲ့ မြေးကို တကယ်ပဲ သဘောမကျတာပဲ။ ဖိုးဖိုး တို့ရဲ့ စိတ်ဆန္ဒကိုပဲ ဦးစားပေးပြီး အချင်းချင်း လက်ဆက်ပေးမိတော့မှာကို တောင်းပန်ပါတယ်ကွယ်။'
ရှောင်းကျန့် ကတော့ ခဏနေ သူ ဒီအိမ်ကနေ ထွက်သွားပြီးရင် လွတ်လပ်တော့မှာကို တွေးပြီး လူက ကောင်းကင် အလွှတ်ကိုပဲ မော့ကြည့်မိတာတောင် ပြုံးချင်ချင် ဖြစ်နေပါသည်။
ယွီ့ကျင်း သူ နဲ့ ရှောင်း က ခုထိ လူချင်း လဲ ထားတုန်း ဖြစ်တာကြောင့် အခု သခင်ကြီးရဲ့ စကားကို ရှောင်းကပဲ ဖြေရမှာ ဖြစ်သည်။ ဒါပေမယ့် သူ့ အနားက တစ်ယောက်က အပေါ်ကိုပဲ မော့ကြည့်နေတာကြောင့် ဘယ်သူမှ မမြင်ခင် မသိမသာ နဲ့ ခါး ကို တို့ပေးလိုက်ရသည်။
အဲ့ဒီအချိန် ခေါင်းထဲမှာ အပျော်တွေ ပြည့်နေတဲ့ ခံစားချက်နဲ့ ရှောင်းကျန့် ဆီက စကားသံ ထွက်လာတယ်။
' ပျော်တယ် ...။ အရမ်းကို ပျော်တယ်။'
' ဟင် !!!!.'
သခင်ကြီး ရော ဘေးမှာ ရပ်နေတဲ့ ရိပေါ် ရော မင်းသမီးရဲ့ စကားကို ကြားပြီး အာမေဋိတ်သံတောင် ထွက်လာကြသည်။
လိကွား ကတော့ မဲ့ရွဲ့ပြီး စိတ်ထဲ တွင်လည်း * အဲ့လောက် ပျော်နေတာ တစ်ခါတည်း ပြန်လိုက်ပါတော့လား လို့* ပြောနေပါသည်။
ယွီ့ကျင်း မျက်နှာတွေ ပျက်နေတဲ့ ဝမ်ရိပေါ် ကို အားနာသွားရသည်။ ခုထိ သူ့ကို ဘာပြောလို့ သူက ဘာပြန်ပြောလိုက်သလဲဆိုတာတောင် သူ့ကိုယ်သူ မသိသေးတဲ့ ရှောင်း ကို အနား ဆွဲခေါ်လိုက်ပြီး တိုးတိုး ကပ်ပြီး သတိပေးလိုက်သည်။
YOU ARE READING
What's wrong? ( Completed )
خيال (فانتازيا)မှားတာက မင်းရဲ့ ဖြစ်တည်မှု က စ မှားတာ ... မွားတာက မင္းရဲ႕ ျဖစ္တည္မႈ က စ မွားတာ ... Story no.18 Crd cv photo
