ပြင်သစ် လေဆိပ်တွင် ...
ရိပေါ် သူ လေယာဉ်ဆိုက်လို့ ဆင်းလာတော့ ဧည့်သည်တွေ ကြိုတဲ့ နေရာမှာ ဟော်ရှင်း က သူ့နာမည် ရေးထားတဲ့ ဘန်နာ ကိုင်ပြီး စောင့်နေတာ တွေ့လိုက်ရသည်။
ဟော်ရှင်း သူ့ ဦးလေး ထွက်လာတာ မြင်တာနဲ့ လက်ထဲမှာ ကိုင်ထားတဲ့ ဘန်နာ နဲ့ ဝေ့ရမ်းပြပြီး ပြေးသွားလိုက်သည်။
' လေးလေး ...။'
ရိပေါ် သူ့လက်မောင်းကို လာတွဲခိုပြီး အပျော် လေသံနဲ့ ခေါ်လာတဲ့ ဟော်ရှင်း ရဲ့ ခေါင်းကို ပွတ်ပေးလိုက်ပြီး ...
' လာမကြိုလည်း ရတယ်လို့ ပြောရဲ့သားနဲ့ကို ...။ ခုတော့ ကျောင်းလည်း ပျက်ရပြီ မလား။'
' လေးလေး က ကြိုမပြောပဲ ကျနော့် ဆီ လာတော့ ပျော်လို့လေ။'
ဟော်ရှင်း ပြောရင်းနဲ့ လေးလေး ဘေးမှာ ချထားတဲ့ အဝတ်သေတ္ထာကို မြင်ပြီး ပိုတောင် ပြုံးသွားရသည်။
' ဒီတစ်ခါ လေးလေး အကြာကြီး လာနေမှာ မလားဟင်?.'
' အင်း ... ပြီးတော့ ပြန်ရင် မင်း ကိုပါ ခေါ်သွားမလို့ စဉ်းစားထားတယ်။'
' ဗျာ !!!!.'
ရိပေါ် မျက်လုံးတွေ ပြူးသွားတဲ့ ဟော်ရှင်း ကို ကြည့်ပြီး ပြုံးလိုက်ရင်း ...
' ဘာလဲ ... မလိုက်ချင်တော့ဘူးလား။'
' ဟင့်အင်း ...။ လိုက်ချင်တယ်။ အရမ်းကို လိုက်ချင်တယ်။'
' အိုခေ ...။ ဒါဆို ဒီတစ်ခါ ပေကျင်း ကို အတူတူ ပြန်ကြမယ်။ ဒါပေမယ့် ပြင်သစ်မှာ အချိန်တစ်ခုလောက် နေမှ ဖြစ်မှာ။'
ဟော်ရှင်း ခုချက်ချင်း မပြန်ရဘူးဆိုတော့လည်း မျက်နှာ ပြန်ငယ်သွားရသည်။
' ဘာလို့လဲ ...။ ဘာလို့ အချိန်ဆွဲနေရမှာလဲ ...။'
ရိပေါ် သူ့အိတ်ကို ဘေးမှာ ရပ်နေတဲ့ ဟုန်လုံ ဆီ တွန်းပေးလိုက်ပြီး သူကတော့ ဟော်ရှင်း ကို ပုခုံးဖက်ရင်း ထွက်လာလိုက်သည်။
' အချိန်ဆွဲမှ မင်း ကို ခေါ်သွားလို့ ရမှာလေ။ အခု ဖိုးဖိုး က ငါ့ကို အသဲကွဲလို့ ငါ ပြင်သစ်မှာ အပန်း လာဖြေတယ်လို့ ထင်နေတာ။ အဲ့ဒါကြောင့် ငါက ငါ ခုလို ငါ့စိတ်ကို ပြန်ပြင်ဆင်တဲ့ချိန်မှာ မင်း ကို တွေ့ပြီး မွေးစားလိုက်သလို ပုံစံ လုပ်မှာ။ အဲ့ဒါမှ မင်းလည်း တရုတ်ကို ဆင်ခြေတွေ ပေးစရာ မလိုပဲ လိုက်လို့ ရသွားမှာ။'
YOU ARE READING
What's wrong? ( Completed )
Fantasyမှားတာက မင်းရဲ့ ဖြစ်တည်မှု က စ မှားတာ ... မွားတာက မင္းရဲ႕ ျဖစ္တည္မႈ က စ မွားတာ ... Story no.18 Crd cv photo
