What's wrong? ( Completed )

Ep - 5

အငှါးကား တစ်စီး ၁၂ ပေ ကျယ်တဲ့ လမ်းကြားလေးထဲ မောင်းဝင်လာနေတယ်။

လမ်းရဲ့ ဟိုဖက် ဒီဖက်မှာတော့ အဝါရောင် အပွင့်တွေ ပွင့်နေတဲ့ အပင်တွေက လမ်းသွား လမ်းလာတွေ အရိပ်ရအောင် အုံ့အုံ့ဆိုင်းဆိုင်းလေးနဲ့ မိုးပေးထားတယ်။

အဝေးကနေ ကြည့်ရင် အနက်ရောင် ကတ္တရာ လမ်းပေါ် လာနေတဲ့ အငှါးကား အဝါလေးက အဝါရောင် ပွင့်နေတဲ့ အပင်ရဲ့ အောက်မှာ ကဗျာတောင် ဆန်နေပါသေးတယ်။

အဝေးကနေ လာတဲ့ ကား လေးထဲမှာ နီးလာတော့ စကားသံ ပါ ကြားလာရသည်။

' ဒီဘက်ကို လာတဲ့ လမ်း ဒီလောက်ထိ လှပြီး သာယာနေမယ်လို့ မထင်ထားဘူး။'

' ဟုတ်တယ်။ ဦးလေး လည်း တူမ က ကား ငှါးလာတော့မှ ဒီဘက်ကို ရောက်ဖူးတာ။'

လိကွား ကား မောင်းသမား ဦးလေးရဲ့ စကားကြောင့် အပြင်ကို ကြည့်ရာကနေ အရှေ့ကို ကြည့်လိုက်ပြီး ...

' ဒီဘက်ကို ဘယ်သူမှ ကား မငှါးလာဖူးဘူးလား ...။'

' ဒီလမ်းက ဝမ် တော်ဝင် အိမ်တော် သွားတဲ့ လမ်းမလား? သူတို့ရဲ့ ကိုယ်ပိုင်လမ်း ဖြစ်တာကြောင့် သူတို့ဆီ ဧည့်သည်လာရင်တောင် ကိုယ့်ကားနဲ့ကိုယ် လာကြတာ များတယ်လေ။'

လိကွား ဦးလေးရဲ့ စကားကြောင့် နင် သွားရသည်။ သူကလည်း ရှန်ဟိုင်း က လာတာမို့လို့ ကိုယ်ပိုင်ကား နဲ့ လာလို့ မရတာပါ။ မရှိလို့ မဟုတ်ဘူး။

လိကွား ဘာမှ ဆက်မပြောတော့ပဲ လက် ကို ကား အပြင်ကို ထုတ်ပြီး လမ်း တစ်လျှောက် အုံ့အုံ့ဆိုင်းဆိုင်းလေး ဖြစ်နေပြီး နေရောင် တိုး မပေါက်အောင် ဖြစ်နေတဲ့ အဝါရောင် အပွင့်လေးနဲ့ အပင်ပေါ်က အပွင့်လေး ကျ လာလို ကျ လာငြား ခံ ထားကြည့်လိုက်သည်။

ခဏ အကြာတော့ အဝါရောင် အငှါးကားလေး ခြံတံခါး ခတ်ထားတဲ့ အရှေ့ တစ်နေရာမှာ ထိုးရပ်သွားခဲ့သည်။

လိကွား ကား ရပ်သွားတာနဲ့ ပိုက်ဆံ ထုတ်ရှင်းပြီး ဆင်းလိုက်သည်။

ကား သမားလည်း မိန်းကလေး ဆင်းတာနဲ့ သူ ပါ လိုက်ဆင်းပြီး ကား နောက်ဖုံးက အဝတ်သေတ္တာကို ထုတ်ပေးလိုက်သည်။