ပဲရစ် မြို့လေးရဲ့ စည်းကားတဲ့ ကုန်တိုက် များစွာထဲက တစ်ခုသော အများသုံး အိမ်သာ အတွင်းတွင် ...
' ကိုကို လည်း ကျနော့်လို လူသား နဲ့ ရေသူမ က ညားပြီး မွေးလာတာလား ...။'
' မဟုတ်ပါဘူး။ ငါက ရေသူထီး နဲ့ ရေသူမ က ညားပြီး မွေးထားတဲ့ ရေသူထီး စစ်စစ် ...။ မင်း လို အမြီး မထွက်တဲ့ လူတစ်ပိုင်း ငါး တစ်ပိုင်း မဟုတ်ဘူး။'
ဟော်ရှင်း သူ့လက်က နာရီကို တစ်ချက်ကြည့်လိုက်ပြီးမှ သူ့လို ဘဝတူ ရေသူထီး နဲ့ တစ်ယောက်လို လက်ဆေးတဲ့ နေရာမှာ ကျောပေး မှီလိုက်ရင်း ...
' ဘယ်လိုဖြစ်ဖြစ် ကျနော့်လို ဘဝ တူတွေ အများကြီး ရှိနေသေးတာ သိရတော့ အရမ်းပျော်တယ်။ ပြီးတော့ ကျနော် ပင်လယ်အောက်ကို သွားကြည့်ချင်တယ်။'
' သွားကြည့်ချင်တာများ မင်း အမေကို ခေါ်သွားခိုင်းပေါ့။'
ဟော်ရှင်း အမေ ဆိုတဲ့ အသံကြားရတော့ မျက်နှာ တစ်ချက်ပျက်သွားခဲ့ပြီး ...
' ကျနော့် မှာ အမေ့ကို မမြင်ဖူးတာ လူမှန်း သိတတ် စ ကတည်းကပဲ ...။'
ရှောင်းကျန့် နားထောင်နေရင်းနဲ့ ခေါင်းထဲမှာ ဒီကောင်လေးက သူ့ ကျဲ ရဲ့ကလေးများ ဖြစ်နေမလား ဆိုတဲ့ အတွေး ဝင်လာသည်။
' နေအုံး ...။'
ဟော်ရှင်း သူ့ဘေးမှာ မှီရပ်နေရင်းကနေ ရုတ်တရက် သူ့ ရှေ့ရောက်လာပြီး သူ့ လက်ကို ဖမ်းဆုပ်ရင်း ပြောလာတဲ့ လူကြောင့် လန့်သွားခဲ့ရပြီး အသံကလည်း ထစ်ငေါ့စွာ ထွက်သွားရသည်။
' ဘာ ... ဘာလဲ ...။'
' မင်း အမေ က ရေသူမ လို့ ပြောတာမလား ...။'
ဟော်ရှင်း ခုထိ လက်လည်း မလွှတ်ပဲ တကယ်ကို အရေးတကြီး ပုံစံနဲ့ မေးနေတဲ့ လူကို ခေါင်းပဲ ညိတ်ပြလိုက်သည်။
' ပြီးတော့ မင်း အမေ က မင်း ကို မွေးပြီးတာနဲ့ မင်း အဖေ နဲ့ ကွဲသွားခဲ့တာ မလား။'
ဟော်ရှင်း သူ့ အမေ အကြောင်းကို သေချာကြီး မသိထားပေမယ့် သူ့ကို မွေးပြီးတာနဲ့ လူဆိုး တစ်စုကြောင့် သူ့ အဖေ နဲ့ အမေ လူချင်း ခွဲပြီး ထွက်ပြေးရတယ်ဆိုတာကိုတော့ လေးလေး က ပြောပြထားလို့ သိထားပြီး ဖြစ်တာကြောင့် အခု မေးခွန်း ကိုလည်း ခေါင်းပဲ ညိတ်ပြလိုက်ပြန်သည်။
YOU ARE READING
What's wrong? ( Completed )
Fantasyမှားတာက မင်းရဲ့ ဖြစ်တည်မှု က စ မှားတာ ... မွားတာက မင္းရဲ႕ ျဖစ္တည္မႈ က စ မွားတာ ... Story no.18 Crd cv photo
