ادمنتها

البدايه

اني البطله اسمي فرح وحياتي كلهه تعاسه يتيمه الام
وانتو تعرفون اذا غابت الام شنو الحياة حتكون

اذا احتاجيتو حضن بي دفو وحنان وانتو قلبكم مليان قهر وشوق ومالكيتو وين ترحون

الحمدلله ربي موجود وابجي بالسجاده لحد مااغفى
جانت سجادتي باعتبار حضن دافي يلمني

عشنه فاقدين حنان الام بس حنان الاب غاب لمن بابا يشتغل ويرجع يحاول يكون النا الام بالبيت وميلحك ولايكدر
احنه ٣ خوات اني صف خامس اعدادي

واختي صف رابع ابتدائي
واخت عمرهه ٤ سنوات

اني ناعمه وشكره ع ماما عيوني خضر وشعري اشكر ووجهي مدور وابيض وشعري كصير لجتفي كصيته كل مااوصل حدي بالالم اكصه وطولي ١٥٥ ووزني ٥٠

قبل اربع سنوات امي ماتت بولادتها وعبالك عمر كامل
اربع سنين تدرون كم دقيقه وكم ثانيه بيهه احنه نتعذب

كلهن كوم واليوم كوم ثاني
لمن اني راجعه من المدرسه وبابا راح يجيب احتي بالسياره من المدرسه وويا اختي الصغيره

وبالطريق صار حادث طبعا بابا مجان بي شي او يظن مابي شي
ويركض بالمستشفى ع خواتي رضوض وجروح بيهن
وخبر انو رجال بالعنايه المركزه خايف يبتلي بي

واني مخلوني اروح عمامي وبالبيت واللوب

لليل والرجال طلعو بغرفته مابي شي
وخواتي هم الحمدلله
بهالاثناء بابا اغمى عليه
وجيب منا ودي منا بابا توفى
ليش وشلون
للاسف عنده نزيف داخلي وهذا ميبين عالمريض وجان لازم يفحصو بالاول بس بابا جان طبيعي محد شك بالموضوع

وجان الخبر
ااااه الخبر بالنسبه الي جان صعب
فقدت وعيي وفتت بغيبوبه شهر بهالشهر مكدرت اودعهم واحضر الفاتحه
وقلبي صار ضعيف وتعب حيل

ومن صحيت مجنت مستوعبه بس ضليت اسبوع عالمهدئات
ومن رجعت جنت جثه تتنفس

وواجهت صعوبات اولها اتركي الدراسه
وتصرفات بشعه من اولاد عمي
وكلام يسم البدن من هاي وذيج

ماعرف ليش بس جانت الغيره كفيله انو تسود الروح
مرت ايام واجتي ايام واني اخدم بيبيتي المريضه والجبيره الي نسوان عمامي وعمامي واحد يذبهه عالاخ
وصرت اني الخدامه بالبيت وجيبي وودي
لحد مااجه يوم وعمي لكالي قسمه صديقه الارمل الي عمره بالاربعين
هو صح اربعين هسه مومثل قبل وتحسو شاب وعادي
بس اني خامس اعدادي تتصورون

يعني حتى لوعشريني ماازوج بهالعمر
رغم اسمي اخدم واكرب شغل بس ماردت هالعيشه ع امل يتغيرون ويحسون بيه
.
ضلو مصرين ومو بكيفج واني كل يوم اكول بيهم امل لحد ماكالو بعد باجر تعقدون اني بهاللحظه انتهيت وبهاليوم غيرت كل حياتي
طبعا هاي مجرد نقطه ببحر الي ح اعيشه
ف حجيتلكم البدايه بصوره مختصره حتى تفهمون تصرفي ومتحكمون عليه خطا
بهاليوم
قررت انهزم بعد ماشفته شكله وشخصيته جانو مسمومين ومبين صعب ينعاش ويا ولميت كم لبسه ومااخذت ولابكت من احد جنت اريد الله يكون وياي بالطريق وهالقرار واني

مسويت شي خطا وماجنت مفكره بالجاي بس انهزم واخلص
اخذت كم قطعه ذهب جانو الي قبل وضامتهن ولماما وتراجي خواتي

شكد رادو يبيعوهن بس جنت متمسكه بيهن بقوه واجه يومهن
بدلت وكملت واجه الليل و