ادمنتها

الجزء الخامس عشر

ثااني يوم كعدو طبيعي ولاكانو صاير شي وسلم عليهه وانصدمت ومن هالحجي طبعا يحجون وميتين ضحك
.
ام محمد. اي والله ولاعبالك ضحكم واصل لاخر الشارع مو غشمه احنه
.
جان يموتون ضحك تلاثتهم
.
محمد. يايمه دكولي من الاول عليش صار ساعه نمثل
.
ام محمد. عاد شلون تمثيل شاديه وعبدالحليم خاب ماتلصمون
جاهل ما يصدكم
.
محمد. حرامات عبالي اقدم ب ذه فويس
.
فرح. شتحس ذه فويس للاصوات ذاك ارب كوت تالنت
.
محمد. طلعي ايدج من جيبج 😂
.
فرح. هههههههههههه غير يستقر
.
ام محمد. دمشي يلا روح لشغلك لتكابلنا طول اليوم من تزوج عود اخذ راحتك هسه ممنوع تنعاد سالفه البارحه لااتنطرد وتعيش يم خوالك ترا
.
محمد. يمه لتحمين ترا حيل طوختيهه خلينه نتهنى انتي شو ضدي غير الام تأوي لابنها
.
ام محمد. اني هيج وماكادرتلك انوب اعوفك شسوي بينه تحبلها
.
فرح. 😳 😳 😳
.
محمد. شبيج انصدمتي اي حقها والله لتنطوني مجال ترا فلتت اني بعد محد يضبني
.
ام محمد. سيبندي والله مدري عليمن طالع ابوك فقير الله يرحمه
.
محمد. بعد عليمن غير عليج لتخليني اطلع سوالفج
.
المهم مشت الايام حلوه وام محمد ايدهه ع كلبها من هالرجال هذا ويوميه يحاول يقنعهه وترفض عدت تقريبا ٣شهور محمد وصل حده وامه متخلي يجيهه وشالعه كلبه
.
محمد. بدلن خوالي عازمينه خالي كال تعالو يومين هيج مدام جو حلو وخالاتك ملتمات يمنه
.
ام محمد. اي والله ودوني لهلي هم ابوك جان يوميه موديني لهلي بس شكول الله عالظالم
.
محمد. ياحافظ تدعين ع ابنج يمه
.
ام محمد. لا عالظالم انت ظالم؟
.
محمد. لا الحمدلله
.
ام محمد. لعد سد نيعك ع كولتكم 😂
.
ههههههههههه ضحكو
.
محمد. دكومن بدلن لااشاقيت وياجن تتلكلكن
فروحه اساعدج بشي
.
فرح. لا تسلم
.
محمد. يروحولج فدوه خوالي
.
ام محمد. خاب كومو منا لاادوس بمصارينكم هسه
.
محمد كام راح ع فرح
.
محمد. لالا فوفايتي ع كيفج حبيبي اني اكومج لتتعبين.
.
ام محمد. شو اوكفولي اليوم. جتي تتكوم وراحو سريع كلمن لغرفته
.
طبعا فرح للان تستحي منه ومتنطي مجال وحيل شالعه كلبه وتتغلى بس هو ماخذه شقه وضحك لااكثر يعني نرجع للصدك

هو مجرد ضحك وقشمره لوهو هيج جان من زمان تزوج بس يعرف البنات يحبن الرجال الي يحسسن طاير وراهن ومنطيهن ع كد عقولهن وهنه يتغلن ويدللن علي
.
بدلو وقفلو البوب وراحو لبيت خالهم سلمو ورحبو ومحد فتح موضوع رانيا وفرح ولا كانو صار شي وتدرون
بكل عائله اذا صارو اثنين مخطوبين يصيرون حديث الساعه و ا الجبير والصغير ماخذيهم محتوى
.
كرار. لك هلاااا بطيور الحبببببب
.
محمد. اهوو تعال خلصنه من لسان كرير
.
كرار. شورطكم ويايه اليوووووم
.
كلهم ضحكو وظل يحشش وفرح مدنكه وجهه صار طماطه والنسوان يكلله جوز يول ومحمد يضحك وفرحان حيل شعور حلو ترا
.
وراهه اكيد لازم يرحون للمزرعه يتمشون وراحو حتى الكبار ع كيفهم يمشون والبنات كدامهم و ندى و فرح يمشون وحد ع جهه تحجيلها هنه بهاي الفتره صارو حيل صديقات يتخابرون هواي ويتراسلن علاقتهن حيل قويه وحلوه
.
خاصه فرحانات ياخذن اصدقاء و اثنينهم نفس الاسم 😂
.
تونسو ورجعو وتغدو وكالعاده ملتمات يغسلن مواعين بس رانيا مااجتي وياهن تدري متكدر ع روحهه و هم متكدر تبقه مقهوره تشوف فرح منتصره بالاخر و هم عدهه القليل من الكرامه سحلتها فرح وراهه اهلها و محمد انطى بيهه ف ما كو شي لصالحها
.
ديغسلن وفاتو الولد من برا من باب المطبخ
.
محمد. سم وزقنبوت هاي ليش متعبات ايد مرتي؟
يعني شكولجن متكدرن تغسلن مواعين اله المعدله تغسلهن
.
ندى. محمد لتحمى لعد ابيتكم منو يغسلهن انت
.
محمد. اي اني اغسلهن واكنس وامسح دباعي ايدي مكشره ماعدجن كريم فاوندنشن شي
.
ندى. ايع محمد ما لايكلك اول مره اشوفك هيج تحجي 😂
.
محمد. غير مرتي مسيطره
.
البنات. ههههههههه محمد انت مو اول مره تحجي هيج انت اول مره تسلم علينه وتضحك وتحجي شنو نوع السحر فرح
.
فرح بس تضحك عليهم مترد
.
محمد. اي والله نبهتيني اكول يوميه تكص من شعري وملابسي يمهه وبليل تشغل بخور وتحجي حجي ممفهوم
.
كلهن ضحكن وظلن يشاقن والكل يعرف محمد شكد ثكيل وماله خلك ويظل طافره روحهه وكوه يطلعون منه السالفه بس هيج الحب يغير الشخص وهم حتى يفرح فرح ويحسسهه هي شي بين البنات هو تسفط حجي بس ياثر بالبنت ومثل متنطيهه تردلك اضعاف
.
كملو وراهه كلمن تمدد ظهريه وسوالف وحش ومحمد كتب لفرح
.
محمد. فروحه اطلعي نتمشى بالبستان
.
فرح. خاف عيب
.
محمد. شتحسين ع كولتج مو مرتي عادي مخطوبين
.
فرح. ماعرف
.
محمد. اني اباب المطبخ تعاي جبت حب
.
فرح.  جايتك
.
نزلت فرح بلغت خالتها كالتلها بس بثكل لتفضحونه كدام العالم 😂
اشرتلها فرح اي وراحت
.
فرح طلعت لكته واكف يم الورد شايل ورده يشم بيهه
.
محمد. هلا بريحه هلي هله بعافيتي والله عيب اكول هاي ورده وانتي يمهه
.
فرح.  دجيبهه ويلا امشي
.
محمد. شكو مستعجله تريدين نروح بالختله لاعفيه استحي
.
ديمشون ويحجون
.
فرح. محمد تأدب
.
محمد. شقصدج رسميه ما معلمتني الادب
.
فرح. هههههههههههه محمد شو انت صاير تضحك ماجانت هيج
.
محمد. اني هيج ويه ربعي الح ويه امي وبس
وهسه انضميتي الهم
.
فرح. وبالمطبخ
.
محمد. لان ماشايف بشر غيرج
.
فرح. محمد ليش احسك تصير فياله يعني تنطيني ع كد عقلي
.
محمد.  اكلج شي متزعلين
.
فرح. كول 😳
.
محمد. لا مااكلج مااحبج اطمني اموت بربج
.
فرح. لعد
.
محمد.  انتي عندج ازمه ثقه يعني كلمن وثقتي بي غدرج او عافج ف تظلين ممطمنه متعيشين اللحظه تظلين تحسبين حساب باجر والعالم وشحيصير وافكار سلبيه خاف يعوفني خاف يجذب خاف يضحك عليه خاف مدري ايش هيج لاانتي حترتاحين بحياتج ولاتريحين الوياج
.
فرح دنكت. اي كلهن صح بس مو بيدي
.
محمد. وانه ايدي بيدج للموت واتحملج بكل حالاتج بنيتي وحبيبتي وروحي من الدنيا انتي
.
فرح. الله يخليك اليه يارب ومنتغير ع بعض نبقه هيج طول العمر اذا بقيت هيج تحبني ومدللني ومتحملني احارب الدنيا كلها واتحمل كلشي علمودك والله
.
محمد. ما استاهل بوسه 😗
.
فرح. هاكمت تحوص اله تخربهه
.
محمد. اشاقه وياج جكمه
.
ظلو سوالف وضحك ساعه احباب وساعه متعاركين ويتمشون ويكرزون حب
.
فرح. تعرف اني امنيتي اكرز واتفل الحبايه بالكاع عادي

.
محمد.  شهالامنيه الخايسه
.
فرح. مو بالبيت اخاف اوسخ وبالمدرسه هم مااوسخ يطيرةن ورانه وبالاماكن العامه هم فشله
ف هنا انسب مكان
.
محمد كرزهه وتف الكشر. يلا والله شعور حلو اني عيشتي اتف الكشر احلى تروح الطاقه السلبيه 😂
.
فرح. متت كلشي ونربطه بالطاقه السلبيه
.
محمد.  هاي شنو برمشج اوكفب لتمدين ايدج ليفوت بعينج وتعال طلعه شو بله غمضي هاي كلنسه خلي اوخره بيهه

.
فرح غمضت
و محمد باس عينهه و وخر راسا فرح عصبت علي
.
محمد..  و الله ما اتحملت هههه يلا مو زين ع عيونج مو بغير مكان 😜😉
.
فرح. اله تخربهه متكدر ع روحك
.
محمد.  فرح عوفي الشقه يعني انتي متتشوقين تبوسيني وتشتاقين لحضني وهيج ماكو لهفه
.
فرح.
.