ادمنتها

الجزء الرابع عشر

م محمد. تذكرين من مره راد يروح وجنتي ضايج هههههه جنتو تكابرون هسه انجلبتو نريد نلزمكم منكدر
.
فرح. هههههه خاله اني اكدر اكابر بس انتي تكليلي اكسبي زلمتج ع كولتج هههه
.
ندى. يلا اني اروح بالباب وصلو دكو عليه يلا مع السلامه

بوستهم وراحت وفرح راحت تنضف وتعزل البيت وام محمد وياهه عالي تكدر علي هي هم جبيره عمر بس هيج متكدر ع روحهه وفرح طايره وراهه كعدي خاله هسه اني وهسه اني وراهه يجون جوارين يباركون وهيج

محمد كل شوي يتصل ويطمن لو يراسلها وهي تشتغل ويالها يمه وبس تضحك وتغني وتنتظر جيته منا لليل دك الباب
.
ام محمد. خير ياستار منو هسه يجي ب١١
.
راحت فتحت طلع محمد
سلم عليهه وفات
.
ام محمد. خيرك شو راجع
.
محمد. والله يمه سويت الواجب وجيت واصلا كوه خلصت اليوم باردين واحسني غريب بنصهم سويت العليه لخاطر ابويه ورجعت
.
ام محمد. لاعيب يمه ذوله عمامك هم الهم حق عليك بس انت كطعت
.
محمد. هم صح ممسويلي شي بس مدااتقبلهم هم متقربو منه ولاشفناهم من توفى ابويه ومحد وكفلنه حالهم حال الغربه
.
ام محمد. محمد انه اعرفك تريد تبعدهه علمود تقرب عرسك اخذهه مني كلمه مااتنازل عنها اذا ميمر حلو سنه كامله متزوج وانساهه ولتناقشني بيهه وباجر توديني الصبح ونرجع العصر انه هم موصاحبه طويله وتعبانه
.
محمد. يمه شدتحجين لتخبليني ياسنه هو اهل الميت ميحزنون هيج حدهم الاربعين
.
ام محمد. انه كلت العندي ولتناقش تريد اكل لولا
.
محمد. لااكلت بالطريق
.
ام محمد. لعد ح اقفل البوب وانام انت نام يلا
.
محمد. ديلا نوم العافيه اني هم تعبان باجر نتفاهم
.
ام محمد. منتفاهم لف راسك ونام موضوع منتهي مابي ايييييي تغيير
.
محمد. خير 🙂وفرح وين
.
ام محمد. احش رجلك اذا فتت غرفتها نايمه اني حنام هنا وانت بغرفتك واكلها تقفلها واذا شفت حركه انام يمهه بعد تدريني نومي خفيف بسرعه احس
.
محمد.  سالمين يمه اني ماسويهه شهالحجي وبعدين ترا لوشخرتيهه يحترك البيت متحسين
.
ام محمد. دروح روح
.
راح للغرفه وهي راحت قفلت ونامت فات سبح واجته فكره حلوه اهو ويسبح هههه
من طلع لبس البرنص وكتب لفرح
.
محمد. فوفه
فروحتي
وليدي
مردت دك عليهه
.
فرح غافيه وتحجي. ها محمد خير خمااكوشي
.
هي بين مفات وارتاح وسبح يعني ب١٢ بس هي من العشره ونص شاخرتها
.
محمد. شبيج حبي ترا الساعه ب١٢ حتى الدجاج  كاعد
.
فرح. محمد لتكلي مخابر رومانسيات وهيج ترا مطفيه ومااربط باجر نحجي
.
محمد. لاا اريد منج شغله
.
فرح.  شنو احجي
.
محمد.  شغله بغرفتي روحي للغرفه ع كيفج ومن تفوتيلها دكي عليه وادليج وينها حتى تصوريلياهه
.
فرح. لا محمد والله نعسانه مبيه حيل اكوم
.
محمد. فرح شي ضروري يلا روحي
.
فرح.  اوك يلا من اوصل ادك
.
راحت فرح ع كيفهه وفاتت للغرفه لكته واكف ينتظرهه
.
فرح. عااااا هاي شنووو شوكت رجعت
.
طبعا فرح راحت بدشداشه نص ردان سوده وقصيره وفاله شعرهه مكفوش بس شنو طالعه تشك هههه
محمد عباله يفاجاها هو تفاجأ
.
محمد. بنت ال... اوادم شطالعه تعاي
.
فرح. هااا (باوعت ع نفسهه) شبيه!  شعري قصدك؟
.
محمد. ياشعر اني اقصد اللحم الابيض هذا
.
وقرب عليهه ولزم زنودهه ولزم حنجها ورفع راسهه تباوع علي وكللها
.
محمد. أحـبج
احبج واحب رب العالمين الي جابج الي واحب عمامج الي خلوج تجين بطريقي واحب اليوم الي جيتيني بي واحب كلشي يتعلق بيج
.
فرح نزلت عينهه وحجت بصوت ناصي ومتردد
.
فرح. اني هم
.
محمد. شنوو؟
.
فرح. هيج ماكوشي
.
محمد. احجيهه بداعتي
.
فرح. غمض عينك واكولها
.
محمد. امري ل الله يلا غمضت احجي
.
فرح قربت علي ورفعت رجلها ع اصابعها مكدرت توصل وجهه ههههه لزمته من ياخته مال برنص نزلته شويه وكالتله احبك وباسته من خده بسرعه
.
محمد ظل مغمض وكال. افييييييش بعدني مغمض نفسهه عالخد الثاني حتى ليزعل خطيه
.
فرح ضحكت وباسته وهو حضنهه من خصرهه ورفعها حتى توصله هي لفت ايدهه ع ركبته وباسته
.
محمد. بعد شفتي خطيه عطشانه
.
فرح. كافي ملحه. تحجي بدلع هههه
.
محمد. حبيبي يلا والله مشتاكلج
.
فرح. محمد لسوي هيج بعدنه ممزوجين حتى حرام
.
محمد. لاازوجنه ترا وحلالي وموحرام وهي بوسه وراه الزواج غير امور
.
خلت ايدهه ع حلكه وسكتته
.
فرح. ديلا اسكت اله تخرب اللحظه
.
محمد. مااتحمل كل هالجمال ومااتغزل
.
فرح.  هذا مو غزل هاي لكلكه
.
محمد. شثكلج هديتي حيلي ههههه
.
فرح. عابتلك نزلني
.
محمد نزلها ولزم ايدهه و اخذهه لل جربايه كعد و اشرلها تكعد يمه
.
محمد.  تعاي نحجي مشتاقلج

.
فرح. قبلها بدل بين مااسوي اكل واجيك
.
محمد. روحي جيبي فروتي وراج معلكه ولبسيهه بارده خاف اكلج احضنج وادفيج ونخربهه اليوم ههههه وخاف اعوفج هيج وهم اخربهه ماا اتحمل اكعد عاقل هيج
.
فرح. ليش تقكيرك وصخ دايما
.
محمد. نفس تفكيرج بس اني اعبر انتي تضمي وتكولين الله كمل كمل بداخلج ادري بيج 😂😂😂
.
ضحكو اثنينهم حيل وراهه ضربته وكالتله
.
فرح.  وجع شكد حقير
لاصدك محمد احجيلي شوكت رجعت وليش وماكل لو اسوي
.
محمد. رجعت قبل ساعه جنتي تشخرين
وهاهيه شبع ولا كلت لاامي اكلت بس جذب جبت اكل الي والج ناكل سوا
.
فرح. وليش مجبتلها ويانه واكلنه سوا
.
محمد. امي تدور منددي ومشاوي متحب ذني السوالف جبت كنتاكي وريزو
.
فرح. مممم يلا جيب ناكل حتى ننام
.
محمد كام بلش يلبس وهي منطيته ضهرهه كمل واجاهه
.
محمد. حيوانه همها بطنها لاكالت رجلي لامشتاكتله لاشي
.
فرح. يم البطون تعمى العيون
.
محمد باوعلها بجديه
.
محمد. فروحه تدرين امي تكول ناجل عرسنه سنه كله من ورا عمي اله تموت هسه توازيت
.
فرح. حرام لتحجي هيج. وبعدين حلوه الخطوبه واذا
.
محمد. بربج كدامي سنه كامله مااتحمل يعني مثل المزوجين بس اخوه عالورق ههههه
.
فرح. يعني انت مزوجني حتى هاي السوالف لو علمود تشوفني ونعيش سوا وحب وبرائه
.
محمد. كدامج اكل يكفيج تباعين علي كدامج يوميه وهو طيب ويشهي وانتي جوعانه تشوفي كدامج تكدرين متاكلي؟
.
فرح. هههههههه وجع شو اقنعتني لاعفيه تادب
.
محمد. ماكدر فروحه والله مو بس الشغله الي ابالج بس مراهمه حتى لو نزوج بسكوت وحتى لو ازوجنه ميهتمون يمعوده موبحالي همه
.
فرح. وخاله شلون بيهه
.
محمد.  والله مدري نحاول نقنعهه بلكي ولو هي راسهه يابس ههههه
.
فرح. حمودي جعت حيل خلي اكل وانام هم نعسانه ماكدر اناقش باجر عود نتفاهم
.
محمد.  اكل جعل محد ياكل غيرك
.
اكلو وسالف وضحك وتحشيش وراهه لمتهن وكللها
.
محمد. روحي لغرفتج بسكوت واني اذبهن بالسله لتشوفج امي وتفضحنا وجيبي الفروه اريد احضنهه وانام
.
فرح. ههههه يلا تصبح ع خير
.
وسوتله بيدهه قلب 🫶🏻 وراحت
.
راحت لغرفتهه سدت الباب وارتاجت عليه وغمضت وتنفست ووالشعور الحلو الي عايشته رفعت راسها وكالت الحمدلله يارب تدوم علينه هالفرحه طول العمر وميغيرنه ع بعض يارب
.
وراهه راحت لفراشهه تغطت وحضنت المخده ونامت
.
و