ادمنتها

الجزء السابع عشر

فرح. خاله الله عليج خلي تجيي ندى وياي تساعدني بامور السوك وهالسوالف والله محد وياي اني ومعتبرتها مثل اختي
.
امها. هاهيه تدلل عروستنا اخذيهه هههه
.
فرح. تسلمين خاله
.
اخذنها البنات ابمزوجات وبلشن جيبي هيج وجيبي هيج وهذا يفيد وهذا ميفيد وووو كملو ولمو غراضهم ورجعو للبيت وهم
بالطريق تناقشو انو العرس شهر الجاي
.
محمد. هاهيه لعد علمود فروحه تلحك تشتري الي نفسها بي ومتكول ماجهزني بعرسي
.
ام محمد. تستاهل فروحه
.
محمد. اضربي صار سنين اجمع وتالي حتصرفيهن بالسوك
.
ام محمد. الحمدلله راحن ع اليستاهلهن
.
محمد. عود نداوي هم جيبلها هدوم العرس ولبخها حتى الحذاء تجيبلها ماقصرت ويانه
.
ندى. لاتسلمون كفو نفسكم اني سهله
.
فرح. لاشلون غير اختي انتي شلون اعوفج
.
محمد. اي براس الزوج
.
فرح. ههههه لاحيشاك انت الخير والبركه
.
محمد. همزين تنفستي يمعوده كلت خرسيتي من الفرحه هههه
.
فرح. اي مو ماخذه يوزرسيف خف علينا
.
محمد. اي هسه طمنتيني عليج 😂
.
وصلو للبيت ونزلو الغراض محمد راح جاب دفتر وقلم

.
محمد. يلا تعالن نرتب الوضع حتى منضيع
اول شي الذهب ٧ ملايين يمه زايده
.
ام محمد. اي يمه كافي تخم من الزينات ووياهن اساور تخرخش بيهن هههه
.
فرح. خاله التخم شنو بي من شنو يتكون
.
ام محمد. بي كلاده وترااجي ومحبس وسوار نفس الشكل ونجيب وياهن حلقه واساور
.
فرح. خاله انس اريد شي بسيط يعني حتى لو بس حلقه ماريد اكلف عليكم
.
ام محمد. لاحبيبي متكلفين خير جثير وانه ضامتلي فليسات من اجار المحلات الشهري الي يدزولنيا اخوتي مقرره غرفتكم عليه اختارو الي تريدو وانه ادفع
.
فرح. لا خاله محمد يدفع خليهن الج
.
محمد. انجبي انتي معليج خلينه نسترزق لتعيديهه غير تومفين ويه رجلج.
.
فرح. من هسه ركز وياي خاله رقم واحد يعني لتقارن نفسك بيهه خلاص
.
محمد. 🙂😒😒😒
.
فرح. يلا كمل
.
محمد. والقاعه وسوالف الحنه والميز وهيج الولد كلولي عليهن هم تدورن هالسوالف وها كال توزيعات مدري شني هم
.
ندى. اي صحيح اهم شي ذني
.
ام محمد. وتروح للصالون تصبغ شعرهه وتحف وراهه تحجز مكياج وتسريحه هم بفلان سعر
وهم بدلات تحجزون
.
فرح. اي يبو والله دوخه. .
.
ام محمد. والجهاز كول مليون مليونين
.
محمد. كولن من الاخر بيع هدومك وتعال نكمل
.
فرح. محمد باع خلي نحسب الذهب كلتو ٧
القاعه مليونين هيج شي
الجهاز مليون زايد
البدلات بدله للعرس وبدله للحنه الوحده ميتين اجارهن يصيرن ٤٠٠
صبغ شعري والحف ميه زايده شعري قصير وسط

وراهه الصالون مكياج الحنه والعرس كول ٥٠٠ بالزايد للاثنين
الغرفه احبهه بسيطه يعني موضحمه تخرب الغرفه شي مرتب وبسيط حيل يحليها واني ارتب الغرفه صبغ وهيج ابالي افكار
واكيد للزلم قاعه هم مليونين

ها القاعه بس الحنه العرس اريد بالبيت ننزف منا انت تجيني من بيت خوالك هههه بقو يمي وحده من خالاتك وندى وخاله تعاي وياهم بالزفه بس بهاليوم اسمحلج تصيرين ام محمد وراهه ترجعيلي
.
ام محمد. يمه بعد روحي حلتها جنتي المعدله هاهيه خوش حجي
.
محمد. اي عجبج حجيهه لان كالت غرفه بسيطه شفت ضحكتج
.
كلهم ضحكو وحسبوهن بالاخير وصلن ال ١٤ هيج شي كاللهن سهله هم مليونين زايدات نخليهن ورانه كوشه وسوالفجن
.
فرح. اي والله حاير بيهن اكثر مننا ههههه
.
محمد. غير ادور سعاده مرتي
.
ندى. محمد معرفناك هيج ضب روحك يمعود
.
محمد. هههههههه والله ارد اضحكم ترا موبحالها هي طايره ورايه
.
فرح. متاكد 😒
.
محمد. لالايمعوده ساحلتني سحل
.
مرن هالايام ركض ركض وتعب وكلمن من جهه ويادوب يلحكون

اشترو ذهب وجان ذهبهه حيل حلو كلاده ٣نزلات بيهن ورد ونفسهن تراجي ومحبس وسوار والحلقه اختارت ساده هاي التقليديه الصب بس عريضه واساور ٤ واخذتلها ام محمد محبس

هديه ثانيه وراهه جهزو الملابس راحن وياهه ندى ومن خالات محمد ٢ بعدهن موحيل كبار حتى اعرف بسوالف ابجعاز وام محمد مومال فرات طويله بالسوك

ذبوهن وهنه تسوكن ظلن يوميه ورا الغدا لليل هنه بالسوك اشترت دشاديش مال خطار بيهن شغل مذهبات وتطريز وحزام عالخصر

اشترت يمكن ٥ واشترت دشاديش مال بيت عاديات هم ٥ وجابت تراكاات ٥ ودشاديش كصار نص ردن مال بيت ١٠ لان هنه موحيل كصار ينلبسن كدام خالتها عاديات وجابت شحاطتين مال بيت واحذيه جابت ٥ احذيه كل واحد هو وجنطته

و اشترت ملابس نوم ونواعم وقراصات وجواريب من كلشي جهزت كانو ماعدهه لو لبسه والمكياج ف مخلت شي بنفسهه و خالات محمد حيل طاكين ف يجيبن و يخلن بس تستاهل فروحه و محمد يجيب ويوصي جيبن لتتقيدن صار سنين يجمع المن قابل هو هم

شغله زين مكون نفسه و خواله هم انطوهم فلوس كل واحد مليون باعتبار هو يتيم و هم مسؤلين عنه و ابن شيوخ لازم مينقصه شي

المهم كلشي جابو كملوهن باسبوع وراهه حجزن يم ام الصالون علمود يلكون حجز اول العالم من وكت حجزو بقالهم ٣ اسابيع وبلشن جلسات عنايه بالشعر بالبشره وماسكات وماعرف ايش كلهن يلتمن ويروحن يترسن المركز وسوالف وضحك
وهم يروحن يختارن فساتين وهيج

وخلص ثاني اسبوع بقه اسبوعين للعرس راحن للصالون هم صبغن شعرهن فرح رادت تشد اكستينشن طويل سوت شعرهه لركبه رجلهه حيل طويل وصار عسلي بلون شعرهه وسوت هايلايت هيج خصل حيل حلو صار بس مرادت محمد يشوفه

وراهه حجزو البدلات  جانت بدله الحنه هاي الي لونها زيتوني ومذهبه يمكن مال عمانيات ووياهه جابت اكسسوارات ذهبيه للراس وحزام واساور وهيج وللعرس جانت ردان تول ولونها اوف وايت تجنن بيهه ورد وقررت تسريحه شعرهه فل مبروم وشغل بالكذله  بس تاج والطرحه طويله وفوك شعرهه

وحجزو القاعه وبلشو تدريبات للدخوليه والرقصه وهيج جانت تفاصيل حيل حلوه مثل الحلم الله يكتب هالفرحه لكل بنت
مبقه بس ايام قليله وبلشو حف ورتبو حواجبهم ووجهم وباقي جسمهم طبعا كل ميصير شي مو بس فرح يلتمن ويروحن هم معروفين بالمنطقه
بنات الشيوخ ف يصير الصالون بس الهن يكملن ويرحن حتى هم فرح متحس بالوحده وتضوج جان محمد مهتم باتفه التفاصيل يريدهه متحس باي شي موحلو بس مشاعر حلوه

وبلشو اليوم احد والعرس الخميس ومن هاليوم دك وركص راحو البيت خوالهم لان كلشي هناك حيصير ويوميه دك وركص وهم لان محمد مرادهه تفوت للبيت بس عروسه ومتشوف غرفتها اله بيوم العرس اي هو نعرف حيززفوهه من ذاك البيت بس حلفها متفوت للغرفه واصلا حيقفلها

وهم يردون يصبغو ويرممو ويرتبو قبل العرس يصير جديد لعروستنا ف هو جابو عمال تشتغل وتكمل وتنظفه وتطلع

.