ادمنتها

الجزء التاسع

محمد بدل ودزلها رساله
محمد. فروحه تعاي اخذي ملابسي وديهن بجنطتي
.
فرح. اوك اطلع واجي اخذهن
.
محمد. هواني رحت خالي صاحتلي جان جبتلجياهن توديهن
.
فرح. اوك
.
فرح راحت فاتت للديوانيه ضلمه ضوا خافت بيها فاتت باوعت يمنه ويسره محمد ورا الباب وراهه صار من فاتت متشوفه بس هو واكف بمكان ضلمه فاتت ترجف ونفسهه ينسمع اخذتهن من

الكرويته مصفطهن شالتهن خلتهن ع صدرهه ومشت تتنفس بصوت وكلبهه يريد يطلع من صدرهه مدري خايفه من الضلمه ك عادتها مدري الشعور الي بداخلها
.
فرح... فتت للديوانيه وكلبي يدك دم دم دم خايفه كلش ومتفاجاه وماريد محمد يكمل حجيه شلون اباع بوجهه هيج فجاه بدون

مقدمات لالا ماكدر اني فوكاهه مكابله وجهه نهار وليل كل مشاعري الي جنت اخفيهه واكابر بيهه طلعت طلعت غيرتي

واشتياقي اله حتى وهو يمي وعشقي لعطره وطوله وطريقه كلامه احب اسمس من يناديلي بي ولحظات هواي تجيني اتمنى اختل بحضنه كبهن يجن بعقلي بس مسطوره ماعرف شسوي فجاه
.
.

محمد جرهه من ايدهه علي ورا الباب صارت من جهه الحايط وهو كدامها طبيعي هي عاطت وسد حلكهه وكللها
.
محمد. اسكتي هذا اني محمد
.
وخرت ايده فرح وتظم بابتسامتها
.
فرح. شبيك تخبلت خرعتني
.
محمد. ليش تنهزمين مني غير اكمل حجيي وتروحين
.
مدري ليش يحجون بهمس والي يريد يحجي يتقرب ع اذن الثاني هههههههه خاصه فرح ترفع اصابع رجلهه حتى توصل اذنه وتهمس
.
فرح. محمد سدهه الله عليك لتحجي هيج بعد لتخرب صورتك
.
محمد. خاب دنجبي شنو حجاره متحسين
.
فرح. اي حجاره عندك اعتراض
.
محمد. اي انجبي واحجي تدل خلي نفتهم
.
فرح. دوخر هسه منا بعدين نحجي. توخر بايده حتى تطلع
.
هي راحت ساحت روحهه من عطره وصوته الي يهمس بي ونفسه الي يجي عليهه من يحجي ودفو قربه يمها
.
محمد. تمام حروح اخطب رانيا
.
فرح. خرا عليك وعليها 😡😳اسفه اسفهه والله بدون قصد
.
محمد. خرا عليج لتحجين ع مرتي
.
فرح. شو مزعلت من غلطت عليك؟ اني اعتذىت عليك وله هي ميت نعال براسهه
.
محمد. شدعوه هيج غرتي من ام الجهاال
.
فرح. اهووووووووو محمد لتحجي هيج الله عليك كلبي خلصان
.
محمد. اعترفي
.
فرح. بشنو بله
.
محمد عمزلها وضحك
.
فرح. ههههاي ضحكتني شعبالك تحصلني بسهوله
.
محمد. يعني؟
.
فرح. يعني اذا انت صدك تعني كلامك الي كلته والشي الي حاولت توصله اثبته الي لتخلي بعقلي علامه استفهام من اتاكد بداخلي انت الشخص الصح يلا
مذابحه روحي عليك حتى بس لمحت اجي اركض وراك
.
محمد. يعني افهم من كلامجج انو اني اذا انتي لمحتيلي مراح اهتم لان ماابادلج المشاعر
ف انتي لو صدك تبادليني جان فرحتي واي جيتي ركض
.
فرح. بس كلشي يجي بسهوله يروح بسهوله
.
محمد. قصدج ميته بحبي بس تبيعين ثكل
.
فرح. لاموهيج محمد الحب ميكفي بهالزمن هذا عمر واني اريد اضمن عمري الي حيخلص ويه الشخص الصح الي صدك شاريني ورايدني
.
محمد. وله بربوك ليش تخليني اغلط كل السويته وممتاكده اني فتت بالنار علمودج
.
فرح. لاموعلمودي تفرق انت فتت بالنار يجوز نخوه او تربيتك صح ورجولتك بس مو لان اني فرح يعني اي وحده تسوي نفس الشي وياهه حتى لو كارهها
.
محمد. قصدج منا وجاي اذا لكيت بنيه تغرك لو تنخطف اعوفها اكول مااحمي بس فرح
.
فرح. اييي بالضبط
.
محمد. بس بهالحاله بواني عايفج جان يجوز ميته هسه او حابسيج وديعذبوج او او او
.
فرح. يلا ساعدهن بس شسمه لتجيبهن للبيت او ساعدهه وعوفهه ولتحجي وتضرب ميانه وياهه مثلي ع كولتكم السوته وياي تسوي ويه غيري
.
محمد. اني رجال اصون العشره واوفي ورجولتي متسمحلي اقصر بحقج واسوي هيج امور فروحه
.
خله ايده ع خدهه قربهه وباس راسهه
.
محمد. امشي ولي يلا عرفت الي اريد اعرفه
.
فرح. ديلا وخر 😒
.
محمد. ابتسم وباع بعينهه وراد يكول احـ...... راسا سدت حلكه وودنكت من جوا ايده وراحت تركض
.
فرح. ....
شعور يجنن وخاصه اذا انت متاكد هذا الشخص الصح اني وغريبه ومعاملني احسن معامله فما بالك حبيبته او زوجته ف شعور مابي ولاذره خوف او شك او اي شعوى موحلو الله يديمنه لبعض رحت

خليت هدومه بالجنطه وسديتها وجيت يمهم هو كاعد متربع ويه الولد بس مباوعلي ميريد يخجلني اعرف بي حافضته ولايريد انحرج وماارتاح بالكعده

كرار.فرح تلعبين ويانه لو ايدج توجعج
.
فرح. لاليش شبيهه
.
كرار ضحك وكال. ها لا شفت خاله لازمتهه وهيج عبالي بيهه شي 😂
هويقصد من شافهم ومحمد لازم ايدهه
.
محمد. كرار انطيني كرزات من يمك
.
كرار. فرح شتحبين
.
محمد. تحب الكاجو خابصتنا بي
.
كرار. هاانت اسمك فرح
.
محمد. لا مو اسمي فرح وجر عدل لاينشك حلكك الفار الي بصدرك اذا ما حبسته اركعه بنعال علي المشكك
.
علي. ايا كو..... استغفرالله ايا جلاب ترا هذا مصارله هواي هنه اربع سنين
.
محمد. اذا متذبه ناوي اوكله لواحد
.
كرار. منو قصدك
.
محمد٢.قصده كرار واذا تتنفس حلكك اشكه ديلا.
طبعا محمد٢ الي كتلكم علي ابن خال محمد وصديقه حيل وفهمها هي وطايره لان واصله باص من محمد
.
المهم ضحك وسوالف ولعب
.
محمد. تعبت اني خلو البنات يلعبن
.
رانيا. منعرف سوالف الولد احنه
.
كرار. قصدج فرح ولد
.
رانيا. ههههههههههههه لالحالي ماقصدي شي
.
فرح. كرار كل البنات رجال بس اني مره
😉
.
كرار. دنجبي جعفر
.
فرح. ديلا اني رجال راضيه انت شنو؟
.
كرار. اني طنطل
والله لو ع قبل اكيد مورجال انتي بس حاليا بهالوقت نص الزلم صارو اكيت منج تاهت علينه
.
محمد. لحد يزعل فروحه كرار سد حلكك
.
فرح. ديلا سد نيعك هسه
.
كلهم ضحكو لان سد نيعك سالفه ابو جودت اباب الحاره
.
محمد. تعودو هاي سالفتها دايما سد نيعك وستحسس و ياااا وعزه وبعد شنو فرح
.
فرح. شمدريني انتي تعيب ع كل حجيي
.
محمد. ههههههه من حبك لاشاك
.
كرار. مممممم
.
محمد. كرار شبيك شتحس لتظل تنطنط
.
محمد٢.محمد انت تحارش بالولد وتريده يسكت
.
محمد. ههههههههه ديلا كومو تعبان اني
.
كامو ولمن البنات وفاتو كعدو يمهم المبار ديتعللون سوا بالصاله
.
سلمو وفاتو وحجي وشقه وضحك
.
ابو محمود. ها خالي محمد شوكت تعلن سالفتك
.
محمد. لاخالي عوفهه هسه بعدني مارتبت وضعي
.
ام محمد. عوفه مافكسن بيضاته
.
محمد. يممممممه
.
ابومحمود. ايييي فروحه يابه شلونج
.
فرح. زينه عمو تسلم
.
ابومحمود. كليلي خالي
.
فرح. حاضر تدلل خالو

.
ابومحمود. يلا شويه شويه تتعلمين حجينه
.
فرح. ان شاءالله
.
بقو يحجون ويقلدون ع كرار ورانيا حيل ضاجت حست محمد كل شوي يباع لفرح ويبتسم ويدنك وهي هم بس مبتسمه وشكلهم غريب وحجي كرار بالحديقه ومن راحتله طولت يمه
.
المهم كملو وصارت ب١ونص وكلمن اخذ جهاله ومرته وراح والولد هم قلو وبلشن يفرشن الولد بغرفهم راحو والبنات هم يفرشن ولغرفهن ومحمد نام ع رجل امه يبسبس وياهه
.
محمد. يمه مرتاح نبقه فتره لو تردين نرجع لبيتنا
.
ام محمد. اكيد متونسه يم اهلي بس يوم يومين ونرجع انه هم جبيره عمر وماارتاح اله ابيتي وفراشي
بس خالك كال فتره نطمن عالاخر ونرجع

.
محمد. خير ان شاءالله
.
ام محمد. حجيت لفرح
.
محمد. اي كلشي حجيتلها عدا موضوع الزواج
.
ام محمد. ترا انه اعرف البشر من عيونه ويجوز تضحك عليه ويجوز عايدتها الف مره بس يايمه هسه انت من تشوف جاهل مو عارف كل حركاته وتضحك بعقله هيج احنه الكبار واعرف انتو

الاثنين رايدين بعض وتكابرون فاتحهه واكيد حتفرح لوتريد افاتحها انه
.
محمد. لايمه اني ع كيفي ممستعجلين
.
ام محمد. يايمه مانعرف باجر شمضموملنا توكل
.
محمد. خير ان ششاءالله