ادمنتها

الجزء الثالث

.
ضحكو وفرح ضحكت وياهم سمعوهه من الغرفه لان هي بصفهم وباب مفتوح
رتبت الملابس كالتلها هاي غرفه محد بيهه مخليهه خطار شي ولو محد يجيهم يبات
ولكو محمد جايب كنتور بابين وخلت هدومها بيها
.
ام محمد. يمه الجربايه يجيبلج باجر ماعدنه سياره حمل رفيجه كاله باجر اجيبهه بسيارتي اليوم مشغول اعذرينه
.
فرح. لاخاله انام بالكاع اني ماعندي مشكله والله
.
محمد. لاشلون عادي لتشوفينه ترا بغرفه امي جربايتين الي والها بس احنه الضهر نحب ننام بالكاع بالصاله سوه لو عالتلفزيون لو يم الصوبه تدرين عزابيين وبطرانين ندور مود واجواء قديمه
.
فرح. ههههه عادي لتتقيدون ولااريد اكلفكم اني والله
.
محمد. فرح باعي(حجه بجديه) ترا اني عندي خير من الله ترا خوالي هنا شيوخ كبار ومعروفين وعدهم خير من الله يعني حلال امي يغطي عين الشمس واني شغلتي هاي بمزاجي يعني ابويه جان يحبهه وكملت ورا وبزعان من سوالف ومشاكل الشيوخ وبيتنا اكدر

اجيب احسن بيت بس احنه قنوعين منحب الطمع والفخفخه وبيت ابويه القديم حتى هو جان يكدر يجيب احسن منه بس حابه وبقه

يعني لتضنين راح اتعبينه بمصرفج لو ماعدنه وصرتي حمل علينه
ياريت ترتاحين وتتصرفين طبيعي
.
ام محمد. ماتنجبون اثنينكم امشو سوولنه عشه جوعانه
.
محمد. لايمه صدك جذب خدامتج كملت العشه
.
ام محمد. عفيه حمديه
.
محمد. اي انتي ساعه طكوع ساعه بكوع
.
ام محمد. غير حسب المناسبه
.
محمد. ديلا غسلن وبدلن تلكن الاكل جاهز
.
فرح. اساعدج بشي اااقصد اساعدك 😂
.
محمد. عود ترا اذبحج هينه
امي مره مخرفه ومجبور اسكتلهه اكول خاف باجر عكبه رب العالمين يكلي ضوجتهه امشي هرول لجهنم
انتي اموتج بكاعج
ويضحك
.
ام محمد. هههههه ماجوز مني يول
مخرفه مو انه اعلمك
.
محمد. انتي الخير والبركه ام محمد
.
ام محمد. بعد رويحتي انته يلا امشينه نجهز العشه وانت اللبس شي بارده وانزل كافي
.
محمد. والله استحريت لان كرفتلج البيت كله الوصخه
.
ام محمد. يول عيب جوز من لسانك موالبنيه تحاسب صدك
.
محمد. يمه جا مااكدر مااشاقيج اموت
.
ام محمد دنزل ابن ال..... اخ ماكدر اكملهه عيب من البنيه
.
محمد. لاموعيب تردين تطلعين خوش ادميه كدامها متشوفيهه لسانج المتبري متج
.
ام محمد. لتصدكي يمه هذا يدابل بيه سوالفه ماتخلص
شوف محمد شطالعه بالحجاب تجنن بنيتي

كالت هيج وفرح راسا طيرت عينهه وفتحت حلكهه وصدت ع ام محمد مصدومه هي كلمه عاديه انحجت بس فرح حييييل تاثرت وقهرتها(بنيتي)  راسا كامت تبجي بصوت عالي مثل الجهال
.
ام محمد راحت تركض عليهه وتكول. يبووو والله مابالي موبقصدي
.
فرح. تبجي و. لا خاله كوليها اسفه والله بس ماعرف اني محرومه من ابسط شي والله ف موبيدي من اتحسس وماسيطر ع دمعتي محد ورا اهلي حسسني باني بشر اصلا جنت شي منبوذ مكروه من الكل
.
ام محمد حضنتها وضمتها بحضنهاا. يمه بنيتي انه منا وجاي كوليلي يمه ماما مامي بكيفج هههه وانه معتبرتج بنيتي انه مااجاني بس هذا الشفيه وترملت بصغر من وعفت دنياي لخاطره