ادمنتها

الجزء الثاني عشر

ابومحمود. احجي شسوتلج
.
فرح. عمو يوميه بسامير وحجي زايد وانطيهه ع كد عقلها اليوم تكولي منعروف اصلج من فصلج وتحجي ع شرفي مااقبل اني
.
محمد كام ع حيله معصب. اكسر راسه اليحجي ع شرفج وزين سويتي ورانيا اني ساكتلها بس مينسكت عليها بعد لان تمادت لسانهه متبري منهه وانتو كلكم مفهوميه بدون زعل يعني من الكبار بس وصلت حدهه وفرح من باجر نعقد محكمه وشيخ واليحجي اكسر راسه جبير وصغير وهسه عندي شغل مشكورين ع حسن الضيافه ماقصرتو من رخصتكم

يلا يمه جيبن الهدوم وامشونه اني بالسياره كدامكم
.
فرح حيل فرحت بداخلها من موقف محمد يعني متعتب علي حتى لوسكت  بس موقفه حيل حلو جان وكبر بعينها ممجبور هيج يسوي يكدر يسدهه او الكبار مقصرو وخاله هم وكفتها حلوه
.

رحت الم هدومنه هنه بقن بالجنطه هي هاي مال سفر ونرتب بيهه ملابسنه منكثر ف كفتنا المهم الم وخاله يمي والنسوان يقنعن بيهه

واحنه نكسر راسهه اهم شي رضاج وانتي الغاليه وفروحه ورده محد وكف ويه رانيا وامهه حتى ابو رانيا بقه ساكت مكدر يسوي شي وخاصه من محمد حجه كانو ضربه ع حلكه

كملنه واني رحت بست الكبار وسلمت عليهم وودعتهم انو مازعلانه من احد وهيج
رحنه لكينه الزلم يحجون ويا وهو عادي يحجي وسلمنه وصعدنه ورحنه محد حجه اني ساكته ودموع تنزل وصافنه عالكريق بس بالي بغير عالم

مثل الي احد كعدني من نومي شديصير حياتي شنو شلون جنت وين وصلت شنوحياتي حتى مالها معنى لادراسه لاطموح لاطلعه لااصدقاء لاشي اكبر طموحي محمد!!

يعني الهالدرجه فارغه اني. ياترى حقها من حجت هيج؟!
ويمكن متنلام فعلا ميعرفون اصلي وفصلي مكالت خطا
بنيه غريبه ولفوهه لبيتهم

بكد ماخنكت بجيتي كمت اشاهك كل شويه لا ارادي واختنكت حيل مكدرت اله ابجيهه ومن بجيت بجيت بحركه وبدون وعي يعني بصياح وكمت اللطم ع وجهي

كلهن تكومن شوقي لامي وابويه وخواتي وحياتي وحجيهه الي صحاني وكلشي

محمد دار السياره وجان مقابيلنه ارض مزروعه خضره وهيج وكف السياره ع جهه ونزلني كلي تنفسي هوا وخاله تكله عوفهه تطلعها حتى ترتاح واني مويمهم ابجي وادفع بي عني

ظليت ابجي وهمه يمي لحد ماكملت وسكتت غسلت وجهي وعدلت كعدتي بالكاع وصفنت عالزرع والسماء واني كل شويه اشهك بكد مبجيت

محمد. شبيج فروحه علمود هاي هيج تسوي متستاهل والله هي غايتها تضوجج
وانتي هم مقصرتي هههههه شعرهه مكطع بيدج
.
فرح. محمد حجيه صح مغلطانه هي!
.
ام محمد. خاب دنجبو وبلا لغوه اعرف حتبقون تتفلسفون ونهايتها واحد يكفخ الاخ ف حقننا للدماء اصعدو اليوم محمد عازمنه بالمطعم ع مندي ههههههه
.
فرح. منديش بشكلي هذا
.
ضحكو عليهه بيا حال انتي حايره بشكلج
.
محمد. كولي ماريد نفسيتي تعبانه صخام حايره بجهرتج. وبعدين شدعوه حايره بالي يباعون شعليج بالعالم
.
فرح. اجي وياكم بهذا شكلي هم يكولون خاطفيهه
.
محمد. ترا شبيج جنج البخت وبعدين حنكعد معزوليين امشي مدام الحكومه قررت مندي
.
فرح. لاهاهيه اني هم جعت من البجي ونفسيتي متتحسن اذا مو اكل
.
محمد. خبله وربي يلا اني ح احلها
.
فرح. 😒😒😒😒
.
راحو ومحمد منزلهن جاب الاكل وكال