ادمنتها

الجزء السابع

ومن طلع من حمامه لكى فرح القزمه واكفه لازمتهن ومدنكه مدمعه ووجهه صاير طماطه
.
هو لاف نفسه بالبرنص وكللها بنتره
.
محمد. موكتلج لشوفيني وجهج
.
(من جان بالحمام ام محمد كلتلها ماريد اعرف شصار بينكم بس هسه الزمي هدومه وانتظري واعتذري وحسسي مأمنه بي انه بغرفتي اقرا قران لحد يزعجني طبعا ام محمد رادت يخليهم الجو
لتكولون موخوش ام لا هي واثقه بابنها وبفروحه)
نرجع هههه
.
فرح. محمد اسفه والله متنعاد وشبكته قوي وتبجي
.
وخرهه عنه وكاللها
.
محمد. وخري فرح انه ماريد تفكرين مجرد تفكير انه وامي نحسج موخوش لو عندي شك واحد بالميه مافوتج بيتي
وثانيا عيب الي سويناه تجازينه بعدم الثقه وهيج سوالف
وثالثا والاهم الاهم الاهم يفرح انه مابيوم فكرت بيج تفكير موزين ف من اتقرب لو اشاقيج ليروح بالج لمكان وسخ اني انظف من هالسوالف ومااستغل وحده امنت عليه وضايفها ابيتي عيب عليج
.
وحجه هواي وهي بس تبجي وتاشر اي براسهه ومدنكه
.
محمد. جيبي هدومي وولي سويلنا اندومي حتى ارضى احسبي حساب هالمره الي مدري وين خاتله ههههههه
.
فرح ضحكت ومسحت دموعهه وراحت ركض للمطبخ
.
محمد فات ع امه لكاهه هي وكاعده عالسجاده مغمضه وفاتحه حلكهه وتشخر هههه هم ذوله الكبار ينامون وين ماجان وشلون ماجان
.
بهالاثناء اجاه اتصال محمد انخطف لونه وانصدم وصعد بالطابق الثاني هو فارغ مكتفين بالجوه بس جان الموضوع صادم
محمد تخبل مراح تتوقعون السمعه
.
خلي احجيلكم
الصار
محمد صار فتره طويله مخلي معارفه اصدقاءه الي هناك ابغداد بحكم درس هناك وشغله هناك ف تصادقو ويه المنطقه وخلى واحد حيل يتقرب من ولد عمها
المهم كل فتره يطمنه انهم تناسوهه

بس محمد كل فتره يحب يطمن ويفكر بخطه
قبل فتره كال للولد الي تعرف ع ابن عمها فد يوم اعزمه ع تعليله واركيله وورق وهيج وجيب شرب وخلي يسكر واستدرجه بالحجي

المهم سوا الي كاله علي وكتلهيا كلهن خرطهن
😂
كله هاي الكح***ه الي جابتلنا العار والله منعوفها اله اكصبها تكصب وووو كله بس ننتظر تستخدم جنسيتها لوتعبر بسيطره من الي مبلغيهن باي محافظه ونوصللها
وشكوكهم اكثر شي بالشمال يعني كالو انهزمت وانهزمت حتروح للشمال بس كالو الشمال مشددين حيل بس مفكرين يجوز واحد هربها وهيج ف ميت شك براسهم بس كله حادين سنونهم عليها
.
محمد تخبل يعني باي لحظه فرح تنتهي وصار بحاله متخطر ع بال احد صدمه قويه  وهو جان ناوي يطلع بشغله

محمد بطبعه يتأنى ويحسب للشغله ميت حساب يلا يسويهه مو اول فكره تخطرله كبل يطبق لا يظل يفر بيهه يمنه ويسره
مرات الشغله بلحظتها تحسهه حيل راهمه من تاخذ وقتك بيهه تطلعلك غير امور تغير رايك او تعدل بيهه

فرح صاحتله يجي ياكل مكدر كللهم يمكن اخذ برد وراح لغرفته
وسد الباب ظل يفكر للصبح وكل متجي امه لوشي يسوي نفسه نايم وتروح
.
الفجر كام صلى ودعى ربه وصفه ع سالفه يبيع اللوري مالته مصدر رزقه وعنده عرف وواسطات يم خواله يبدل الاسم مال جنسيتها وراهه يسويهه موحده بحيث القديمه بسكوت تلفلف بينهم ويسحبها ويغير الاسم شغله شبه تزوير بس هاي دنيانه هيج صارت
.
كال خليتها يم رب العالمين وهو يعرف نيتي سهلها كان بها ماتسهلت مقرر قرار ثاني هم يحمي فرح ان شاءالله
.
ثاني يوم راح لخواله من الصبح حجالهم السالفه الاصليه وشصار ويا بس قبل ليبدي كللهم
.
محمد. خوالي اني جايكم دخيل تعتبروني ابن اختكم
تعتبروني ابنكم تعتبروني غريب
براحتكم بس لتردوني
انه سويت الي يرضي ديني وضميري وللان ماغلطان ويجوز بيكم يكلولي ليش سويت هالشي ووو بس سويته وراح وهسه جايكم
.
خاله الجبير ابو محمود. احجي محمد ظل بالنا اكيد اذا شي صح احنه كلنه وياك حتى لو وراه وجع راس حسب مافهمت منك بس احنه شيوخ وهاي وظيفتنا
الينخانه مانرده وانت شيخ ابن شيوخ
.
محمد. حجالهم القصه من البدايه والورا يعرفونه
.
صفنو بالموضوع
.
خواله كلمن حجه رايه الي ايده والي ظل ساكت والي داخ
.
بس محد يمشي كلمته قبل كلمه ابو محمود ف الكل يحجي ويكله شرايك شيخنه وجبيرنه
.
ابو محمود. بويه محمد انطيني مهله للعصر وردلي انه عندي عرف واصلين وسيطرات المحافظه كلهه تعرفني واعرفها والكبار هم
اول خطوه حسوي اتصالات وياهم وهالموضوع اسده خلاص من البصره
والجنسيه انه واسطتي اقوه انه ارتبهه حتى حسويهه جنسيتها ضايعه وهي بنتي حسميهه باسمي وام محمود تحبهه وتمدحها حيل بس بشرط طبعا
.
محمد. شنو شرطك؟
.
ابو محمود. تزوجها ع سنه الله ورسوله محد حيكدر يفك حلكه وراهه وعرسك عليه
.
محمد. خالي البنيه صغيره وهم حاسبتني مثل اخوهه مرات تصيحلي بابا هههه
.
ابو محمود. ميخالف لسلامتها اله اذا ابالك وحده؟
.
محمد. لاخالي
.
ابومحمود. وهي دره واخلاق احنه بفتره قليله دخلت كلبنه ونتمناهه لوحده من ولدنه بس كلهه شكت بيكم رايدين بعض

.
محمد. الله كريم خالي
.
ابومحمود. وبالنسبه لعمامها صار شي البارحه حيييل دوخنا وهسه عرفت ربك شكد رحيم
.
محمد. شنو خالي
.
ابومحمود. البارحه صار حادث ولد وبنيه مصاحبها وطالعين واجوني اهل الولد يكولون ان اهل البنيه يصيرون كرابتهم وكلولهم لتحجون ماتو سوا جانو استرو علينه والشرطه تريد تسجل الحادث علمود الفصل يم الي دعمهم انه حذب جنسيه فرح ونكول جان

يوصلها كروه ونموتها واشترط ينشروهه ابغداد وعالسيطرات والشرطه بجرايد يسووهه لهيج انواع تفيدهم للخطف والمنهزمين
بهيج يسدون سالفتين بمره وحده ونخلص
.
وانت يمحمد حيل كبرت بعيني من جيت وحجيتلي وماخفت
.
محمد. خالي ريحتني من البارحه مانايم وافكر وكلبي خلص
.
ابومحمود. روح وارتاح وذبها عليه بس جيب الجناسي وتعال العصر ابلغك شطار حبدي هسه انه وجماعتنا بالاجراءات
.
محمد. مش كور خالي. يلا انه اترخص اودعناكم.
.
ابومحمود. فوت فوت تريك
.
محمد. لامشكور خالي خلي ارتاح شويه
.
ابومحمود. الله وياك وليدي
.
سلم عليهم وطلع فرحان ان شاءالله انحلت بفضل رب العالمين
.
رجع للبيت وشاف اللوري ماانباع ومشكلته انحلت باع للسما وحمد رب العالمين شكد مادبرنه وخططنه مراح نوصل لتدابير رب العالمين ورحمته بينه
ينقذك باصعب لحظاتك مدام صابر وعندك يقين بي مراح يردك ابد حاشاه
.
فات جوا ونايمه فرح بعدهه ب٨ لكى امه صحت ع صوت الباب
.
ام محمد. هايمه ويين جنت
.
محمد. نامي يمه لحالي يم خوالي
.
ام محمد. خيرك يمه
.
محمد. بعدين افهمج
.
ام محمد. لا تعال احجيلي انه ممرتاحه من امس
.
محمد. لعد روحي للغررفه اجيب الصوبه وقوري الجاي وجايج
.
المهم فاتو وحجالها كلشي وظلو لحد العشره يحجون لما حسو فرح كعدت
.
فرح. خاله وينج خاللله
.
ام محمد. هايمه انه بالغرفه
.
فرح. خاله محمد راح شو محسيت علي
.
ام محمد. اي ولى خلصنه. وغمزت لمحمد
.
فرح. يلا كملي وتعاي اسويلج احلى ريوك
.
فرح تصيح من الصاله وام محمد ترد من الغرفه مسدوده عبالها دتبدل
.
فرح. خاله والله صح نرتاح واللبس براحتي وافل شعري واتمدد وكلشي بس والله مكانه خالي يظل يحارش ويعاند ههههه
.
محمد. دنجبي لج
.
فرح.  😳😳😳😳😳😳
.
محمد......