ادمنتها

الجزء الاول

اجه الليل وكلمن راح لغرفته واني كالعاده اقفل البوب قفلتهن وطلعت من المنور الورانه هيكل
ويابه اني شكد اخاف وارتعب بس كلت شيصير خلي يصير ربي وياي
وطلعت وطفرت من السياج وفتت للهيكل مرتعبه طبعا فوني قديم منتهي وياي فلاش تلثمت وطلعت لبست بنطرون وبوتين وبدي ولادي عريض يعني لبس ولد وشعري كصيته

ولادي قبل لااطلع بالحمام وبالمكينه لحيت عالاطراف طلعت جني المتحولين هههه طبعا اني مومحجبه للان

المضحك المبكي بس عاديه لان هسه نص شبابنه حلوين وكلهم انوثه ف عادي طالعه
.
المهم ظليت امشي امشي وبغداد تخوف بليل كلهه عالم
ظليت امشي واني عقلي كله افكار حتى مامنتبهه وين رايحه ولاعالطريق
.
من صحيت ع روحي لكيتني بشارع عالاطراف يمكن وكله لوريات لوري مدري شسمه الي متروسات لو رمل لو حصو لو مدري شنو طالكين وكدامهم سيطره بعيده بنهاية السره وزلم

مسوين كعده ودياكلون وياركلون اني مدري شلون وباخر وحده بابها مفتوح وافوت بيهه كوه صعدت وهي شكد حلوه من جوه ماعرف شايفيهه انتو جبيره عبالك غرفه ههههه

وبيهه ورا كراسي السواق فارش دوشك ومخده وحصره بس فتت بيهه ختلت ضليت خايفه منو السايق وشنو ينتظرني مدري شلون فتت ورا منتبهت شجاي اسوي وشحورط روحي

جيت اطلع واجه زلمه بيهه راسا ختلت
هو ركع الباب و اندار و
.......
محمد. هلو شلونكم اني محمد
عمري ٢٧ سنه متخرج وعطال بطال واشتغل هالتشوفون
مو اسمر ولاابيض عادي حنطاوي وطويل طولي ١٨٢

اكيد تريله وصعد ونزل مرات ف تلقائي جسمي مرتب وجتوفي عراض يعني جسمي مرتب اني مهتم بي موعبالكم هيج شغلي كاتلني الوصخ ههههه

سايق تريله اروح محافضات وهالمره لبغداد وكملنه شغل وراجع للبصره وبالسيطره وكفنه استراحه ناكل ونشرب ونكمل
وكملنه وارتاحينه قررنه نرجع واصعد ومااحس اله ولد خاتل بالتريله من هذا الحلوين الي يشك شك
.
محمد. شجاي تسوي هنا ولك

.
فرح. الله عليك بس طلعني منا واني افهمك كلشي
.
محمد. شطلعك تريد تورطني انت مخبل شمسوي
.
فرح. اني ممسويه شي والله بس طلعني والله ماورطك
.
محمد. ممسويه! وصوتج زين شمسويه بروحج اذا انتي بنيه شجاي تخربطين
.
فرح. بس طلعني والله العظيم مظلومه اني اريد اخلص
.
محمد.  دم....... يدكون هورنات وحركو لازم اتحرك
فوتي ختلي جوا خلي اعبر السيطره
.
المهم عبرو السيطره وديمشون بشارع عالاطراف وطريق طويل يومين ٣يلا يرجعون كال للويا تعدوني اني ع كيفي ارجع

.
محمد. عندج جنسيه صخام
.
فرح. عندي كل المستمسكات حتى مال اهلي
.
محمد. المن ماخذتهن ميحتاجوهن
.
فرح. ااااه لا ميحتاجوهن امي وابويه متوفين
.
محمد. الله يرحمهم
احجيلي قصتج وشجابج عليه
.
فرح. حجتله كلشي وهو تعاطف وياهه لان يتيمه يعني لو اهلهه وجبروهه مالها حق تنهزم بس حجتله المعامله والرجال شنو هو
ولو غيره يلكاهه فرصه ويستغلها
بس محمد متربي احسن تربيه وهو هم يتيم وحس بيهه
هو يتيم الاب بس امه ربته وخواله زينين علي مثل ابنهم
وعمامه زينين بس علاقتهم سطحيه
.
محمد. ماشي امشي هسه وربج يفرجهه
.
فرح. وين راح تذبني اني عندي فلوس ترا.
.
محمد. يافلوس انتي هسه بشارب الغانم ومحسوبج الغانم هههههه
.
فرح. هههههههه لاصدك وين تذبني
اكلك اني شو امنت بيك خايفه لاثقتي موبمحلهه
.
محمد. ماتنجبين انتي بكد بنتي
.
فرح. ترا عمري ١٨
.
محمد. ههههههه اغوووو
.
فرح. عابت شكد مستفز. اكلك
.
محمد. كول ابو الشباب
.
فرح. ههههه نعسانه عادي انام
.
محمد. تأمنين بيه
.
فرح. مدام الله ذبني عليك وجيتك بدون وعي من دون هالعالم يعني امان وشكلك محترم ههههه

.
محمد. زين موتكولين كل حياتج عذاب يجوز هم رب العالمين ذبج عليه حتى تتعذبين هم
.
فرح. رب العالمين هواي اختبرني وابتلااني بس رحمته ولطفه وياي بكل نفس واني واثقه بي  وثقتي واملي معيشتني
.
محمد. نامي لعد... ولزم كتاب قران صغير معلك بسيارته.. وكتاب ربج نامي مطمنه ومعتبرج اختي الصغيره واني وياج
.
فرح. اشرت براسهه اي ونامت وشخرتها ههههه هو صافن طول الطريق شنو وراهم وشراح يصير وهالخطوه حتسببله متاعب بس اذكر شنو عانت واحساس اليتم الي مجربه وقرر يساعدهه هي الدنيا شبيهه
.
ورا مسافه فول السياره وراهه وكف ع جهه واخذله غفوه وريح السياره وهو هم يرتاح شويه
.
كعدت والشمس ستوهه طالعه والدنيا فجر بعد ماشرقت الشمس كلهه وهوا طيب وجو يخبل
.
باوعت عليهه نايمه وكلساع يهتز جسمهه تجفل وترد تلملم نفسهه وتكمل نوم اخر شي كعدت لكتني ابوعلها
.
محمد. ها بابا كعدي نتريك جوعانه
.
فرح. اي عمو ميته جوع
.
محمد. اوك معذوره كومي يلا عبري
.
فرح. دوخر منا خلي اعبر انزل انزل لااوكع عليك
.
محمد. ديلا زقجه كلج شبر نزلت.. وكف يم الباب لان الباب بكد موعاليه السياره بي درج للكاع
.
نزلت ووكعت ع وجهه ورجلهه فوكاهه هههههه منظرهه يموت ضحك ساعدهه محمد ونزلت كعدت بالكرسي الي بصف السايق طلع طماطه وخيار وجبن مثلثات وقطعهن ويلفون وياكلون من الجوع ههههه
.
فرح. ههههههه اني حتى مااحب الطماطه بس من الجوع احسهه معلاك
.
محمد. الف عافيه ذني يسدن جوعه من نوصل شويه اجيبلج من المطعم
.
فرح. لامقصدت هيج الحمدلله عالنعمه
.
محمد. بس اليوم انتي خطاري باجر لا نرجع للطماطه هههه
.
فرح. اكلك فدسؤال مدام حنصير اهل
.
محمد. اسالي
.
دياكلون ويحجون
.
فرح. بس ع كيفك باللكمه تشبع عائله لكمتك

.
محمد. هههههه اكل رجال ع كد الافعال شمعرفج زقجه بعدين لتخافين خير هواي ترا بيهه براد مخلي بي هواي اكل
.
فرح. اكلك انت شسمك
.
محمد. ههههه محسوبج محمد
.
فرح. تشرفنا وعاشت الاسامي
.
محمد. الي الشرف وتعيشين وانتي
.
فرح. اسمي فرح بس مواسم ع مسمى
.
محمد. محد يعرف ربه شضامله والجاي خير واحلى
.
فرح. اكيد ونعم بالله كلي ثقه وايمان بي
.
محمد. تعاي هاج باعي شكد مثغف بالغين عندي كلنس مرطب مسحي بي لو تردين تغسلين
.
فرح. لا باع اكدر انزل اريد افرش سنوني واغسل واريد اتوضا
.
محمد. لاباعي ذني اكو بانزيخانه بالطريق سويهن كلهن وهم فوتي للصحيات
.
فرح. والله ياريت حيل محصوره
.
محمد. عزا بعينج تيسير غير تحجين
.
فرح. غير بنيه واستحي
.
محمد. بابا لتستحين اني ابوج منا وجاي
.
فرح. ماتنجب شو صدكت روحك ترا مابينه فرق
ومن باب الاحترام وماعرفت اسمك كتلك عمو حتى تنقهر عليه
بس هسه لا تجر عدل
.
محمد. هاااااا يمه والله بعدج زعطوطه لتنجلبين ترا تنكتلين
.
فرح. اموتك بنفس اللحظه
.
محمد. جهال لوشياطين جهال هالوكت
.
فرح. عشتووز ديلا يالجبير هنه كلهن خمس ست سبع ثمن سنين فرق بينه
.
محمد. ديلا زقجه امشي خلي نتحرك اوديج للصحيات
.
فرح. شعجب مبيهه حمام سيارتك ههه
.
محمد. هي بقت بس هاي والله
.
فرح. ديلا نتحملك شنسوي
.
محمد. والله ي الله
.
فرح. والله ضوجه. اكلك شغللنا قران عندك لو اشكل فوني
.
محمد. لاعندي صبري اني احب اسمع سوره الرحمن تريح القلب
.
فرح. والله اني ماانام اله عليهه تطمن الروح
.
محمد. فعلا ديلا لعد بسم الله
.
شغلو القران وكملو طريقهم و