ادمنتها

الجزء الثاني

نزلت اليوم ولو اني مريضه بس لعيون الحلوات الي طلبو مني تكمله
.
..................
المهم مشينه واكلنه وكضتها ساعه خجلانه وتتلعثم ومتكمل جمله صح وساعه تمثل القوه ومتنطي مجال وساعه مرتاختلي وتحجي وتضحك
اني حاس بيهه ممرتاحه وخايفه تأمن واغدر بيهه
بس غدر الغريب لاشيء يم غدر الاهل والعزوه
.
كملنه طريقنه الطويل وكل منفوت سيطره ابوك طن هوا والحمدلله نعديهه وفهمتها اني عايش ويه امي ابيت بسيط وامي فقيره مره جبيره وتحب الخير ف
.
محمد. احجيلها كلشي عادي اله شي واحد حنجذبه عليهه
لتكوليلها لكيتيني صدفه ومتعرفيني
.
فرح. لعد شكللها بله اني بنتك بالرضاعه
.
محمد. لتستضرفين
.
فرح. ابهرني بله
.
محمد. اذا كتلها غريبه مراح تخليج يمنه او راح يجي يوم بلحضه عصبيه او زله لسان وتسمعيلج حجايه منها او من غيرهه
ف كوليلها انتي اخت صديقتي وقبل ليموت كلج عليه
وباقي الحجي كله كولي صح
.
فرح.. اممم اوك جدو

المهم مشينه ووصلنه بيتي اني جنت مودي حمل ورجعت حمل هم ذبيتهه وكلت لامي ديري بالج عليهه من اجي افهمج يمه لتفشليني اخت صديقي عيب
وهي مستحيه وخجلانه ورحت فرغت وانه اعد الثواني حتى ارجع
.
رجعت وفتحت الباب
.
محمد. احم احم ها يمه
.
ام محمد. اششش يمه (كوه كامت جبيره عمر وصعوبه تتحرك هي مربربه وابيضانيه ووجها نوراني ملكاهه حلو ومريحه)
.
محمد. شكويمه وين البنيه
.
ام محمد. سوده عليه ضلت كاعده وحدهه وتبجي وانه يايمه سويتلهه اكل وجهزتلهه الحمام سبحت وطلعت لكت فراش وشغلت الصوبه مشطتلهه ونشفت شعرهه وهي مثل الطفله تبجي وتشاهك ماسكتتها ورلا ردتها تحجي واحرجهه بجت ونامت وانه سم راسهه اقرا عليهه قران وشوفه عينك نامت
.
محمد. كفو يمه زين تسوين
.
ام محمد. فوت يمه تسبح واطلع واحجيلي انت وتاكل لكمتك ح اجهزهه بين متسبح يلا وليدي
.
محمد. صار يمه تدللين. باس راسهه وراح للحمام.

.
محمد بالحمام ويفكر بس لا عمامها يسوولها مشاكل او كرايبه خواله الشيوخ اذا درو او الناس ووووو ميت حسبه اباله والشغله موهينه
.
طلع من الحمام ولكى امه مشغله المكيف وتنتظره ولازمه الشسوار حتى تنشف شعره تعرفه لا ابالي بنفسه
.
كمل وكعد حتى ياكل.
.
ام محمد. يلا وليدي اسمعك
.
محمد. حجالها كلشي ومثل مااتفقو هي اخت صديقه ووصيته الها لان يعرف عمامها من تضيك الدنيا بيها تتصل علي وهي تعاطفت وياهه حيل بس جانت متوهوسه من المشاكل وشيكولون للناس
.
.
ام محمد. خير ان شاءالله والله هي مبينه فقيره وماذيههه صوتهه بي رجفه وكلشوي خاله ماريد اتعبج وخاله عوفي اني اسوي
وبنص الحجي خاله شكد حبيتج وبس تبجي مبينه فاقده حنان الام
زين تسوي حموصي وطبعت صاحب نخوه وربعك يشدون ضهرهم بيك حيل فرحتني واصل لهالمستوى
.
محمد. يبووو يمه حجيج حلو وخربتيهه بحموصج لتكوليلي هيج موتدرين ماحبه
ولتروح تسمعج لتكولي كدامها ترا اعضج من خديداتج والله
هااا لالا من زرورج احسن
.
ام محمد.  ههههههه سيبندي دكوم غسل بين ماسويلك الجاي وروح نام ارتاح انه هم نعست ماريد اضيع ضهريتي
.
محمد. صار بس اريد انام بحضنج تعاي يمي بفراشي
.
ام محمد. هو فرشتلي بصفك انه هم مشتاكتلك
.
المهم كملو ونامو وفرح مجانت نايمه من فات كعدت بس محسستهم ظلت مسويه روحهه نايمه وتسمع تريد ترتاح وتتطمن لو تسمع شي ويخليهه هم تنهزم منهم لان وصلت غير محافضه
.