6
ပူပြင်းသော နေရောင်ခြည်ကြောင့် မျက်နှာအားလက်ဖဝါးတစ်ဖက်ဖြင့်ကာ၍ ကောင်းကင်အားမော့ကြည့်မိသည်။ နာရီလက်တံသည်၁၂နာရီသို့ဦးတည်လာလေလေ အပူချိန်ကပို၍မြင့်လာလေဖြစ်သည်။ ချွေးစို့နေသောနှဖူးပြင်အားလက်ဖမိုးဖြင့်သုတ်၍ ဘေးဘက်သို့လှည့်ကြည့်လိုက်သည့်အခါ လူအုပ်ကြီးကြားထဲတွင် ချွေးသံတရွှဲရွှဲဖြင့် ခြံစည်းရိုးဆောက်နေသော ဖခင်ဖြစ်သူနှင့်သူ၏အကို......မဲစွယ်ကာလဖြစ်သောကြောင့်လိုအပ်ချက်ရှိသောပြည်သူများ၏ ရပ်ကွက်အိမ်ယာများတွင်လိုအပ်သည့်အကူအညီများပေးနေကြခြင်းဖြစ်ပြီး ယခုကတော့ ဆိုးလ်မြို့၏ဆင်ခြေဖုံး ရပ်ကွက်တစ်ခုရှိ အဖွားအိုတစ်ယောက်၏အိမ်တွင်ခြံစည်းရိုးယိုင်နဲ့နေသောကြောင့် အသစ်ပြန်ပြင်ဆောက်ပေသနေခြင်းဖြစ်သည်။ ရပ်ကွက်ထဲရှိကလေးများနှင့်ရပ်ကွက်သားများအပြင် သတင်းသမားများ ၊ သက်တော်စောင့်များ ပါဝိုင်းအုံကြည့်နေသောကြောင့် လူများပြည့်ကျပ်နေသည်။ ပူပြင်းသောရာသီဥတုအောက်မှာ အနံ့အသက်ပေါင်းစုံဖြင့်မူးမေ့ပင်လဲချင်လာခဲ့သည်။ ခြံစည်းရိုးအားအောင်အောင်မြင်မြင်တည်ဆောက်သွားပြီးနောက် ရပ်ကွက် သားများက လက်ခုပ်ဩဘာ ပေးကြသည်။မြို့တော်ဝန်ကလက်ကာပြ၍
"ဒီနှစ်လည်း ကျွန်တော်သာမြို့တော်ဝန်ဆက်ဖြစ်နေမယ်ဆိုရင် ဒီရပ်ကွက်ကို ရေ ရအောင်လွှတ်တော်ကိုတင်သွင်းပေးပါမယ်....."
မြို့တော်ဝန်၏မက်လုံးစကားကြောင့် ရိုးသားသည့် ရပ်ကွက်သားများကအချင်းချင်းတီးတိုးပြောကုန်ကြသည်။
"အဲ့ဒါတင်မကသေးဘူးနော်......ကျောင်းနေရွယ်ကလေးတွေ ကျောင်းတက်ဖို့အခက်အခဲရှိတယ့်ကလေးတွေအတွက်လည်း နိုင်ငံတော်ကနေ ထောက်ပံ့စရိတ်ရအောင် လုပ်ပေးပါမယ်.....ဒါပင်မယ့် မဲပေးတယ့်အခါ Park Sung Min ဆိုတယ့်နာမည်ကိုရွေးဖို့တော့လိုတယ်နော်.....ဟားးဟားဟားးး"
မြို့တော်ဝန်ကသူ၏အပြောအားသူကိုယ်တိုင်သဘောကျစွာရီနေလေသည်။ မြို့တော်ဝန်၏အနားသို့အနီးကပ်သက်တော်စောင့်တစ်ယောက်ကာတီးတိုးပြောပြီးနောက်
"ဒါဆိုရင် နောက်လုပ်အားပေးဖို့သွားလိုက်ပါဦးမယ် ပြည်သူတို့......အားလုံးကိုကျေးဇူးတင်ပါတယ်......"
