🔥 نتي ليا ونديك بسيف 🔥

الجزء السابع

دوزو لييلة كلها نشاط سمر معرفت منيين جاتها ديك القوة شطحاات و الضحكة مافارقااتش وجهها كلشي داوي عليهاا و قالة مايمكنش يكونو مصاحبيين و هي جايا لخطوبتو و زيد عليهاا كتشطح و مامسوقااش ولكن تا حد ماحاس بنار لي شاعلى فقلبها و كتاكل فيهااا .. سفياان بقاا حال فمو خصووصا فاش شافها كتشطح و تمايل بخصرها سحراتوو.. بغا يديير اي طريقة بااش تعطيه نمرة.. اما يوسف نفس شي محيدش عينو عليهاا امين لي كان معصب و متحلف على يسرى.. غي كدور على تيتيز و تشطح بغا ينووض يشدها من داك شعر و يشطب بيهاا القيطون.. خرح دغياا قبل مايدير شي كارثة.. ناس بدات تمشي كلشي باارك ليهم..مشات سمر بخطوات واثقة من راسهاا.. و قلبهاا كيزييد يضرب كلما قرباات وصلات تماا و البكية واقفة فطرف عينيهاا .. مابقالهااش و تخرج .. يوسف كيشووف فعينيهااا بغا يعنقهااا ندم ندم و بزاااااف.. شاف ف عينيهاا حطمااتو شايف دمووع فيهم.. دغياا حيد عينو.. سلمات على سارة بلابيز..
سمر: مبرووك والله يكمل بلخير..
سارة: اميين.. شكراا..
سمر: ( شافت ف يوسف و ابتسامة مزيفة و دموع مابقالهمش و يطييحو خرجات ديك كلمة مبروك بزز ) مبروك..

يوسف: ( بقاا سااكت ماعرف بااش يجاوبهاا )..
ماخلاتوش يجاوبها دغيا نساحباات خرجاات على براا بسرعة حييت صاافي عياات صبرات طاقتهاا نهارت على الاخر.. تكات على واحد طوموبيل و عطاتها للبكاا و هي شادة على فمها باش مايسمعها حد.. نادية و مليكة و يسرى دخلو لداار باركوو ل سعاد .. خرجو كيقلبو عليهاا بعينيهم مالقاوهااش يسرى رجعات للقيطون مالقاتهاش..
#سمر..
حسات بيدين على كتفهاا و كلينيكس حدا وجهها هزات فيها عينيه.. كان سفيان..
سفيان: سمر واش لبااس..
سمر: ( مسحات دموعها لداك لكلينيكس لي عطاها ) شكراا..
سفيان: ياك لابااس علاش كتبكي..
سمر: لا والو غيير جاني حريق راس..
سفيان: متأكدة؟
سمر: ( بابتسامة ) اه..
سمعات شي حد كيعيطها كانت يسرى..
سمر: بسلامة خاص نمشي..
سفيان: ( شدها من دراعها ) عفاااك.. ممكن طلب

سمر: اه..
سفيان: بغييت نمرتك..
سمر عطاتهالو مافنيتهاا والو من ديك لمرة ديال لبحر جاها ضحوكي و مهبوول عطاتو نمرتها قيدها فتلفونو.. دغيا مشاات..
يسرى: شنو كنتي كديري معاك..هاويليي المكيااج كلو تجلخ لك..
سمر: ماتقوليهااش..
يسرى: كنتي كتبكييي.
سمر: غنسبق لدار وايلا سولاتك قوليلها سبقاات ..
سفيان بقا تابعهاا.. تا سمعاتو كيعيك بسميتها..
سفيان: سمر سمر..
سمر: ويييي
سفيان: تسنااي يعطيك غمة شحفتينييي..
سمر: ماااالك..
سفيان: فخباارك عمري شفت شي وحدة زوينة بحالك..
سمر: كلكم كتقولو نفس الهضرة ..
سفيان: راني معاك بصح..
سمر: تيقت تقيييت..

بقاو كيهضروو دغياا عرف كيف يدير يضحكهاا .. خلاها كتبكي بضحك.. شادة على كرشهاا.. اما يوسف منيين لمحها مشات تبعهاا تا شاافها مع سفيان و هي كتضحك.. حسدو و قلبو شعلات فيه ناار.. مكرهش يمشي يجرهاا.. قرب ليهم و هو ضاغط على يدو..
يوسف: سفيان شكدير هناا
سفيان: كنخضر عوينااتي بتيتييز .. احح كو كنت كنعرف هاد درب فييه تيتيز كون شريت دار هنا هادي شحاال.
يوسف: .. ( دار ارتسامة بزز كرز فيها على سنانو ) .. زييد زيد را لحم دوخك..
سفيان: سمر لي دوخاتني..
يوسف: زيد نمشييو..
سمر: نتا لي شنو كدير هنا سامح فخطيبتك..
يوسف: ( عض على شفايفو بقلة صبر).. سفيان زيد..
سفيان: اه بصح عنظها لحق سامح فخطيبتك ..
يوسف: كنت كنقلب عليك..
سفيان: بغييت نتزوج صاافي..
يوسف: سفيااااااان زيييد..
سمر: خلييي دري يهضر نتا رجع لخطيبتك..
سفيان: احح على صووت عندهاا صاييييي نااوي لحلال .