وريثة القصر

الفصل السابع

اكملت رحيل حديثها بكذب  : ابداا ، حبيت بس ابلغك ان خلاص كلها يومين او تلاته و هاجى و نشيل عنك هم عدى و ايلين

عامر : مش فاهم ، انتى يعنى خلصتى شغلك

رحيل : مش بالظبط اووى ، بس تقدر تقول ان مسئوليه ايلين هترتاح منها خلاص

عامر بقلق : هى ايلين مامتها رجعت ، هو مش انتى قوتلى هتتاخر

رحيل بفرحه وهى مستمرة بالكذب : انت مالك متعصب ليه، و بعدين مامتها و هتيجى تاخدها يعنى كلها كام يوم خصوصا لما عرفت ان ايلين كانت تعبانه

عامر : رحيل انتى قولتى لمامتها ان ايلين تعابه ، ما اكيد هتقلق عليها و هترجع

رحيل بضحكه : ما طبيعى يا بنى امها هترجع ، انت شكلك اتعلقت بايلين  اووى يا حبيبى صح

عامر بابتسامه و هو يحك راسه : مش قادر اوصفلك قد ايه يا رحيل ، حياتى اتشقلبت بوجودها اووى يا رحيل "ثم اكمل ضاحكا " تصدقى لقتها بتاكل زى

رحيل باستغراب : مش فاهمه يعنى ايه "ثم حكى لها ما حدث"

رحيل : عادى حبيبى كل الاطفال فى المرحله دى بيعملوا كده

عامر : جايز ، هروح انا بقى اشوف عدى و ايلين سلام

رحيل : سلام ، "و سكتت رحيل فى شرود ولم يفصلها عنه سوى صوت تاج"

تاج : وبعدين معاكى يا رحيل

رحيل : فى ايه تانى يا تاج

تاج باستغراب : فى ايه ! ، انا خلاص مبقتيش فاهمك يا رحيل ، منين كنتى عماله تقولى درس فى ان عامر لازم بنته تكون معاه و عملتى خناقه معايا و مع زياد ، و منين دلوقتى بتقولى لاخوكى ان خلاص هيرتاح من هم العيال و قال ايه ايلين امها هتيجى تاخدها ، انتى ناويه تجنينى يا بنت المرشدى ولا ايه نظامك بقي

رحيل بضحك هسترى: تصدق ضحكتنى اووى والله

تاج :  لا والله "ثم اكمل ضاحكا"  ناويه على ايه تانى

رحيل و هى تتلف كلتا زراعيها حول رقبه تاج : تيجو حبيى ، اتفرج بس واستمتع بالاحداث يا حبيبى

تاج : امممم ، اتفرج و استمتع بالاحداث ، ومالو يا حبيبتى ، ربنا يستر

__________________________________________

فى الكافتريا

كان يبدو عليها الارهاق و التعب من كثرة العمل ، مما تسبب لها ببعض المشاكل فى العمل

المدير بتوبيخ : ممكن افهم ايه اللى حصل النهارده ده ، الاوردارت متاخرة و متلخبطه ، العملاء بيشكوا ، ايه الاستهتار ده

صفاء : غلطه و مش هتكرر تانى يا مستر

المدير : انا لسه هستنى ، مخصوم من كل واحد فيكم نص يوم ، اتفضلوا على شغلكم