هلي كل التعب منكم
هلي لو بية اعاتبكم
هلي لو بيدي ما اگبر
هلي خلوا الحجي مدثر
هلي گون العُمر يرجع
هلي كثرت مواجيعي ولابيهم بشر يسمع
الكاتبة:بنين أيتان
#ظلمات الرائد
حسابي الانستا baneen_etan
______________________
مُنذ طفولتهم وهم يسعون لتخلص من ظلمه وتجبره
كانو ثلاث اشخاص ضي وفيّ وحسين
هم اكثثر من تعذبو وعاشو اقسى العذاب الي ممكن يمر ع الانسان
وكان كل الي يشوفه يمارس ظلمه عليهم
مايصدك هذول اولاده يفكرهم قاتلين احد عزيز عليه
ولكن بعد جهداً كبيراً كان سببه واحد منهم گدرو يتخلصون من هذا التجبر والظلم
وانتصرو بأذن الله ولكن شلون؟ ومنو الي كان المنقذ بيهم؟
فيّ:
بتاريخ2016
كان اخر امتحان النه
وامتحانات النهائيه
واخر مره نشوف المدرسه بيها
ضلينا هواي بالمدرسه نودع صديقاتنه بس مندري هاي اخر مرة نشوفهن
كنا ع امل نلتقي بموسم دراسي جديد
اول مدخلنا للبيت سلمنا
ضي:السلام عليكم
الجده:هلا بحبيبتي وعليكم السلام
فيّ:شونج يروحي
الجده:هلا
تونه دنصعد نبدل ملابسنا طلعت امي من غرفتها
نرجس:اجو خطابه لضي
ضي:شنووووو؟
نرجس:مثل ماسمعتي
ضي:يمه والله معليه شوكت اجو واني ليش مادري
نرجس:ماأجو بس محاجين ابوج البارحه بليل وكايليه نريد نجي نخطب منك مرأة
ضي:ايييي وابوي شكلهم
نرجس:كايللهم ماعندي بنات اني كلهن صغار
ضي:الحمدلله
واكفين نحجي ويه امي اجه كرار يركض
كرار:اكو شيوخ بيتنه يردون ابوي وياهم نسوان هواي
نرجس:هذول همه اجو يخطبون
ضي گامت تكمز وتصيح والله ماقبل والله ماقبل
نرجس:يمه احسلج اقبلي واخلصي من ابوج
ضي:شخلص هذول كرايبه جايني بعد اضرب منه
نرجس:لا زينين همه عشيره**** يدللون المرأة
طبو الشيوخ للاستقبال وام الولد اجت بالصاله
نزلت ضي سلمت وجابت مي وكعدت
ام العريس:ابني مأذب وكهوه مايطب وجكاره ميشرب ويشتغل خير من الله اسألو عليه وشوفو سمعته ذهب
نرجس:شنو يشتغل هو؟
ام العريس:نجار
نرجس:شكد عمره؟
ام العريس:20سنه
الجدة:بس ياخاله البنيه بعدهي صغيره وكلشي متعرف بالطبخ ولا تكدر تتحمل مسؤوليه
ام العريس: عادي اني اربيها ع ايدي واعتبرها بنيتي اني وحدي بالبيت والحجي وابني امير بناتي كلهن معرسات
نرجس:اي عيني خوش نشوف ابوها شيكول
ام العريس:خلي نروح نكعد يم الزلم نشوف شيكول ابو ضي
راحت ام العريس وبيبتي بالاستقبال يم الزلم واني وامي وضي نسمع من وره الباب عليهم وابوي يصيح وگالب الدنيه ميريد ينطي
علي الدر:حجي كتلك لاتلح البنيه صغيره
وكلشي متعرف والطاسه متشيلها من الكاع
ولو تموت كلاص مي متنطيك
ابو العريس:اني اكوم أشرب مي
شبيه مكسر وهيه تجيبلي
علي الدر:حجي انتَ عمي وماريد اخسرك
تجفه شري مرأة ماعندي انطيك
أنت تقرأ
ظُلمات الرائد
Romanceرجل ظالم ومتسلط يأذي بناته بابشع الطرق بعد طرده لها من البيت تلتجئ لشخص ليساعدها ويكون هذا الشخص هو منقذها وعوضها من العذاب ولكن هل ابوها راح يتركهم يعيشون بسلام؟وماجزاء هذا الرجل الظالم
