ظُلمات الرائد

part 17

‏مجَرُب انتَ ‏الوِجع؟
مِن توصِل لمِرحله
‏تِتفگَد بـروحَك؟!
‏وتِضحك
وتَبين قوّي،
‏ويَرجع شريّط العُمر
‏وتفُضحَك جرُوحَك

1_تصويت للقصه
2_متابعه للحساب
3_تعليق بين الفقرات

#ظلمات_الرائد
الكاتبه:بنين أيتان
     •~•~~•~•~•~•~•~•~•~•~•~•~•~••~

في:
رحتلها واجت وياي ضي
مديت راسي،بنت عم مريم الي بعمر شمس
قدمتلي ورقه 
الاء:شلونج فيّ هاي الرساله مريم دزتها الج وتكول اقريها ودزيلي.

خذت الورقه منها
فيّ:هلا حبيبتي ماشي شكرا

فتحت الورقه(رسالة)
*الى فيّ...
شلونج اخبارج،اني مشتاقتلج هواااي ماعرف شلون اعبرلج مامصدكه باجر نداوم ونلتقي
حضري روحج نطلع سوا ساعه ب7:15
حته نمشي بطيئ ونسولف

وشعر كاتبتلي بس مااتذكره

احس روحي ردتلي بهاي الرساله
حسيت انو هي منتظرتني وما ناسيتني متحضره
لباجر

ضليت احسب ساعات حته يصبح عليه الصبح

كعدت الصبح ع السريع،غسلت وبدلت وكملت
ردت اطلع وقفتني ضي؛
ضي:وين موليه (رايحه)
فيّ:للمدرسه غير
ضي:انتظري نروح سوا

اضطريت ابقى وياها،كملت هي
وطلعنا وقفنا باب بيت غدير دكينه الباب
طلعت غدير،اني ضليت عيني ع باب بيت مريم

توسعت ابتسامتي من نفتح بابهم وطلعت
هي واختها،
باوعت ضي بوجهي وگلبت وجها
سلمت مريم علينا
ضي:ها خير تروحين ويانه؟
مريم:لا اخذ فيّ واروح
ضي:مو هي بكيفج،اختي وياي رجلها ع رجلي
مريم: لعد تتحمليني اروح وياجن

سكتت ضي ماحجت يعتبر علامات الرضا هذا السكوت
مشينه سوا ونسولف بهدوء
وضي صوتها عالي رجت الشارع بهوستها

وصلنا للمدرسه،دورنا ع صفنا الجديد
لكيناه اخذنا اماكنه مريم ضلت منتظرتني وين اكعد
حته تكعد يمي
ضي اخذت اول رحله الها واختارتلي رحله الوراها
بس طلعت لبنات المعلمه ف تراجعت
اختارلي ثالث رحله بالسطر البنص

كعدت بيها واجت مريم يمي
طلعت ضي تفتر بالساحه ويا صديقتها

ضلينا اني ومريم بالصف نسولف عن
شصار ويانه بالعطله

مرت الايام مثل كل مره
مر تقريباً شهرين ع دوامنا،واحنه كاعدين بالصف
اني ومريم،
اجتني بنت المعلمه يلي كاعده كدامي
لينا(بنت المعلمه):فيّ محتاجين وحده بفريقي
ويكمل الفريق تجين؟

باوعت لمريم رفعت حواجبها بمعنى لا
بس اني بنفسي هاي اللعبه وكنت اتمنى اني
ضمن فريق ونلعب،امنيات طفله بعد كل همها اللعب

التفتت ع لينا واردفت؛
فيّ:هسه شويه واجي

راحت هي ضلينا اني ومريم
مريم:شنو تطلعين وياهن مو دا نحجي احنه سوا
فيّ:بنفسي هاي اللعبه شوفي فريقها شكبره
بس هل مره احقق رغبتي
وبعدين اني مليت من السوالف كافي
مريم:مليتي مني؟
فيّ:اني كلت منج كتلج من السوالف
ف خلي نغير شويه نلعب نطلع من الصف
مريم:روحي انتِ اني ماطلع
فيّ:لخاطري تعاي اكفي حته لو بس باوعي اذا متكدرين تلعبين