رُغم ذيّج مّرورتك ؟
ولـ هَسه أحِن !
وذكريِّاتك ضَاله بكِلبّي
، " شخابيط بَـ سجّن ؛
الكاتبة:بنين أيتان
ظلمات الرائد
بالماضي:
تلفلفنا ونمنا ع جربايتنا وحسين راح لغرفته
سمعناه يضرب بحسين
وحسين يصيح ويبجي
الخوف سره بجسمنا ونبضات كلبنا تسارعت
واني مغمضه عيوني ع امل بعد مافتحها
حته اخلص من هل العيشه
ماحس غير فيّ بعدت البطانيه عني بسرعه وكالت:
فيّ:تعاي نامي بمكاني واني انام بمكانج
لان اني مايضربني حيل انتِ يقسى عليج
ماتكدرين تتحملين اني عادي اتحمل
باوعتلها بقهر بالرغم الصار كله بسببي
والمفروض اتحمل نتيجه غلطي
بس الروح عزيزه
نهضت من سريري
وهي ايضاً تبادلنا بالاماكن
وغطينا رأسنا بالبطانيات...اجه ابوي اتوجه ع مكان سريري وضرب كل قوته ضربه ع مكان فيّ عباله فيّ
10ضربات ع سريري عباله اني بي
بس ماشفه غليله ولا ارتاح قلبه
يحس ماجاي يأذينه لان متغطين بالبطانيه
وخر بطانيه فيّ كل قوته
بس هي ظاغطه عليها كل لمح فيّ
شافها منتهيه ومن وخر البطانيه عبالها راح يضربها بعد اكثر
صارت تصرخ بعلو صوتها رجت البيت رج
ابوي بهت وجهه ورخه جسمه من الحده والقوه الكان هوا بيها
طلع من غرفتنا راح لغرفته فتحها مانفتحت امي قافلتها
صاح:
علي الدر:افتحييييهاااا اليوم انعل***
بنت الكلب...افتحيهااااا
مافتحت امي الباب راح نزل جوه ينام بالغرفة الثانيه
نهضت ع حيلي وخرت البطانيه عن فيّ
لكيتها تبجي ولازمه عكس ايدها متأذيه كلش
ايدها مورمه رزگه
كشفت عن ظهرها لكيت مطبع أثار البوري ع طول ظهرها
منين ما الزمها تصرخ وتبجي
اني شفتها هيج نهاريتتت
بس مابيدي شي كابلتها وگعدت ابجي
وهي تبجي لحد ماتعبنه
كمت ابدل ملابسي سمعت صوت عمي مرتضى يحجي ويا ابوي ويتعارك وياه علمودنا
ماهتميت شنو فايده وصلك متأخر مافادنا بشي
رجعت باوعت لفيّ هي نايمه تناشغ هلكد مابجت
الحاضر:
فزيت من افكاري ع صوت عمي خضر وراي
خضر:مبروك يرويحتي...بنيتي الصغيرونه الربيتها وكبرتها صارت مره وعروس انه كلش فرحان بيج يبويه شايفه كل الخير
ضي:عمووو لا تبجيني تره ع اعصابي متحمله
ضحك والتفت لفيّ وكال بشقه:
خضر:ها فيّ لو انتي متزوجه وخلصانين منج
ولا ضي شلون راح اجي واطب للبيت وهي مو بي
فيّ ماتحجي بس تضحك وعيونها كالعاده تلصف مدري من الفرح مدري مدمعات من الحزن
خضر:اكلج عندي واحد صديقي يتيم ماتزوجي تكسبين بي أجر
بس هو شنو سمين كلش وزنه 100كيلو
وانتي ضعيفه يعني من تتعاركون مايتعب ويضربج بس يكعد عليج تفطسين
أنت تقرأ
ظُلمات الرائد
Romanceرجل ظالم ومتسلط يأذي بناته بابشع الطرق بعد طرده لها من البيت تلتجئ لشخص ليساعدها ويكون هذا الشخص هو منقذها وعوضها من العذاب ولكن هل ابوها راح يتركهم يعيشون بسلام؟وماجزاء هذا الرجل الظالم
