ظُلمات الرائد

part 4

شايف من تعيش الصدمه
يوميه
مره تموت شوگ ومره بيها
تكول
ليش اشتاك للما عنده حنيه

ظلمات الرائد
الكاتبة:بنين أيتان

صار الوقت اروح اجيب نتيجتي
وكلبي فراشات
دخلت للصف ديوزعون بيهن
صاحت المدرسه اسمي بحزن وتباوع بعيوني
واني الخوف سرى بجسمي وكل فرحتي بهتت
المدرسه:فيّ علي الدر...ليش هيج ماما؟؟

اني هنا وكفت دگات گلبي
ووقفت التنفس...
لحد ما باوعت بعيوني وضحكت كلتلي
ليش نجحتي وراح تعوفيني وتروحين لغير صف

زفرت النفس الحابسته بقوةةة
وهبط صدري من الارتياح ضحكت:
فيّ:ست وگعتي كلبي ههههههه
المدرسه:حبيبتي اسفه بس حبيت الطف جو
بعدين احجي صدك ليش راح تعوفيني
فيّ:هههه لا ست ماعوفج احنه بنفس المدرسه اكيد راح نتشاوف
المدرسه:تمام اذا هيج...الف مبروك حبيبتي يوم التخرج يارب

تشكرت منها واخذت نتيجتي ورحت لصف ضي
اشوف نتيجتها
دخلت لكيت العالم تتباجه وتلطم
رحت للمدرسه سلمت عليها وكتلها ع اسم ضي
مقبلت تنطيني النتيجه الا هي تجي شخصياّ

في:زين ست بس شوفيني درجاتها

شفت درجاتها طايحه بكلهن بس بالفنيه والرياضة ناجحه،، اني شفت نتيجتها فحطت ضحك

طلعت من الصف شفت صديقاتي سلمت عليهن
وسولفنا شويه وطلعت للبيت

مالحيت ع المدرسه حته تنطيني نتيجه ضي
لان اعرفها متقبل وتسويلي سالفه شكبرها
مثل قبل سنه من وديت استمارة التسجيل مالتها
للمدرسه بدالها گلبت الدنيه وضربتني وشسوت بيه

وصلت للبيت،،طبيت لكيت عمامي يمنه
يسولفون ويا ابوي علمود عقد ضي

طبيت كلت:السلام عليكم
الياس:هلا بشمعه البيت ولج محد تلاكانه وسوالنه جاي
فيّ:هسه اني اسويلكم من عيوني
الياس:فدوه لعيونج
خضر: وين جنتي ولج
فيّ:جنت بمدرسة اجيب نتيجتي
الياس:هااا صدك شطلعتي؟
في:ناجحه
الياس:عفيههه بالبطله عرفتج ناجحه الف مبروك يكليبي
خضر:ضي شطلعت؟
فيّ:بكلهن ههههههه
خضر:وشكو تضحكين ياجلبه انتي احسن منها؟
الياس:طبعا احسن منها دشوفها شلون نجحت
خضر: انتَ اسكت كتلتني
الياس:ههههههه لان احجي الحق مو

ضحكت ع منظر عمي خضر،
رحت اسوي جاي
اباوع لابوي مخنزر بالجذب مافرحلي لو باركلي
ابد متطلع منه

خلصت الجاي وديته الهم
عمي الياس طلع من محفظته 10الف وانطاني ياها
اني اتشكرت منه وتوجهت لعمي خضر انطي الجاي

خضر: مبروك بويه..عقبال يوم التخرج ان شاء الله
فيّ:الله يبارك بعمرك عمي اشكرك ربي يحفظك

طلع من محفظته 25ونطاني
اخذتها ورحت اودي الصينيه
سمعتهم يكولون لابوي ماباركتلها خطيه بنيتك
علي الدر:خلي تولي