ظُلمات الرائد

part 38

انه مشتاگلك بس المن احجيي؟
جبير اهلي وصعب لو سمعوني ابجي.

_تصويت للقصة
_تعليق بين الفقرات
_متابعة للحساب

#ظلمات_الرائد
الكاتبة:بنين أيتان

•~•~•~•~•~••~•~•~•~••~•~•~
فيّ:
بعد ماقرأ كلامي كله بدأ يكتب يرد عليه
واني الرجفه استحلتني
ماكدر اسيطر ع ايدي الزم التلفون بعد
دز رسالته قريتها بس حسيت بشعور بحياتي ماحساته
الرسالة هي؛

أبرهان:اني اسف،،
بس ماكدر اني ماكدر اكمل وياج واني اعرف بيج
انتِ هيج متعلقه
وبسببي دتدمر حياتج ومستقبلج
فـ خلينه ع طايفات واسمع اخبارج بخير
ولا هل تدمير هذا
عيشي حياتج وشوفي الناس وابد لاتتأملين بيه
لان اني مامتأمل بروحي،
انتِ انسانه تستاهلين كل الخير.
واتمنالج السعادة من كل گلبي.

الله أكبر اني هنا شصار بحالي
ماكدر اوصفلكم شعوري كل حلم رسمته
وكل أمل تعلقت بي تهدم برسالة وحده
شفت المووووت خلال دقايق

الرجال الوحيد الي حبيته بحياتي
وعشت احلى ايامي وياه صدمني صدمة عمري

صحيت من تفكيري وصدمتي
عدت قريت الرسالة تأكدت من كل كلمه مكتوبه
نزلت دموعي حاره ع خدي
مسحتها بسرعه لا تشوفني شمس
بعد 5 دقايق رتبت الكلام وبدأت اكتب؛

فيّ:تمام شكراً جزيلاً
ع كل لحظه حلوه عشتها وياك
تضل بخير يبويه

ماكان قصدي اگله يبويه بس لان متعوده عليها
كل مرة اكولها اله طلعت مني
ماكنت حابه اكولها اله واني هيج مكسور خاطري منه
لان ماااريد اعيش شعور خذلان الاب مرتين.
الاب شي جداً قيم بالنسبه الي
ومن گلتها اله كنت ع يقين هوَ يستاهلها
بس خاب ضني وخسرت الاب مرتين.

رد عليه بعد ماصفن ع كلامي لدقايق؛
أبرهان:انتِ الخير كله يبعد ابوج
بيباي

ماريديت عليه بعد بس حطيت لايك ع كلمه بيباي
ورجعت ميته الشعور والجسد والگلب
بس النفس يصعد وينزل كلشي بيه مات بلحظتها
عشت كل حرف من الشعر الي يگول؛

"انه الرجع خسران كلشي ميت لچن ع الگاع يمشي"

يمكن تشوفني دابالغ بكلامي
وابالغ بحبي اله بهاي الفتره القصيره
بس قسماً بالله العظيم بحياتي كلها ماعشت هذا الشعور بس وياه
اخذني لعالم حلو وخلاني ارجع وحدي

يعني انت انسان فاقد الحب والاهتمام من اقرب الناس الك
وفجأه لكيت هذا الحب والاهتمام بشخص
وتعلقت بي،
تالي اكتشفت انو اني بعالم وهمي وكلشي كذبة.

دخلت بحالة انهيار داخلي
ماكدر احجي ولا واكدر ابجي
بس اتأكل من الداخل واحس گلبي مقبوض
مثل قبضه الأيد بشكل قوي