چا هاي تاليتي؟!!
تبتعد عني بسبب حرصي وانانيتي،
تتخلى عني بوكت تعبانه نفسيتي،
كلشي امتلكته الك واولها عافيتي،
ظلمات الرائد
الكاتبة:بنين أيتان
هسه ارويج شسوي
بأيدي ريمونت التلفزيون
شلته كل قوتي وبالحافه مالته ضربت فيّ بظهرها
هلكد ما الضربة قوية وطلعت صوت
حسيت واحد من ظلوعها نكسر
جانت تاكل جبس غصت بي
وگامت تكح بقوة وعيونها نگلبن بيض
ضي:بس لا ماتت...؟؟
اجيت الها باوعت بوجها كتلها شبيج
دفعتني عنها واخذت شمس وراحت للغرفة
وسدت الباب واسمعها تبجي
ضميري عذبني حاولت ادخل يمهن وارضيها
واعتذر منها
بس ماتجرأت،،عفتها وكعدت بره
جانت رايده تغيرلي جو لان ضايجه
وتسوي كعده وسوالف بس اني نذلة
ضليت كاعده وحدي بره بالكراج ساعات
سمعت صوت سياره وكفت بابنا عرفتهم اجو
طبيت جوه
دخلت امي تضحك
وبيبي وحسين وكرار
نرجس:فيّ وشمس وين؟
ضي:بالغرفة
نرجس:بيهن شي
نزلت شمس عيونها حمر
سولفت لامي كل الي صار
امي سمعت بفيّ مضروبه تخبلت
نرجس:انتِ متستحين مو عيب عليج شوكت تصيرين ادميه،،شوكت تبطلين حقد وسم وكره ماخليتي بشر يحبج
يوم عيد يوم التزوجين واخلص منج
ضي: والله لو تزوجت بعد لا اجيكم ولا اوصلكم اخليكم بحسره شوفتي
صاحت لفيّ تريد تشوفها
نزلت فيّ بس كلتلها امي شبيج
گامت تبجي نگلبت حمره مع انو هي حنطاويه
بس من تبجي تصير حمره
امي حضنت فيّ وسكتتها وراضتها
بس اني ضليت ع اصراري وماعتذرت منها
هي ترضه وحدها
بعد يومين مرن طبيعيات
اجت عمتي ام زوجي
وبنتها الوسطانيه
جابولي نشيان بعلاكه صغيره
فستان واحد نيلي وفوكاه جاكيته بيضه قصيره
3شالات+مكياج+شامبو ومعطر جسم+عبايه
العبايه بس شفناها ولمسنه قماشها بعد ماشفنه منها شي
اخذنها ع اساس يخيطنها وراحت رجعوها طلعت أجار
اتفقن ع انو قبل العرس بيومين ياخذني للصالون
يشوفن شعري واميشه واصبغه
ام امير:والله اليوم راحو الحجي وامير يشوفون غرفه اخشاب زينه بس كلهن غاليات
فيّ:اكلج خاله عفواً ع تدخلي بس انتِ مو كلتي ابنج امير نجار ليش ماينجر غرفته لعد؟
سكتت هي ماجاوبتها دارت وجها عنها رجعت فيّ حجت:
فيّ:ها خاله ابنج ليش ماينجر غرفته هو شو تغلسين
يمكن اكو ملعوب بالسالفه (دا اشتم ريحه جذب)
نرجس:فييييّ
خزرتها امي سكت بعد ماحجت شي
أنت تقرأ
ظُلمات الرائد
Romanceرجل ظالم ومتسلط يأذي بناته بابشع الطرق بعد طرده لها من البيت تلتجئ لشخص ليساعدها ويكون هذا الشخص هو منقذها وعوضها من العذاب ولكن هل ابوها راح يتركهم يعيشون بسلام؟وماجزاء هذا الرجل الظالم
