خذتها،،
ومن خذتها الله الاحساس
احس بس هيَ يمي وخلصو الناس..
_تصويت للقصة
_تعليق بين الفقرات
_متابعة للحساب
ظلمات الرائد
الكاتبة بنين أيتان
حسابي الانستا. baneen_etan
~•~•~••~•~•~•~•~••~•~•~
أبرهان:
اني وفيه بالغرفة هي تقيس بالملابس
ع المرايه واني صافن عليها
شلون فرحانه بيهن
عجيب امرها المرأه اقل شي قادر يفرحها
سمعت ابوي يصيحلي طلعت اشوفه شيريد
حاجاني بهمس:
_انزل بسرعة
نزلتله بسرعة اجيت يمه گال:
_اهل فيّ ترسو الشارع
بهتت ملامحي ونغزني گلبي كلشي مستعد اواجهه بحياتي وماخاف بس هاي السالفة لا
طلعت بسرعة
سديت باب المطبخ ونبهت امي واديان ممنوع تسمع فيّ وتطلعلهم
وگفت إيان بالباب هم
ورحت لباب الشارع وابوي وياي
طلعت وسديتها وراي
باوعت سيارات هواي ترسن الشارع
وزلم واكفه يمهن
ورجال طويل ضخم واكف بوجهي
وعمها خضر واكف ع جهه ويستمع
بدأ الرجال الضخم يحجي وياي:
الياس:ابو الشباب عدنه طيرة ضايعه وسمعت بيها يمكم
وهسه جاي عليها بما انك انتَ بهيج منطقه شعبيه اكيد تعرف الطير عزيز ع صاحبه
فـ صير حباب وطلعلي الطيره لا ****
كلامه كلش منحط ومو مال واحد جاي ع بنيه تخصهم
عبالك صدك جاي ع طيرة
فـ اني صرت منحط اكثر منه وحجيت مثل اسلوبه؛
ابرهان:شوف اني انتقد نفسي لان راح احجي هيج بس
انتَ بديت بيها
الطيرة جانت بسجن وتعذيب
فـ من طارت من بعد السجن اجت لشخص يستاهلها
ويقدرها مايسجنها ويستحي بيها
وهسه هي تحبه وعايشه ويا احسن عيشه
ومستيحل تعوفه وترجع للسجن
فـ اخذ هذول اللملوم الجايبهم وياك وروح
يلا حبيبي
_كتلي تحبك؟
_اي نعم تحبني
_وانتَ تحبها؟
أبرهان:الحب للرجال افعال،،واذا تريد اثبتلك حبي الها
اطلب هسه الي تريده واني خادم
بس لا تأخذها مني لابوها.
_حلو عجبني كلامك مادامك رجال وتكول الحب افعال
اني هسه راح اخذها وانتَ اثبتلي حبك الها
اجه يريد يدخل للبيت دفعته من صدره
وصيحت عليه
_انتَ ماتفتهم اكلك لاتاخذها وشتريد انطيك
_واني ماريد شي منك،نريدها هي
_لا هاي مستحيله شوفلك غيرها
اشتد النقاش بيناتنه بصوت عالي
وخضر وابوي يهدون بينه سمعت صوتها تحجي ويا إيان
عرفتها راح تعاند ايان وتطلعلهم
عفت الصراع مشتعل ودخلت بسرعة للبيت
اجيت عليها سحبتها دخلتها للمطبخ وسديت الباب
هي طلعت وراي ماقبلت تدخل
واني داحجي وياها دخل عمها الضخم
ويا ولد شاب طوله متوسط وملابسه انيقة كأنه طالب جامعي وعنده شوارب خفيفه مثل شوارب الضباط
أنت تقرأ
ظُلمات الرائد
Romanceرجل ظالم ومتسلط يأذي بناته بابشع الطرق بعد طرده لها من البيت تلتجئ لشخص ليساعدها ويكون هذا الشخص هو منقذها وعوضها من العذاب ولكن هل ابوها راح يتركهم يعيشون بسلام؟وماجزاء هذا الرجل الظالم
