ظلمات الرائد
الكاتبه بنين أيتان
فيّ:
كعدنا الصبح اول صباح النه بدون ضي
فتحت الكنتور طلعت دشداشات ثنين الها
فيّ:يمه هاي ملابس ضي وديهن الها راح اخذ الكنتور
الجدة:شبسرعه استويلي ع غراضها عمت عيني
عليج يبيبي ضويه
فيّ:شنو ماتت ضي؟
الجدة:اسم الله عليها بيش طالبتها
فيّ:لعد ع شنو عمت عينج غير بنيه تزوجت بعد شسوي بالكنتور
كامت تبجي بيبي ع ضي
اني ماتحملت بجيت وياها
نرجس:تره مو زين تبجن وراها ماترتاح
رن موبايل بيبي اجيت فتحته الها وفتحت مايك
خضر:ها خاله شلونج
الجدة:هلا يبعد خالتك
خضر:اكلج خاله وديتو ريوك لضي
الجدة:لا والله محد ودالها
خضر:لااا عيب من عيالها غير نصبح عليها
يلا اني راح اوديلها
الجدة:اي والله يكثر خيرك ويرزقك
خضر:الف رحمه على والديج
اجه ابوي من الباب يصيح
علي الدر:ضييي فيييي
نرجس:ههههه هي وينها ضي مو راحت
علي الدر:فيّ وين
فيّ:ها بويه
علي الدر:حذائي مسحيها ولمعيها وعلكيها
فيّ:بخدمتك اني
تغده وكمل وراح نام
ضي:
كعدت الصبح ع صوت سوالف عالي
لاول مره بحياتي اكعد بدون خوف ورزاله
وأموار اكعد بحنان براحة
باوعت امير نايم بصفي
نهضت سبحت وبدلت لبست فستان بسيط ابيض
وبي ورد احمر بس ما لبست شال
وحطيت كومه مكياج حطيت عطر
كعد امير
ضي:صباح الخير
امير:صباح الجمال،،هاي شنو متريكه بالحمره
ضي:هههه ليش
امير:هواي حاطه شدعوه خفيفيها
ضي:تمام,,خففتها ردت اطلع
امير:هاي تطلعين هيج؟
ضي:اي ليش
امير:حطي شال ع راسج اخوتي هنا ولد عمي
ضي:بس اني عروس شنو البس حجاب
امير:واذا عروس العروس تن**
ضي:تمام،لبست شال شلون ماجان وطلعت
اخواتها هلهلن بوجهي وصفگن اني اضحك
كلش حبيتهم
هدى:عيني انتظرناكم ع ريوك تأخرتو تالي تريكنا
ضي:عادي مو مشكله،اني ماتريك اصلا
ام امير:لا شون متتركين نهار طويل تدوخين تريكي
مروه(زوجه حماي الوسطاني):تريكي بيض هههه عمج خضر جابلج گيمر عرب ماعون شكبره بس احنه اكلناه
اني ضليت صافنه هاي شنو جا هو مو جابه الي شنو ياكلو فوكاها تضحك وعايفتلي بيض
ضي:اكلو بالعافيه
امير:ليش تاكلو هو مو الها والي صباحيه من اهلها جا انتو مادزيتو
ام امير:ها بدينه
خنزر امير ع امه وهز ايده وطلع بره بالباب وكف يم اخوته
فيّ:
مرت الايام،،راحو عمامي لضي ودولها هدايه ذهب
عمي الياس ودالها تراجي ذهب
عمي خضر ودالها محبس ذهب
عمي مرتضى ودالها محبس ذهب
بيبي گلاده ذهب كلش جبيره وفرشة
ابوي گلاده ذهب شكلها قلب الحب وبدالها ورده
امي تراجي ذهب
اني فرشه، بس مارحت ابوي مايقبل دزيتها بيد امي
كتلها كلولها هاي من فيّ
بيبي ام خضر فرشة ولحاف كلش ضخمات
خال ابوي جابلها محبس ذهب يجنن وفرشة كبيرة
أنت تقرأ
ظُلمات الرائد
Romanceرجل ظالم ومتسلط يأذي بناته بابشع الطرق بعد طرده لها من البيت تلتجئ لشخص ليساعدها ويكون هذا الشخص هو منقذها وعوضها من العذاب ولكن هل ابوها راح يتركهم يعيشون بسلام؟وماجزاء هذا الرجل الظالم
