العذاب الشفت منه بكبر ماموجود
عيشني العذاب بكل تفاصيلة..
زعل شايل بكلبي ماشايلة إنسان
لو افرشلة الكوكب مايكفيله.
_تصويت للقصة
_تعليق بين الفقرات
_متابعة للقصه
#ظلمات_الرائد
الكاتبة بنين أيتان
~•~•~••~•~•~••~•~•~•~••~
فيّ:
باوعتلي وضحكت حجت بجديه
وثقه كانو مقرره وماشي الحال؛
ام سيف:يوم المنى الي راح اخذج بي عروس
لوليدي
اني تغيرت ملامحي هاي صدك تحجي
بس اني مستحيل اوافق
اما ابوي اذا جبرني شلون بيه
هو يحب سيف وامه
هسه شسوي؟
جمعت الكلام الي بداخلي ورتبته:
فيّ:شووون عمه؟
ام سيف:شبيج حبيبتي جايه اخطبج
لابني اعرفج تحبي مبين من عيونج
فيّ:هسه اعميها لعيوني اذا صدك مبين بيها
اني احب ابنج
انتِ من كل عقلج اني اوافق ع شخص
رفضني بيوم من الايام ولسبب تافهه
وهسه من شبع بنات ونوسه اجاني
ويردني اوافق وافرح مووو
بكيفكم اني امشي
لعبه بأيدج وايدج ابنج.
ام سيف:شنو هل حجي هذا
مو عيب عليج،
تهينين ابني كدامي لعد وراي شنو تحجين عليه
فيّ:والله اصلا مو بالي هو حته وراج
احجي عليه
من حجه كلامه بهذاك اليوم قبل كم سنه
بس طلع من باب بيتنه اعتبرته مات
ام سيف:ياااا على بختج هسه هو شحجه عليج
قابل سب العنب الاسود
فيّ:الاسود الاحمر المهم سبه
كلامه الي ماأثر بيج ولا بي وانتِ نسيتي
انه يدگ بروحي
وكلما اشوف خلقت سيف اتذكر اهانته الي
ام سيف:خلي اروح لعد مادام صار الحجي تشمر
ماكو جبير يحجي وياي
مع السلامه
فيّ:اي ميخالف هلا بيج عمه
راحت گالبه خلقتها
يمكن تشوفون اني دابالغ هسه هو شنو حجه
بس اني كلش أثر بيه من گال فيّ ماريدها
اريد وحده دارسه
راح ادخل جامعه وياي بنات واختار
مو اني دارس وتعبان اخذ وحده مبطله
وهسه من ماعجبنه بنات الجامعه رجع يردني
عباله ضاله منتظرته
لا والله يخسى اوافق عليه الي جرحني واهاني
وراح
لو يلبس الشمس بعد ماشوفه..
اجه ابوي من التمرين صاح ع شمس نزلها
من فوگ
گلها غسلي البيت كله
راحت هي تغسله اني رحت وياها
سبح وبدل وراح عافت شمس البيت ع النص
وراحت صعدت اني كملته
وكعدت شويه يم امي
بالي مشغول ع أبرهان
صعدت لغرفتنا طلعت موبايلي
شفت جايني اشعار من الانستا طرت من الفرح
عرفته هذا هوَ
توها روحي ردتلي وگلبي ارتاح
دخلت ع الرسالة؛
أبرهان:سوده على عوده
خوفتج عليه تعاي ابوسج ع هاي الحنيه الشايتلها
أنت تقرأ
ظُلمات الرائد
Romanceرجل ظالم ومتسلط يأذي بناته بابشع الطرق بعد طرده لها من البيت تلتجئ لشخص ليساعدها ويكون هذا الشخص هو منقذها وعوضها من العذاب ولكن هل ابوها راح يتركهم يعيشون بسلام؟وماجزاء هذا الرجل الظالم
