In hnuai ka thlen thlak ve meuh chuan Kim Dohyun chu hmuh tur a awm tawh lo a, ka û nia in sawi chuan min lo nuih ver ver a, a bula hmeichhe thu nu chuan "Monica te zawk", ati sap chu ka hre pha. Eng ang chhungkaw thar nge ka neih leh dawn tih chu hun in ala her chhuah pui ve mai ang.
"Henry nen Leona thawmhnaw vel kha han la khawm rawh u, a bo abang a awm tur ani lo", tiin abula thu hmeichhia chu Monica an tih nu chuan atia, thuawi zet hian ami tirh te chu an kal a, Monica chu athu hmel zek mai.
Engtin nge min zawn hmuh thei a, engtin nge ka mamawh lai taka an lo luh thei, heng mi pa 7 te hi tu te chiah nge an nih le, khawngaihna pianpui ve ang lo mai a an chet laiin ka lakah erawh chungtiang chuan an awm leh silo a, engthilah nge ka in barh luh leh tak ang tih chu kei mah leh keimah ka in zawt a a chhanna erawh ka nei der si lo.
"Kan kal thei", in khai bawr tun a hmeichhe pakhatin atih chuan "will kan sulhnu afel em tih lo enfiah rawh", tiin Monica chuan ka ban ah min kai a, kan in kawt piah deuh a motor lo dingah chuan min luhpui a kan awm na lai hi Hannam Dong ni in mi hosa veng tia hriat ani a, kan in hi tlem in he lai building lo ding hmasa ai hian a awm hrang deuh a, Kim Dohyun hi Travel agency ah hian Director in a awm mek bawk. Lawk ni chin khan that rawh ka ti em kha... aw ka ti chiang mai Monica chu en vat in "Kim Dohyun kha engtin nge a awm in that ta ami", tiin hlauthawng zet chuan ka zawt a.
"Ka naute khan an chingfel vek mai ang hah dam rawh", atih chuan "Travel agency a director ni lai anih kha a awm lo tih an hriat chuan case an file ngei ang", ka la ti hram ka hlauthawng thawng ve em ani. Jail ka tang ang tih ka hlau nichhin kha chuan ka rilru afim lo a, nawmchen nan leh kutthlak nana min hmang fo kha ka thin a rim a thi se pawi tihna ka nei lo. Mahse ka rilru a hrahfim tawh a nichina ka tawngka chhuak ngeiin that rawh ka tih vanga an that anih chuan tualthat tu nen kan danglam lo tih na
"Leona i rilru ti hah duh suh. Ka chingfel vek mai ang. Chuan nangpawh tu mahin an um zui che emaw an ti buai lo ang che. Tun atan hrih chuan enkawlna tha i mamawh", tiin ka hmel hmai vel chu min thlek a a lungawi chiah lo nge ahmel chu anel awm teh chiam lo.
"Kan kal thei", pakhatin atih rual chuan kan chuanna motor chu atlan chhuak nghal a, ka chenna hreawm tak chu hnung chhawn in let leh tawh ngai lo turin ka tum ram tia ka lo suangtuah ve thin atak ram thlengngai lo tura ka lo ngaih chu atak ram a ti thleng turin ka kal chhuak ve ta chu ania, lawm a hlim em em tur ka nih laiin ka rilru kilkhat ah erawh "an that tak tak angem, lo that ta se engtin nge ka tih ang", tih ngaihtuah in ka lawmna a famkim thei lo ani ber.
King Hotel kawtah chuan kan motor chuanna chu ading a "hei hi khum rawh", tiin Cap chu Monica chuan min khum tir a ka bana ahliam awm khuh nan kawr bantlawn ka ha bawk. Hotel chhung kan luh chuan "miss he lamah lo kal ru", tiin hmeichhe pakhat chuan Monica chu a bia a Elevator awm na thleng chu min hruai a, V.VIP tih achungah alo chuang kalh bawk.
Room kan thlen chuan "va in ti fai hmasa ber rawh", Monica in atih chuan "lo kal rawh ka lo thlah thlap ang che Jiho min ti dawn nia", tiin ka hma ah chuan Jiho chu a kal nul nul a, a hnungah chuan ka zui ve dat dat.
In bual tum in ka thawmhnaw hak lai chu ka phlelh a, ka biang ki lai lo duk kulh leh ka hmui hmun thum laia tlem tê tê a kak te chu darthlalang atang chuan ka thlir reng. Ka taksa pem te hi chuan dam ni ala nei ngei ang a, mahse ka chhungril hliam leh ser erawh a dam tawh ngai lo ang.
Ka in bual zo ka chhuak chu khumah kawr hak tur a lo awm a ka ta tur nih ringin ka in bel zui. Ka thawmhnaw an lak kha Hotel chhungah hian kan kenglut miah lo a achhan erawh ka hre lo. Bedroom atanga ka chhuak phei chu min lo en deuh thap a ka in bual hma zawng khan pa 3 kan nia tun ah erawh pa 8 kan ni. Lai deuh tak chunga room a luh leh ka tum chu "he tah lo kal rawh", Monica chuan atia zawi muang a ka kal chet chet in couch ah chuan ka thu thla ve a ka kun chal mai. Min rawn hmuh dan ka ngiahtuah let hian ka zak .
YOU ARE READING
WHO ARE YOU
Fanfiction"Nang hian min bum angam amaw. Ka pawisawi chu thihna asin. Tunge maw inih chiah le. Ka nupui hmel ang chiahpu tur hian pawisa engzah nge isen?.. Mahse chu chu hriat ka mamawh ber lo. I chunga lo thleng tur chu lo en mawlh ang che", ka hma ding hmei...
