Kústi veng ka tlan pel in ruam pakhat ah ka tlan lut a, phone a location an lo thawn en chung chuan ka kal zel a, building tla chhe tawh tak ah chuan ka in chhui tawp. Ka car khalh lai chu ti dingin ka silai chu ka en dik a, engtik lai pawh a ka ken reng thin tiang han en mai a kut phah chen lek anga lang a lai a kan hmeh chuan ka dar chen vel tur hian a sei a, he hmanrua hi ka tan bik liau liau tur a kan engeneer in min siam sak ania, ka hmang tangkai hle bawk.
Car atanga chhuakin building chhunglam chu ka pan a, chu lai hmuna lo awm te chuan kawng min lo kian sap sap. Chhawng chung ber ka thlen chuan ka ding dat a, meipui an lo chhemna engah chuan Terry chu chiangtak in ka hmu thei a, a kawr hak hmalam a thisen kai hnuang atang chuan an sawisa nasa hle ani tih ka hre thei chu lam pan chuan muang changin ka phei chet chet.
"Kan lo nghak reng tawh che alawm", thim zinga tang chuan arawn tia, chu lam chu ka hawi phei zawk. "Enge in duh", ka tih chuan "i hman hmawh mah mah anih kha kan la sawi dun dawn chauh alawm", atia, eng chinah ahmel a rawn in lan chuan ka in hum ruh nghal.
"Nangmaw" ka tih chuan ka hma ading mipa ka thah chak em em Mr. Aaron chu anui sawng a "ka lalna ramah ka lo lawm ache. I huai hle mai nangmah chiah in i lo kal tak tak a", atih chuan rum fahrana melh in "Terry hi chhuah rawh", ka ti chang fak "oh. In dawrna pawh kan la nei hlei nem. Kan in dawr fuh viau chuan in pahnih in him pial in in chhuak thei mai thei", nui sawng chuan atia.
"Ha. In remna a, nang nen hian maw", tiin ngeiawm fahran chuan Mr. Aaron chu ka melh a, a nui lai tawp chat in "in dawrna i duh loh chuan i thu thu le naute û", tiin chu laia awm ho chu a âu a, kan lam pan a an rawn kal khawm tak ah chuan "atha e, Terry hi chhuah phawt la kan in be thei ang", ka tih ve chuan Mr. Aaron chu anui huah huah a, "i va han duhawm tak, thluak nei lo turah min ngai em ni. He lai hmun rawn thlen tir tu che hi tunge", atih leh chuan ka thaw chhuak hak.
"I duh chu sawi rawh", ka tih chuan "aw tiang tur kha", ati hma sa te te a, athutna tura chair an lo pek ah chuan athu thla a, a bawp khawkherh a in kuangkuah chunga min rawn en hian
"Terry nunna ai ah Europe khawmualpui a lalna khu min pe ang", atih chuan ka nui chhuak hak hak. "I ngaihtuah na chu i hmang ve nasa awm hle mai", ka tih chuan "a pahnihna chu nangmah i chhuah theih nan Africa khawmualpui a lalna hi Mateo an min pe thung ang", atih chuan a aia nasa in ka nui.
"Ilo â hle mai Mr. Aaron fing deuh turah ka lo ngai che a, ka pa lalna ram khu lo pe ta che pawh nila Mateo lalna ram chu engtik ah i chang ngai lo ang. Ila hre ve lo em ni Mateo nen hian kan in then tawh tih hi", ka tih chuan Mr. Aaron chu a meng zau kawk.
"Min bum tum suh", vin that a tih chuan "ka bum che leh bum loh che chu fiah la, roomah min khung betin ei leh in tur min pe duh lo a, arukin ka rawn chhuak ve thei hram ania, tunah pawh an buai tawh viau ang. I duh chuan i fiah thei", tiin ka thuna tur a an lo dah ve Chair ah chuan ka thu thla a atih dan ang chaih in bawp khawkherh in ka in kuangkuah than bawk.
A bula ding pakhat chu kut zaizir hian kun tur in atia, chupa kum hniam chu ahrilh ru zauh a, ka thusawi kha fiah an tum tak tak nge ami hrilhruk pa chu achhuak nghal vut.
"Chutia anih chuan ipa lalna ram chu ka kutah hlan la, Terry hi he lai tang hian a chhuak thei ang", atih leh chuan ka nui sak. "Ni lo.. ti suh Monica ti Miah suh athusawi kha awi duh suh", thei leh thei lo a Terry an arawn tih chuan alam chu ka hawphei a, alu alo thing na na.
Terry ka en reng lai chuan pakhat chuan Terry chu a hnek chawrh a, Terry chu a bu lawp mai. "Kut thawh lo zawngin a chinfel theih loh em ni", thinrim avanga aw khur dar dar hian ka tia Mr. Aaron chu rum zetin ka melh bawk. "Awle kan ching fel pauh aniang chu", tiin a mit meng chuan Terry khawihtupa chu kal sawn tur in atia "ti khan deal kan siam thei tihna em ni", arawn ti leh, "ni rawh se ka pa lalna ram chu ka pe ang che, Terry hi chhuah rawh", ka tih leh chuan "mi â emaw min tia mi lalna chu min hlan la ti chuan Terry hi ka chhuah ve nghal ang", atih leh chuan ni rawh se tiin ka ding hluai a, ka kut ka phar chhuak bawk.
YOU ARE READING
WHO ARE YOU
Fanfiction"Nang hian min bum angam amaw. Ka pawisawi chu thihna asin. Tunge maw inih chiah le. Ka nupui hmel ang chiahpu tur hian pawisa engzah nge isen?.. Mahse chu chu hriat ka mamawh ber lo. I chunga lo thleng tur chu lo en mawlh ang che", ka hma ding hmei...
