Zan dar 10 ari a,Hotel ah riah ka tum loh vangin Liya chu chhuah sanin in lamah ka in khalh haw a, zan in hian Liya sex hman pui tura Hotela in hmu kan ni lo a, han play kual vel a eng emaw zawh chhuah ka duh vanga hotea lo kal tura hrilh kha ania, engtin nge Monica khan Liya nen kan awm tih ahria zawk ni. Hrilh tu nei lo chuan a lo kal dawn lo tih ka chiang hle bawk.
Mansion ka thlen chuan in chhung chu a lo reh ruih tawh a, kan nupa room ka pan ding nghal chat Monica chu khumah pawh mu lo in room chhunga couch ka dah ah chuan alo mu a, leh lam a hawi tlat vangin amuhil nge mu hil lo ka hre thei lo, thawm dim zetin Monica mutna lam chu ka pan a, ka en chuan amit chu achhing a, athaw sek sek chu ka thlir reng.
Ka kut chuan ka pawm lawp a, zu rim chu a nam ham ham mai khumah chuan muttir in puan ka sin tir a, zinga harh hun ah ka khawih avang hian a thinrim leh ngawt ang. Abulah chuan mu in ka kuah a, he ka nupui vanga ka nun danglam zia hre chiang tu ber chu kei mah bawk hi ka ni. Lucas leh Jordan leh Terry te pawh hian ka miza danglam hi an hmuh hmaih miah lo tih ka hre bawk.
Hmeichhe dang bula ka awm pawhin Monica hi ka rilru ah alang lian ber a, he tia ka kuah vawng vawng changte hian ka hah hi adam sawng sawng zel. Tun a Monica kawlh zet ai hi chuan a hma a Monica aruk a kawlh hra leh mize duhawm deuh nei kha ka duh in ka ngai zawk thin. Tun a mi chu achang hi chuan ka nu hrawn te hi a ang ka ti thin. Ka ngaihtuah na vang chuan ka nui deuh suk suk a, tui zeta muhil ka nupui chu ka thir vawng vawng.
Zanin athil tawn vang khan a mutthilh theih ka ring lo kha ania, mahse hei min chah thlak san daih chu ani sia he ka nupui ze mak sak tak nei nu hi chu engtikah mah ka hrethiam thei dawn lo anih hi.
Zing ka harh chuan ka nupui chu tui zet hian ala hmuhil a, achal ah ka fawh sak vang vang a, in ti fai turin bathroom ah ka luh san ka chhuah leh hnuah pawh Monica chu tui takin ala muhil. Vicky audio min lo thawn ngaithla turin secret room lam ka pan a, thil pawimawh leh kan hnu chhui lai a min tanpui thei thil chu phone a in thawn mai lo in in ven fimkhur nana Sabiru ho in kan hman bik thin in biakna kan nei a, tah chuan an rawn thawn mai thin, computer bul a lehkhabu ka dah lo kawi deuh ka hmuh chuan lut an awm ngei tih ka hre thiam. Computer chu on in ka room chhunga lut chu ka en a, Monica secret room a alut chu computer atang chuan ka thlir reng. Apawi ber ta chu ka mi chhui zui te thlalak ka dah ahmu chu ani. A ma thlalak ngei pawh ain tar a, ka thil tar chu phone ah athla ala in office chu achhuah san.
Monica hi aruka en thlak zeuh zeuh angai anih hi, kan inneihna hmang a min bum an tum chuan kei hi tu nge ka ni tih an hre chiang khawp ang.
Vicky audio min lo thawn ka ngaihthlak chuan kan tum chu ahlawh tling tih ka hre thiam nghal mai. Liya pa Mr. Aaron ka pu fapa thuruk ngei mai chu ka Penhouse bei tura thupe tu ani tih a tawng ka chhuak atangin ka hre thei. Han bei in han man dawn ringawt ila ka pu hian lo ven him atum ngei dawn a ruahmana tha te neih loh chuan a chungah kut ka thlak thei lo.
Nitiin Monica nungchang adang lam tulh tulh a, Terry bualah a awm deuh chawt achang chuan hreawm ka ti thin. Dawhtheihna ka thlakchham thin teh reng nen Monica lakah erawh awiawm loh khawp in ka dawhthei a, inkhatah cheng mahia tunah chuan in hmelhriat loh ang mai kan ni, room khat ah awm mahila, chhuatah a mutna tur siam in zantin amu ziah a, ahmel ah min huatna lang chhuak chu ka hmuh hmai lo. Kan Sabiru member te hi Monica hian hriat loh anei lo a, Vicky leh Nicky a hre miah lo kha mak ka ti tak zet. Ati der ti dawn ila a hmelah lah a thutak zia kha alang si a Lucas tak ngial pawh in "i nupui hi midang a ang", ati hial kha ania, kha ta tang khan ka nupui en thlak hna ka thawk char char a, zanah ka muhil tawh emaw atiin Phone a hmang thin a, he ta tang hian tuna ka nupui hi Monica ani lo tih ka rinna alian tial tial mai
YOU ARE READING
WHO ARE YOU
Fanfiction"Nang hian min bum angam amaw. Ka pawisawi chu thihna asin. Tunge maw inih chiah le. Ka nupui hmel ang chiahpu tur hian pawisa engzah nge isen?.. Mahse chu chu hriat ka mamawh ber lo. I chunga lo thleng tur chu lo en mawlh ang che", ka hma ding hmei...
