Airport atang a kan chhuak chiah chu "Mateo Jones meuh in min lo hmuak ania ava ropui ve", atih chuan Monica chu ka en a "ka nupui ka hmuak anih hi", ka ti let ve a ka thusawi chuan athawk tha nge ka lam chu arawn hawi a "imm pasal tha tak inih dawn chu", tia nuisak in alu chu athing nar nar. He ka nupui zet hi zawng A,B,C a awm chhung chu min hnial peih ang.
"Zan in chu dinner kan ei chhuak ang", ka tih chuan "thupek nge sawmna", arawn ti deuh kher a, "a engzawk nge i duh", ka tih chuan "imm..sawmna kha", atih chuan "anih chuan ka sawm che ni rawh se", ka tih zawh rual rual in "ka duh lo ni mai rawh se. He tia min sawma duh loh vel hi a nuam ve hrim hrim a", atih chuan ka motor khalh lai chu ka ti ding thut a, "hrep tak che hian", ka tih hluk. "Wow... Tunah hian Mateo Jones ka ti thinrim em ni", dar chhinâk a atih chu alamah awm hnai thutin a hmuiah chuan ka fawp nghal tawn tawn a, min chhang let lo mahse duh lo ang pawh in alang lo.
"Hrem na anih kha, sawmna i duh loh chuan thupek in kan kal anga ani mai", ka in lak hran rual chuan ka tia "thupek chu zawm tur alawm. Chu chu Mafia dan ani sia", min melh kal chunga atih chuan ka en reng ringawt.
Zanah dinner ei turin kan chhuak a, ka hma a thu ka nupui chu an en leh zeuh zeuh tih ka mit sir hian ka hmu reng. Ka nupui anih vang ni lo in ain cheina maksak zet vang hi anih ka ring. Hmeichhe dang te chuan kawrfual te, pawnfen te an fengin an ha a, kekawr an hak pawhin pangai deuh in an in chei thin, ka nupui erawh min ruih nan tiin kawr fual ti dawn ila afual chiah bawk si lo a malte thleng hi ania, atlang chu a arh ter a, ala kir zui bawk, ke kawr dum a asen no a par chhuak vek hi aha bawk a, asam lah chuan ati kir buk chhup bawk chu mai chu duh tawk lo in pheikhawk sen no tukchawp ni awm fahran hi abun bawk a,50's hun lai vela mi ni awm tak ani.
Kan thil order lo thleng kan ei dun mawlh mawlh lai a "tu nge ka hmu hi", rawn ti tu chu nem fahran lo hian ka melh chho a "he lai i kal dawn te chuan min sawn ve tur che lawm", beisei nei zeta Liya in arawn tih chuan "thil kan ei mek hi i hmu lo em ni", ka ti ram hmak a, akal sawn dawn emaw ka tih lai in "hei 60's hun lai ami kha, kha lai kha ka thutna tur anih kha tho rawh", Liya chuan atia, Monica ka en chu Liya thusawi hreawm pawh in alang lo athil ei lai chu a ei chhunzawm mial mial.
"I beng a chhet em ni ka pasal hual bulah te i lo thut ngam a", Liya in atih leh chuan "he tah rawn bauh rawn bauh suh", Monica chuan arawn tia, Monica che vel chu ka en reng Liya chu angaih pawimawh loh hmel hle bawk.
"Hmeli le, tu nge ka nih i hria em", thinrim zet hian Liya chuan atia "hmel nei lo bik i ang, hmel ka neih vang alawm i hmaah ka thut theih", tiin Monica chu arawn hawi chhuak a chal chu ti chuar in "aw ka hria che kan in neih tuka kan kawr hak tur rawn dah tu maid nula kha ini lo em ni", tiin Liya chu ngeiawm zet hian aen a, kei erawh ka nupui awm dan vang chuan ka lo nui suk suk
"Maid nula ah.. kei hi maid ni lo in Alex Thomson fanu ka nih hi chuan Mateo hi ka pasal hual ani bawk", Liya chuan ati tan tan a, chhan buai ka tum lo he ka nupui alfabet awm chhung daih tawngkam neitu hi ka ring tawp mai ang.
"I in cheina en chuan i pangai ve fu si hi. I pasal hual hian nupui hualah anei ve loh vang che anih hi min neih ni, athu hrim hrim in nang chu Mateo duh zawng i ni lo hrim hrim. Pawn lam a tha vur chhunglam erawh hmuh tlak awm lo. Parisai ang mai", ati deuh kher a, ain kuangkuah than bawk.
"Iva zak thei lo tak", ti leh dawn kan a Wine no lak chu Liya chuan a ruala, ate zui nghal that. Monica ka en chuan a wine no chu dawhkan ah a dah a "heng tiang style thing lutuk hi rawn apply vak duh suh. Chuan min tih buai hi sim ang che", atia, chulai hmun chu chhuah san tum in Liya chu akal pel a, thui erawh akal hman lo "ila hre dawn khawp mai enge i chungah ka tih theih ilo en dawn nia, khang tiang thing tak tak a in chei thin kha Mateo hian aduh lo", Liya chuan ala ti let hram.
YOU ARE READING
WHO ARE YOU
Fanfiction"Nang hian min bum angam amaw. Ka pawisawi chu thihna asin. Tunge maw inih chiah le. Ka nupui hmel ang chiahpu tur hian pawisa engzah nge isen?.. Mahse chu chu hriat ka mamawh ber lo. I chunga lo thleng tur chu lo en mawlh ang che", ka hma ding hmei...
