Muang chang a kal in in hnuai lam kan pan thla zel a, Mr. Aaron naute chu hmun tinah hmuh tur an awm, min rawn zim tual tual a, kut erawh an thawh ngam lo an boss ber kan kawl miau a in hnuai ber kan thlengthla a, min zui tute pawh tam tawh tak ani, silai ka hum ve chuan ka tin kual ve zel bawk.
"Ka thusawi hi ngun deuh in ngaithla rawh tun ah ka tih ve leh i tlan nghal dawn nia, ahma a ka thusawi ang khan i ti dawn nia", arawn tih leh chuan "kan pa hnih in kan chhuak dun ang", ka lo ti ve a Leona chuan "ka hria, ilo va tlan hmasa anga, carah ilo va lut ang, thlan chhuak nghal thei turin ilo awm dawn nia", atih tak chuan lu ka bu a, hmalam kan pan leh lai tak in "pa hnih chauh an nih kha bei let ta che u", pakhat hian arawn ti a, kan kal pawh ka ding chat. Min hual vel tu te chuan min rawn hnai tual tual a, "in boss hi ka that hre lo ania", Leona chuan atia ni chin a mi bawk kha "bei rawh u", arawn ti leh thawt. Mr. Aaron pawh chuan bei lo turin ti ve mahse athusawi chu an ngaithla teh chiam lo.
"Pialral ah kan in hmu leh dawn nia, hei hi ka û naunu thah tum a i beih vanga i lawm man hmuh chu anih hi. Chuan ithi tawh dawn tho a, kei hi Monica phir pui Leona Evans ka nih hi", tiin a silai chu ahmet puak a Mr. Aaron pawh chhuatah chuan alet nghal tawl, kan hma a awm te chu akap nghal zawt zawt "tunah", atih tak that ah chuan akah kuak sa ah chuan ka tlan phei a, ka pum na leh zawk zawk thin chu ka ngaipawimawh duh lo lui ve ngat. Ka sir lam atanga chem tea min rawn beih tum tupa chu athal nghal tawp a, carah chuan thu lut in ka ti nung nghal a, ka chuanna leh zel an rawn beih avang chuan chu lai hmun chu ka tlan chhuah san a, min um zui tu an awm lem loh vangin Motor chu ka ti ding dat car chhuata phone let reng ka hmuh chuan ka ban vat a, vanneih thlak tak in alo la nung hlauh ka no tih lo a ka hriat chhun Mateo chu ka call a, rei lo teh a lo la, "bro he no hi rawn chhui rawh, Monica nen din hmun hlauh ah kan awm", ka tia, Mateo tawngpawh ngaithla lo in Phone chu car hnunglam seat ah chuan ka dah a, ka la off lo bawk.
Minutes 5 vel ka nghah pawhin Leona chu alo la let lo a, motor chu turn pawp in building lam chu ka pan leh a, ka hma awm apiang te chu ka su phei pawp pawp, Leona chuan abul a awm te chu a hmawlh ken chuan alo vai thu hnawk hnawk a "rawn lut rawh" tiin car kawngka chu ka hawng bawk.
Amah hnaih ber tu chu a kick pawp hnuah a rawn tlan phei a a rawn thleng hman tep tih ah a hnung lam atang chuan an awn vua a, a bawk thla tawp chu "Leona" tiin ka au tuar. "He ta tang hian tlan chhuak rawh, Mateo va hrih rawh", atia, asawi zo hman trawk tih ah alu ah chuana an rawn vua a min en reng chung in zawi muangin amit chu akhap riai riai "Leona, harh ta che" ka aw rawl tawp a au chung hian ka tia ka silai ken chu ka hmet puak ve pawp pawp car chhung atanga hmet puak ka nih vangin fuh a neih leh neih loh pawh ka hre lo.
Car ka tih din miau avangin pakhat chuan car chhung atang chuan min rawn tham chhuak a, "mei mei che hian", tiin min hnek chawrh chawrh Leona bulah chuan min theh thlu thuai a, thei leh thei lo hian Leona chu ka ban tawk tawk bawk. Mipa ve si nep ka in ti a, mafia chungkua atanga lo chhuak ah chuan ka laktlak loh ber hial ang. Mafia dan hnuai ka awm lo hi ka lawm thin a, mahse tunah tak hi chuan mafia dan hnuai a ka lo awm lo kha ka in chhir lek lek.
Ka ûnaupa nupui emaw ka tih Leona laka keimah leh keimah in thunun a ka in ven nasat zia hre chiang ber tu ka ni a, keimah a duhna lo piang chho kha duh lo in Leona pawh ka hnaih tha duh ngai lo, mahse ani hian min nel in ka bulah a awm chawt reng a, ka duna tih mit ka tum nasat nen ahma aiin ka duhna pung chho tulh tulh a, Monica ni lo a, Leona ani tih ka hriat khan mak ka tih na ai mahin ka lawmna kha a nasa zawk hial ang.
"Mipa leh hmeichhe in kara hmangaihna maw ka duh lutuk", tih phah a, ka bula rawn thu tla chu "ithi dawn", tiin thei leh thei lo hian ka lo nuih "hmela nang alawm thi dawn", tiin ka hmaiah bawk chuan arawn hnek leh. Ka hmai hian na ahre tawh lo hial in ka hria, chupa chuan min tham tho lawp a, keiin chil ka lo chhak thawt thung. "Â mei mei che chuan le", tiin nikhua ka hrait loh thleng in kut min thlak.
YOU ARE READING
WHO ARE YOU
Fanfiction"Nang hian min bum angam amaw. Ka pawisawi chu thihna asin. Tunge maw inih chiah le. Ka nupui hmel ang chiahpu tur hian pawisa engzah nge isen?.. Mahse chu chu hriat ka mamawh ber lo. I chunga lo thleng tur chu lo en mawlh ang che", ka hma ding hmei...
