Pawn kan chhuah chuan "êngin nge i lo kal", Terry chuan atia, kan piah lawka ka car dah chu ka kawk. "Lawk aw" tiin phone chu ahmang a rei erawh ani lo. "Kan kal thei" atih chuan "khawiah maw" ka lo ti hu..
"Keiman ka lo khalh ang", tia ka car awmna lam a, a kal phei nul nul chu ka thlir reng ri ngawt. "Lo kal ta che" tia min rawn hui chuan alamah ka kal phei ve a ka thlen phei rual rual in "chahbi" tiin akut chu alo phar chhuak a, thuawi zetin chahbi chu ka pe ve mai bawk.
Mansion lamah let lawk lo in street food an zawrhna lamah chuan min kal pui a "he tiang hi i ei ngai tih ka hre lo", ka tih chuan "hriat loh tam tak i nei alawm", tiin Hotdog chu a keih thla a. "He lai nawmna hi i hria em", a thil ei lai thial tawl tawl phah a atih chuan ka dar ka chhin ak.
"Hawi kual la" atih chuan ka hawi kual a, kan thlanga tupui lian vak lo awm chu ka hmu ve chiah. "Imm i thusawi awm zia chu ka hre thiam in ka hria", ka tih chuan anui suk.
"Rilru hahna ka neih chuan he laiah hian ka kal thin alawm, tuipui a tanga thli rawn thaw te khuan hah ati dam thin", atih chuan Terry chu ka en reng. Mipa inocent tak ang maiin ahmel chu alanga, he lai ka awm ve achinah Terry hian Mafia thil engmah ala sawi lo, Mateo erawh ani ve lo Mafia thil bak buaipui tur anei lo emaw tih tur khawp in hna akhawih reng zel.
"Beer awm se arsa hem hmin nen ei ila atui ngawt ang", ka tih chuan "ka pawmpui thlap che. Lawk aw lo kal sawn miah suh", tiin a tho tharh a a kalna lam chu ka en zui vawng vawng.
Ka phone ri chu ka en a, Mateo anih vangin ka la peih lo, vawi thum vawli lai arik hnuah chuan ning zet a phone pick leh "a ring ral thak thak chuan ka be peih hlawl loh che tih hre ta che", tih leh phone dah ka rual nghal. Ka phone rawn ri leh chu ning zet in ka thutna sir kawngpui ah chuan ka vawm chawrh a a darh vek, chu laia awm ve te min en hrek hrek na chu ka hre lo der hmak.
"Tu phone nge ava darh nasa ve", Terry rawn let in atih chuan "a darh chak anih kha", ka ti deuh hmuk chu ahre thiam a niang "arsa hem chu ka hmu lo na in hei kan thak ka lo hawn", atia, a arsa lei arawn dah chu asawi ang tak tak in athak hmel asen vek mai.
Ka phone chu Terry chuan chhar in "athar chu i mamawh ve dawn anih hi, tu emaw thinrim hrik thlak na i ni sia, iva khawngaih thlak tak", tiin ka phone chhia chu abia a, achet dan maksak zet chu ka thlir reng. Ka phone chu a romol ah dah in "mangtha aw", ati leh kher chu ka lo nuipui hak. "Yes.. ka hlawh tling e i nui", atih chuan "imm ka lawm hle mai i bula awm hi chuan ha hni dai dap in kan nui reng mai anih hi", ka tih chuan "arsa hi ei daih ang beer pawh ka lo lei e", atia, athil lei chu kan ei dun a, arsa alo lei erawh ahmel en ai ain athak lo.
"Thuruk ka hrilh ang che aw, mahse awi duh miah suh", ka tih chuan "sawi la ka awi lo nghal", a beer ken lai in phah chuan atia. "Kei hi Monica ka ni maih lo, mahse Monica tho ka nih hi", nui var var ka tih chuan Terry chuan alu athing nar nar a "thuruk ka hrilh ve ang che kei hi Vincent ka nih hi", atih ve chuan ka nui hak hak. Ka thusawi awi lo lutukin lehkhabu ziak tu lar em em tumah in ahmel an la hmuh loh chu ain chhal ve tawp chu ani sia
Kan thusawi ve ve kan in awi sak lo chu kan nui dun hak hak a "in ram a i kal khan i zia tlem in a rawn in thlak nge, hei hi i zia dik tak zawk pawh ka hre lo i nel awm riau", atih leh chuan "zia chi hrang hrang 10 vel chu ka nei ang", ka tih chuan "daw suh" tiin ka chal ah chuan na lo te hian min rawn pen a, min hmu tu tan chuan kan awm dan hi in ngaizawng te pawh kan an viau ka ring.
Mansion lamah ka in khalh let a, atlai tawh teh reng nen Mateo chu haw pawh a la rawn haw lo. Kha nu hmelchhe zet kha abuaipui anih ka ring. Vawikhat pawh Mateo hi lo beisei leh teh se tu chiah nge ka nih ahre khawp ang.
Mateo Pov
__________________
Monica nen kan ram lam a kan haw tangin Monica azia dang tulh tulh a, an rama akal hma thleng ka chuan kan nupa in karpawh athla hle anih kha, tunah chuan khum khata mu reng chung in puan ahran in kan sin a, ka thlak hlel em vangin a muthilh hnuah ka kuah vawng vawng zel hengtianga ka lak a awm hran na chhan hi ka hre lo a, achhungten an lo fuih ti dawn ila ka lakah an lungawi lohna tur awm ang ka hre lo. Min rawn bei tu te lah kha ka Gang pakhat hnuaia mi vek an nia, keini min beihtir tura thu pe tu lah vawikhat mah ahmel an la hmu lo ti khan an sawi a dawp viau mahila chu thu ah bawk chuan an thu a tawp vek.
YOU ARE READING
WHO ARE YOU
Fanfiction"Nang hian min bum angam amaw. Ka pawisawi chu thihna asin. Tunge maw inih chiah le. Ka nupui hmel ang chiahpu tur hian pawisa engzah nge isen?.. Mahse chu chu hriat ka mamawh ber lo. I chunga lo thleng tur chu lo en mawlh ang che", ka hma ding hmei...
