Monica tia ka ban a min kuai her lawp tu chu en in " min thlah rawh", tiin min vawn na chu ka paih thla a "Leona", tiin ka au vak ri ngawt.
"Duh tawk teh. He tah a awm chuan kan hmu em em ang", William in arawn tih chuan chu lai hmunah chuan ka thuthla hnawk a, ka mit chu ka len ruai bawk. Ka darah rawn vuan in "kal teh ang" atih chuan zawi muang in ka tho a, Hotel lam kan pan dun chat chat.
"Lung ngai lo la, tu te nge kan nih tih kha hre reng rawh", William bawk chuan arawn tia, achang hi chuan William hnuaia awm hi ka ang thin, kawng engkim a ka kut ke ber kha ani miau a. Hotel kan thlen a ka room a ka luh chuan Jiho ka hmu tawh lo a, couch ah thlu thla hnawk in "ka zawng hmu ngei ngei ang che. Ram tam tak leh tuipui zâ tam tak kal kai pawh ngai mahse ka zawng hmu ang che", tiin ka phun sap sap
"Khawiah nge i kal bo daih a", Jiho in atih chuan dawhkan a kan thil lei chu ka kawk zeuh a "itha ber mai", tiin dawhkana ka thil leisa chu la in a ei zui mawlh mawlh.
Dar 10 arik chuan kan room ah kan awm kim thap "Jiho nimin a kan kalna CCTV kha han en chhin teh, Henry Jiho lo pui a, sawlai super market vela CCVT saw en ka duh ania rangkachak aiin apawimawh zawk, J.J. leh same nizan lama kan chetna chanchin lo ngaichang deuh ula, William, kan bungruate kha athlen na turah athleng em tih lo hriat tum la, Mico nen kan chhuak ang, le tan ang ule", ka tia keini pawh kan chhuak zui ve nghal zat.
Vawina Leona kalna lam atih ah khan kan kal a, hmun hrang hrangah Mico chu ka hruai kual a, "boss enge kan zawn", Mico in arawn tih chuan "keimah ang chiah hi", tiin kan piah lawka park awmna lam chu ka pan a Mico chuan min rawn zui ve zel in "lady Leona maw ka zawn", ati a, a âw a mak tihna lo lang chhuak chu ka hriat hmaih lo.
"Im" tiin thutthleng ah chuan ka thu a ka bulah Mico chu ading ve reng. Zawn ngaihna vak ka hriat tawh loh vangin Hotel lamah kan let leh a, an hna chungchang ka zawh chuan hmasawn na em em a awm hran lo.
"Boss hei hi ani lo ami", William in arawn tih chuan an lamah ka kal vat a, Laptop a ka mi hmuh chu hmeichhia tshirt dum ha cap dum khum dawr atanga achhuak lai leh kan park kalna laia kal chu ka hmu a, a che vel chu kan en reng ri ngawt. "Khawilamah nge akal en zui rawh u", ka tih chuan "Boss ka hmu e", Henry chuan alo tia a laptop lam chu ka va bih ve thuai, in lian zeta alut lai thleng chuan kan hmu a "tu te nge cheng kan hriat vat angai ani. Leona saw engti kawng zawng pawhin kan la let leh tur ani", ka tih chuan an lu an bu nghat nghat.
Leona pov.
Ka lu na in min tur leh ut ut thin vang chuan ka tho chhuak hluai a, dawhkan a damdawi leh tui awm chu la in ka ei zui nghal zat. Mut leh mai ka tum chu ka pum chuan min pawmpui lo tih hriat tak hian a ri rawk rawk a, pei lo zet a tho chhuak in bathroom ah ka lut a darthlalang a in en in ka chal a bandaid ka bel chu ka melh a ala na em em zui. In ti faiin kan piah lawk a awm Super market ah chuan ka la a, ka chal thup nan cap dum ka khum bawk ka thil lei nen chuan ka piah lawka park awmna hmun chu ka pan a,ka thlen chuan thutna awm ah chuan ka thu thla zui nghal zat.
Mi vei vak ho chu ka thir reng, ani chu tum neiin an kal chuak a an tum ram an thleng thin a, kei erawh phuar beh tlat ka ni, ka tum ram ka thleng ve thei ngai lo. Keimah ang rual hi chuan an nun an chen a hlim tak in an awm thin kei erawh nawmchen nan min hmang thung chu pawh fa atana min la tu ngeiin, ka nu leh pa anga kum 14 chhung ka lo en thinte kha ka nu leh pa diktak ani lo a, mahse an lak atang khan hmangaihna ka dawng thin an boral hma kha chuan. Kan in a kang khan ka pa khan "Leona ngun deuhin ngaithla rawh. Inu leh pa tak tak zawng chhuak ang che. Phir pui hmeichhia i nei", tih bak kha a sawi hman lo in kang kha a rawn nasa zel a, ka pa khan ka him theih na tur in tuk verh atang in puan hmangin min thlak thla a, kan lo kal ve ang ti mahse kangmei khan ka nu leh pa te chu min lak sa tho ani.
YOU ARE READING
WHO ARE YOU
Fanfiction"Nang hian min bum angam amaw. Ka pawisawi chu thihna asin. Tunge maw inih chiah le. Ka nupui hmel ang chiahpu tur hian pawisa engzah nge isen?.. Mahse chu chu hriat ka mamawh ber lo. I chunga lo thleng tur chu lo en mawlh ang che", ka hma ding hmei...
