"Base ah hian zanin chu kan awm hrih anga, naktukah Mansion lam kan pan ang", ka ti a zan arei hma in ka naute ho chu an haw a, base chhung a kan mi man thinte mutna nuam fahran lo ah chuan Monica nen kan mu a, zanina Monica chet dan kha ka ngaihtuah let a ka rin ang hmeichhia anih loh zia ka hre chiang zual sawt.
"Bawihi" tia ka auh chuan "ka hrilh che kha i rin anga hmeichhe fel ka ni lo. Europe khawmualpui a Mafia king fanu ka nih hi", atih chuan a lam chu ka hawi a, chunglam chu a melh a, ain ngaihtuah muk hmel tak zet.
"Ka hria kei pawh mi fel ka ni bik lo mahse zanin a i chet dan kha chuan min thawng tak zet", ka tih chuan "khangtiang a ka chet a vang khan min hlauta em ni, nge min duhna kha atawp ta zawk" arawn tih chuan ka thawchhuak hak. "Chungtiang in ka sawi lo. Hlauh thuah phei chuan ka hlau lo lutuk che, chuan mipa lawi lo ang maia min ngaih le. ka nunah ka la lut tawh che a engtikah mah i chhuak tawh lo ang", ka ti charh charh.
"Khawvelah hian keimah ang chiah chiah hi awm ve ta se min hre hrang angem", arawn ti daih avang chuan ka nui hak. Eng ngaihtuah hi nge maw aneih bik ni. "an awm dawn lo chu vangin ka hai lo ang che", nui chunga ka tih chuan min rawn en in "awm ta se ka ti a lawm, planet dang atangte pawhin an lo kal thut thei a", arawn tih chuan ka nui chhuak hak hak "ka hria em em ang che", tiin ahmuiah chuan ka fawh sak zeuh.
"In ram lamah i lo zu kal mai dawn em ni. Kei ni 3 hnuah ka lo kal ve ang", ka tih chuan "atha lawm mahse buaina i tawk anih chuan ka naute nen kan rawn kal ang", atia chal ti chuar tap in "naute" ka tih chhuak sap chu "i nupui hi min hre chiang lo anih hi North side mafia a ho tur ber i nei tih in hria la in chhuang viau ang che", atih chuan ka thu chhuak hluai.
"Athawng deuh che em ni", a tih pah chuan arawn thu chhuak ve a Monica chu ka en vang vang. Duhawm na zawng zawng nei tu siam chawp luih ang maia mawi hian tual athat ve thin chu ani awmsia, ava in hmeh lo tak.
"Tlem chuan min thawng ve deuh" ka tia "mafia chhungah ka luh hian kum 15 mi chauh ka la ni. Hmeichhia chu kum 18 kan nih in Mafia dan chhungah kan lut ve thei chiah tih i hriat kha, Ka pa hian fapa aneih loh vangin atha chhangdawl tu berah min hmang. kum 5 ka nih atangin min train chho a ka pa hi King anih vang in kei chuan enkawlna tha ber ka dawng thin. In thlah dah athiang lo a mipa nen min enkawl dan adang chuang lo bawk", atih chuan ka nupui chu ka melh vung vung. Aduh reng vanga hengtianga awm ani lo tih chu athusawi atangin ahriat. Mafia chhungah chuan mipa fa an neih loin an fanute hi training tir thin an nia, chupawh duh thlanna hmang in ani. Monica chu apa king anih vangin engkimah an duh uluk dawn a, kei mipa zawk min train pawh khan hreawm ka ti ania, hmeichhe tan phei chuan ahreawm leh zual ngawt ang.
"Tunah chuan ka thla zar hnuaiah i awm tawh a, tualthah pawh angai tawh lo ang. I pasal ka awm chhung hi chuan", ka tia, Monica chu ka kuah vang vang.
"I hria em Mateo i thlazar hnuaia awm hi anuam tak zet", atia angawih dat hnuah "kan seilen na ram in ang lo mahse kan lo chawrchhuah na chu a in ang, kan thisen ah hian Mafia thisen abet tlat a, chu chuan enge aken tel thil i hriat vek kha, kan duh emaw duh lo emaw kan dam chhung chuan buaina in min umzui reng dawn. Mahse hei hi ka chiang kan tan dun chhung zawng kan hneh zel ang", atia ahmelah in rintawkna ka hmu bawk.
"Thih leh ruam khat ah dam leh tlangkhat ah kan ti aniang chu", ka tih ve chuan ka nupui chuan min lo nuih sen sen.
"Jiho chu keiman ka va hmuak ange", Monica in atih chuan "Lucas nen kal dun ru", ka lo ti let vat. "Boss Penhouse lamah kal ka ngaih kha", Lucas chuan lo ti lang lang.
"Keimahin ka kal thei min ngaihtuah suh", Monica chuan atia hna khawih tur tam tak kan nei a, kei ngeipawh ka awl hman lo bungrua thawnchhuah na lamah kal ka ngai bawk.
YOU ARE READING
WHO ARE YOU
Fanfiction"Nang hian min bum angam amaw. Ka pawisawi chu thihna asin. Tunge maw inih chiah le. Ka nupui hmel ang chiahpu tur hian pawisa engzah nge isen?.. Mahse chu chu hriat ka mamawh ber lo. I chunga lo thleng tur chu lo en mawlh ang che", ka hma ding hmei...
