WHO ARE YOU

Chapter - 17

"Laptop kha min lo ban sak lawk teh", Monica in a tih chuan ban sakin ka pe a, khum mawng lamah thu in a ke chu ka hmeh sak niap niap tun lai chu kal a zir nasa deuh a, a tha hi a khur dur dur zel a hei vang hian a ke hi ka hmeh sak thin

"In tha em", atih chuan Monica chu ka en a, Laptop chu a bih ran. "Tha mah mah tawh chhuah ruk ri ngawt a tum a abuai thlak lutuk", Leona chuan a rawn ti lang lang a Monica chu a nui hak hak. Ka nupui hlim hmel ka hmuh hian kei pawh ka hlim thin. A bula ka awm tawh hi chuan ka hahdam thin.

"Ka monu, Leona hi a in ti thu lutuk a, athu lo chuan bathroom pawh ka kal ngam lo", Terry chuan arawn ti ve a, an naupang chhia lutuk chu ka khik pui leh suk suk zel. "Nang ni pahnih kha in lo in sual vel ange", Monica in atih chuan lehlam a ami biak te chu arawn nui hak hak. Terry hian Leona hi a ngaina satliah mai ni lo in a aduh tih ka hria, min hrilh chiah lo mahse mi mawl ber pawh an pahnih an awm dan ah hian an hre thiam vek ka ring.

Monica nen kan in neih tawh vang hian Terry te in duh tawnna hi palzam sak ka tum lo. An pahnih in an duh phawt chuan in nei ve mahse pawi tihna ka nei lem lo bawk.

"Lo dam vat rawh, kan in hmuh leh hunah chuan tu tlan chak chak kan ti ang chu", Leona chuan arawn tia. "Imm i lo kal theih hun ka nghak reng ania, chuan ka ai awh a engkim min tih sak kha ka hre reng ania", ati sap.

"Thu ho pui pui sawi suh. Ka dah dawn, zan lam ah kan in be leh dawn nia", Leona chuan atia, an in biakna chu ati tawp.. Rei tak ala thut theih loh vangin Monica mutna tur chu ka siam that sak a, a mut na sir chu beng thek thek in "lo mu ve rawh", atia. "Ka tih nat palh che hlau", ka tih chuan anui chuak hak. "Lo kal rawh" arawn tihleh chuan a mutna sir ah chuan ka va in thlawh ve a, ka ban chu a kham theih in ka dah bawk. Tih nat hlau zet in ka nupui chu ka kuah hlu hlu

"Leona ilo puih avangin ka lawm e, chuan ka bula i awm tlat vangte hian ka lawm. Keimah vang a i thil tawrh tam tak ka hria a chu ti chunga min vawn tlat vang hian ka lawm tak zet, ka hmangaih lutuk che Mateo Jones", arawn tih chuan ka nupui chal ah chuan ka vawh sak vang vang "Monica Evans inih chhung leh Kei hi Mateo Jones ka nih chung chu i kut ka chelh hi ka thlah tawh lo ang. Ka hmangaih che", tiin ka nupui hmuiah chuan ka fawh sak vang vang.

Leona pov
_____________________

Terry tui tih hmel zet a amuhil chu ka thlir reng, damdawiin atangin kan chhuak tawh a, akut leh ke an cher khawngna pawh an phelh sak vek tawh a, in dim erawh ala ngai hle. Alehkha bu ziah thar ber publish tum in a buaipui a hah pawh a hah thei hle. Vincent a ni tih ka hriat khan ka awi lo lutuk khan tun a alehkhabu ziah thar ber hi min hmuh a, ka awi ve chiah a, ka ring lo lutuk kha alawm lo viau anih kha athlem nan ni 1 chhung a awh

Terry in min duh thu asawi khan chhang nghal mai tur ka nih laiin ka thei tlat lo, kei tualthat leh ani ang mi fel lutuk te chu in zawmna kan nei thei lo. Vantirkoh leh Satena ang vel a in thlau kan ni. Monica in zia awm lam apan zel a, a accident hma la pha lo deuh mahse tunah chuan zia tawh tak ani. Ama ke ngei in a kal leh thei tawh a, Mateo pawh ain hnial pui leh bap bap thei tawh. Sudan ah an rawn let tawh bawk. Zanin ah Mateo te in ah dinner kan ei dawn a, tunah dar 6 ari tawh a, Terry chu kaih tawh tur ani nge ni lo pawh ka hre thiam chiah lo.

"Ka hmeltha viau ami", rawn tih chuan ka ding chhuak nghal zawk. "Hmeltha lo in siam rawh", tiin room chu ka chhuah san a, hmanhmawh zeta ka room ah lut in "Leona Evans in thu nun rawh", tiin keimah leh keimah chu ka in hrilh mawlh mawlh. Terry damlo ka buaipui chawt thin a vang khan a in ah ka in suan lut a, hei tun thleng in ka la awm ta reng anih hi.

Zan in chu ka style lo ang tak in silk kawrfual a dar bah sin te pink dal lam lek lek chu ha a, ka sam ka kawng chen vel a sei chu a hmawr herh kir in ka thla a, ka bek sir tawn ve ve ah chuan bakilh stone dum a in chei khat vek lian vak lo chu ka kilh bawk. Zara pheikhawk dum 4inch a sang chu ka bun bawk a, Ka hmai chu ka chei ve nel nual a, ka makeup hman erawh alang vak lo.