William a rawn chhuah ve chuan Penhouse lam ah kan tlang nghal a, Jun vanga kan ram a kal hi ka ni a, Jun an man tih min hrilh atang daih tawh khan thah chak na ka nei tawh, misual chuan an sual rah an seng tur ani tih Monica hian thuvawn ah a nei thin a, keipawh in ka tawm khawp mai.
Penhouse kan thlen chuan khua athim fel vek tawh a, "han in ti fai rawh", William in atih chuan sawi buai lo in room ah ka chho a, bathroom ah lutin darthlalang ah chuan ka in en vang vang. "I Phuba chu lakin a awm ta, mahse enga ti nge ihmelah hlim hmel a lan loh" tiin darthlalang a ka hlim thla lo lang chu ka bia a, tuna ka awm dan hi ka hre thiam lo. Ka taksa mai ni lo, ka rilru thlenga min hliam tu te khawvelah hmuh tur an awm tawh lo a hlim viau tur ka nih laiin ka hlim der si lo ka lungngai ti dawn ila lungngaihna chhan tur ka nei der silo.
Ka in bual zo bathroom atangin ka chhuak a, Monica kawr vel chu ka en kual diat diat, kan hak duh zawng in ang lo lutuk chuan ka nuih ti za in keimah chuan ka nui ker ker. Phir chu engkim ah an duh zawng a in ang thin an tia keini erawh ani lo anih dawn hi. Keiin thawmhnaw lian lam ka ngainat laiin Monica chuan body fit deuh deuh a pian nalhna ti lang chiang tu tur kawr hlir anei thung. Keiin Mateo ang mipa ka duh loh laiin Monica erawhin a duh thung a, lehkhabu chhiar ka ngainat laiin Monica erawh in mut ati chhuak ka chhiar rei peih lo ati thung a, kan duh zawng chu a in ang lem lo, tiila kan ei duh zawng erawh a in ang fu zel
Ka thawmhnaw ken chu pawrhin Tshirt senno lian ve lam pang leh kawkawr var sin te a, a senno a in tial chu ka ha a, dinner siam tur in in hnuai lamah chuan ka chhuk thla a choka thawm ri rak rak ka hriat chuan ka phei ve nghal thuai.
"Ei ka peih tep aw", min hmuh rual rual in William in alo ti nghal a "Eh... I kal daih tawh emaw ka tia", ka tih chuan "daih lo e" ati thum dut.
William chu ka en thin, a che vel chu a zei thlup na in, apron a hak te chuan ka nuih lam lam ati za, ava in hmeh lo ber kher tak thingpuiah ai êng thlak ila tiang vel chuan a hna thawh leh tuna a thiltih hi a in rem hlawl lo. A kut ah silai awm se, thunei zetin ahnuai mi ho vin khur khur se ain hmeh ber
"Lawm loh a nui chu mi â, vur vur ache", atih chuan ka nui lai chu chhip hmak in "a hau tu misual", tawng thawn ba duh lo zet hian ka tia. William nui suk chu ka hmu hman.
"Hengtiang hian rawng i bawl ziah em ni", ka tih chuan William chu a ner nawng a "bawl ziah lo", atih hmuk chuan "i va thiam hmel si ve", ka ti leh kher chu min rawn melh zawk in "keimah a ka awm chuan ei tur ka order mai thin. Monica nen kan awm chuan kan in bawl chhawk", a ti deuh duah chu ka lo nuih var var
"Monica dam hunah kan pa 3 in awm ho ila atha ang", ka tih chuan "ka duh lo", rang zet hian atia "Min hlau em ni" dar chhin âk a ka tih leh chuan "i thluak chhe te kha hmang teh tunge in sual zirtir che, ka kut zungte pawh i hneh dawn lo", ati leh kher chu ka run tak zet. "Zak teh. Zak teh" ka tih chuan "ka zak ka zak" alo ti ve a hengtiang em em a William atawng duh hi ka hre ngai lo
"Engvang in maw kan pa 3 a awm chu i duh loh", ka tih that leh chuan "pakhat pawh enkawl in buai thlak ania, pa 2 phei chu ka peih lo, thlakhat kan in chen chilh chuan in û nau vang hian psychiatry te pan angai reu reu ang. Alfabet in hman thiam dan hi a na mai lo e mai. Silai chu nise HK 416 ang vel tur in ni", atih chuan ka lo nui hak hak.
HK 416 te chu khawvel huapa silai tha ber ania, a kah anat mai bak a, a dik em em a hmelma lam khah nan chuan duhthu sam a tha ni. Chu mi nen chuan min teh khin ania, kan tawngthei ati lutuk nge silai nena in tehkhin tawp mai chu apui lo viau
William thilsiam beef Wellington chu tui ti zet hian ka ei tuam tuam a, "ti khan Monica nen in in an lohna ka hriat belh", atih chuan ka mit ko chu ka ti sang ak, "Monica chuan ei tur hi a haw ta emaw tih tur in a ei peih loh thin a, a ei ve chhunah pawh athleng ami tak ngial pawh a ei zo ngai lo, nang chu Monica letling thawk", nui chunga atih chuan "ei tur nei lo a awm hreawm zia hre chiangtu ka nia, ka hnar thei lo eitur hrim hrim", ka ti let ve a, William thil siam zawng zawng chu ka ei zo vek.
YOU ARE READING
WHO ARE YOU
Fanfiction"Nang hian min bum angam amaw. Ka pawisawi chu thihna asin. Tunge maw inih chiah le. Ka nupui hmel ang chiahpu tur hian pawisa engzah nge isen?.. Mahse chu chu hriat ka mamawh ber lo. I chunga lo thleng tur chu lo en mawlh ang che", ka hma ding hmei...
