ضيم بغداد

بارت 1

بقلم الكاتبه : قمر الطائي
Wa.t2t.          <___ حساب الانستا

    

الرمادي . بلاسم الساعه 7: 30 صباحاً
بلاسم - يمه حروح احلب الهوش
حضري الجداري حتى اجيبهم الج انتي تفوريهم واني اطلع احش

كريمه -روحي بس استعجلي
اخذت السطوله وطلعت شحلات هوه الفجريه يجنن اسمي بلاسم عمري 19 من الرمادي ابوي متوفي ساكنه اني واخوي وامي يم خوالي وصلت للحقل مال بقر حتى احلبهم جان تطلع ب وجهي رنا شايله سطلين حليب

رنا - بعد وكت هسه متفطنه حلبتهم اني امشي حشي تره ورانه شغل هواي لاضلين مفهيه كالته ومشت
يعع اشكد اكرها صايره نادره براسي ام الحثل طبعا رنا اصير خطيبت خالي احمد و بنفس الوكت بنت عمه وحده لوكيه بشكل مو طبيعي هاي ندارتها ما تطلع بس يمنه اخذت المنجل وطلعت للحشيش واني ادردم طلع خالي محمد من البيت واجه عليه
محمد- هاا شمالج كالبه خلقتج من الصبح
_ مابيه شي خالو
_لعد منو وياج
بعدني ماحاجيه وجان تطلع رنا
رنا- هاي يساعج لج بابه امشي خلصينه اشكد جكمه الخاطر ربج
محمد - عوذه لا صبحنا ب هل لشكول هاي اشجابه علينه
- والله ماعرف كعدت لكيته ب خلقتي
رنا - بلااااسم امشي يله وياي نحش
محمد -باعي اشحسوي لا عيني عندي شغل وياه راح اخذه وياي كملي شغل وحدج
بلاسم - وين؟

محمد -انجبي وماعليج روحي بدلي يله
-خالي تشاقه موو ؟
باوعلي و بتسم ب مكر وباع ارنا صفح وصاح بصوت عالي
- يله حبيبي بلسومه عسريع بدلي وتعاي اروح لبغداد
-صدك خالي ؟
-اي والله صديقي عازمنه وكلت اخذج وياي هم اونسج وهم تتعرفين على اهله ليش باقيه اهنا تباعين على هاي لشكول الزفره من الصبح كاله وباع الرنا
عقجت وجهه وتخصرت وكالت
- خويه عود غير نوبه عدنه شغل هواي
باوعله صفح وصاح
-لا عيني اخذه وياي هسه واذا عشغل انعوفه اليوم ما طاير بعدين انتي اشغاثج تره هذه موش بيت الخلفوج هذه بيتنه واحنا احرار نشتغل او لا باوعلي وصاح هااااا نسيت انتي خطيبت اخوي اي لعد اشتغل الشغل وحدج على شنو ماخذيج جنه اذا بلاسم تشتغل

صفنت ورفعت حاجبه
-جا ماخذيني خدامه عدكم ؟
اندار عليه وحجه بسرعه
-والله محد صخم وجهج مو انتي الي ذبحتي روحج حتى اصيرين جنتنه وبعدين احمد كالنه اني ازوجه حتى تشتغل مكان نسوانه وتريحن واذا ما عاجبج يا عيني نفصخ الخطوبه كلش عادي على كلن اتأخرنه يله بلاسيمو حبيبي بدلي وتعاي
-عزاا اني اباع على خالي محمد يكلي روحي ويضحك
-يعني من صدك اروح ابدل ؟
عاط ب صوت عالي -ااااي لعدد من جذب بنت ااالزمال ااااامشي وخلصيني
.شمرت النجل ورحت طايره من الفرح عززا من صدك حروح لبغداد وااخيرا دخلت للبيت اركض من الفرحه
-يمممممممه
كريمه -ولمه بنت الزفره شمالج اتعيطين
-حروح حروح اكوله واكمز
- هاي شبيج انكرصتي عليش اطفرين
-شلبس حضريلي هدوم بين ما اغسل
-وين حتولين يلمعزايه
دخلت رنا - حتروح ليغداد عيني
-ويا منو
-محمد حياخذه ويا يريد يعرفه على اهل صاحبه و يونسه سوده عباتي
نزل خالي احمد جان كاعد يلبس بساعته وكاشخ رفع راسه شاف امي ورنا واكفات يم الدرج طبعا رنا بس شافته بدت اسمعه التغريده الصباحيه
رنا - يا هلا ب المعدل ياهلا ب زلمتي الزين
احمد - صباح الخير
رنا - صباح الخير والصحه والعافيه يبعد طولي
-شكو شبيجن
كريمه -بلاسم كاعد تبدل وكالبه البيت
دخل خالي محمد -قناااااادر بلاسم وين انكلعتي
خلصت طلعت من الغرفه والحذاء بيدي كعدت على الدرج البس بي
احمد -هااا خالي علامج وين رايحه
-لبغداد ويه خالو محمد
- شعجب
-ماعرف
-يله خير امشي روحيله لا يفصم بيج
رنا - انت وين رايح و كاشخ كل هل كشخه ؟
باعله صفح مارد كالي
- خالي روحي جيبي سويج السياره مالي نسيته فوك
-تمام خالو هسه صعدت ركض نزلت لكيت خالي محمد كدامي
- انعل ابو عشيرتج اني مو كاعد اصيح  اندار على خالي احمد كاله
-تجي ويانه
-لا بعد اخوك اروح الوحدي
رنا -انت هم حتروح لبغداد
-اي
محمد -دمشي انوصلك لبيت صاحبك واحنا نطلع ابدربنه وغمزله
احمد - اخذ نفس وكال يله لعد امشونه
اندار عليه خالي محمد شافني كاعده على الدرج ولازمه الجنطه
-مخلصه
-اي
-لعد امشي كدامي لسياره
طلعت وخالي محمد وياي صعدنه ب السياره ننتظر خالو احمد
محمد- هسه غير يخلصنه امشي صيحي
-ماشي
-عود ما وصيج روحي موتي
-لا ثواني واجي نزلت اركض دخلت لكيته كاعد على الكرسي ورنا واكفه تبجي وتشكيله من سوالف خالي محمد وياهه
-خالي محمد يكول يله امشي اتأخرنه
رنا- كاعد احجي ويه زوجي مشوفين يله امشي منا
-والله ادري بي خطيبج مادري شوكت صار زوجج
- امشي ولي لججج ادب سزز
-محد ادب سز غيرج احترمي نفسج منو يمج اني كاعد احجي ويه خالي شدخلج
-بلااااسم حمسح بيج الكاع والله
دخل خالي محمد على صوت اعياطنه
محمد- وقزر قط الي يمله صفحتج كاااعد الغي واكول اتأخرنه شمالجن متمالخات
بلاسم - والله دخلت اصيح خالي احمد وهيه الي عالت بيه
محمد - اي مو ادب سزز مالكت من يربيه
رنا - ليش تغلط بدال ما تربي هاي الساقطه بت اختك
اندارت على خالي احمد الي جان كاعد وحاط راسه بين ايده
ما تحجي لو عاجبك مرتك تنهان
محمد-هههههههههي ياروح امك من شوكت صرتي مرته
احمد- كااااااااافي الخاطر الله شبيكم اتخبلتو انتو امشو كدامي وانتي لمي السانج
كاله وطلع هو وخالي محمد طلعت وراهم وضلت رنا تلطم ورانه صعدنه ب السياره وخالي محمد ضل يدردم
محمد - لك عيني ماكو هيج مره خويه افصخ الخطوبه وخل اتولي واني اجيبلك اعداله
احمد -يمعود سد السالفه حرك خلصته
داس بانزين وطلعنه فتحت الشباك حتى يدخل هوه لسياره كلش خنكه الهوه يجننن ضليت اباوع من الشباك على الطريق واني صافنه قاطع صفنتي خالي احمد
احمد -بلاسم بويه سدي الشباك واذا تعبانه نامي تره الطريج طويل
-لا خالو ما تعبانه
-كيفج بويه