ضيم بغداد

بارت 11

فتحت عيني لكيت نفسي ب المستشفى وبيدي سيروم والغرفه فارغه ردت اكوم بس حسيت راسي كلش ثكيل ويوجعني مكدرت ارفعه صحت على بلاسم بس محت اجه حاولت اذكر الي صار مكدرت اذكرت بس لمن سامر جان شايلني اشوي ودخلت السستر
- الحمدلله على السلامه واخيراً كعدتي
- اصار لي ؟
- اتلقيتي ضربه قويه على راسج ودخلتي ب غيبوبه صارلج اسبوعين
- زين اكو احد من اهلي اهنا
- اي اكو رجال بره
- ممكن اصيحي
- اكيد بس خل اضرب ابره الاملاح ب السيروم
- اوكي اشوكت اطلع ؟
- ماعرف والله شوي ويجي الدكتور يجيك حالتج وراه يكلج اشوكت اطلعين
ضربت الابره وطلعت شوي ودخل سامر
- الف الحمدلله على سلامتج بويه اشونج
- الله يسلمك راسي يوجعني
- هسه يجي الدكتور ويشوف
- منو ضربني ؟
- ام شذى
- ليش شنو سويت اله ؟
- والله مدري خبله مالج علاقه بيه انتي بس كومي بخير وسلامه وشوفي اشون راح اخذلج حقج منه
دخل الدكتور و فحصني كال انو وضعي طبيعي و الوجع هم طبيعي بسبب الضربه كتبلي ادويه وكالي ممنوع عليه الحركه الزايده وممنوع الجهد والتعب والعصبيه والانفعال واهم شي ما ادنك اهواي وكالي اكدر اطلع ب اليل طلع الدكتور وسامر طلع يخابر مدري منو اموت واعرف ليش هل مره شايله كل هل حقد والكراهيه بداخله عليه اعرف انو حفيده مات واخذت رجل بنته وراح اطلك منه واخذ رجل الثانيه بس هذه شي مو بيدي ولا الي ذنب بي همه الي كاعد يتحكمون بيه همه الي كاعد يقررون واني مجبوره اطيع اني الي عمري ما طعت بشر ولا سمعت كلام احد هسه الوكت خلاني اسمع واطيع الرايح والجاي ماعرف ليش كاعد احس نفسي ذليله نزلن ادموعي غصبن عني حسيت حركه ب كلبي ليش يربي هيج كاعد يصير بيه واتئذه والله عمري ما اذيت احد دخل سامر
- هاي شبيج بويه ليش البجي
- ماعرف احس جمره ب كلبي اول مره احس بشفقه على نفسي معرف كاعد احس نفسي ذليله و رخيصه والرايح والجاي يتحكم بيه اول مره احس بهيج شعور قذر
- اشششش لا تحجين هل حجي انتي لا رخيصه ولا ذليله انتي مجبوره تسمعين حجي الاكبر منج وتنفذي وبعدين انتي قويه و شجاعه ولو مو هيج جان ما جيتي وياي بس انتي اصيله لان فكرتي ب خالج واهلج وناسج ومارتي الاذيه الهم واجيتي وياي حتى لا احد يتئذه والدليل انتي من غير عشيره مو من عشيره خوالج يعني المفروض ما تنئخذين فصليه المفروض ايات الي تنئخذ ولمن خالج انطاج ما اعترضتي ولا كلتي اني من غير عشيره لان تحبين خالج هاي نقطه ونقطه ثانيه ليش تحسين ب شفقه على نفسج تره انتي انضربتي من وره ورئساً فقدتي الوعي لو هيه جايتج من كدام وضربتج مو راح ادافعين عن نفسج ؟
- اي
- لعد بعد شكو انتي ما تدرين راح تضربج بس ولا يهمج والله  لنعل ابو الخلفهن اذا ما شعلت اصفاح الخلفوهن على السونه بيج والمرمطه المرمطنياه ما اطلع اني سامر
- ممكن طلب
- طلبي روحي انطيج ياهه
- لمن نرجع خلي اني اكتله
- لا الدكتور كال لازم ترتاحين هل فتره وراه عود سوي اليعجبج اتكتليه اسحليه اتنعلين ابو اصله كيفج
- تمام بس كول والله ما ادخل بينجن لو تفاككنه
- ادخل ب حاله وحده اربطهن وانطيج احزام وجلدي بيهن لصبح انعل ابوهن لابو خطيتهن
- صدك راح اطلكني
-لا بويه اهلج بعدهم ما لكو الي كتل ابنه اشون اطلكج
- معرف كالو عساس اطلكني واحمد يعقد عليه
- وحته اذا طلكتج واحمد عقد عليج الله وكيلج يومين ب الزايد ويردج عليه هوه انتي ياهو الي يتحمل اخبالج
اندك الباب وفاتت بيبي اعروبه وعمو جسام اجو كعدو يمي وتحمدو لي ب السلامه
عروبه - هاا يمه اشكاعد تحسين
- اشوي راسي يوجعني
- ميخالف يمه تهون تهون انشاء الله  تنذكر ما تنعاد
جسام - يله بويه بدلي و كومي خل نطلع اليوم ينكتب اكتابج على احمد
سامر - يابه رحمه الوالديك تره مو وكته
- لا وكته ونص اذا ضلت يمك احسب اسبوع انوب وتموت
- اسم الله الرحمن بيش طالبه
- ما طالبه بشي اني خايف عليه وعليك ولك بويه والله ما يعوفنه ولا يخلنه ب حاله خلي البت اتروح يم احمد ب الرمادي اقلها نضمن سلامته اذا صار اله شي شتكل الاهله فكر بيه شوي انت مو تعهدت الخاله و زلم العشيرتين جانو كاعدين وكلت ابقيه يمي حتى ما تتئذه اذا صار اله شي شراح يكولون عليك شنو موقفك كدامهم دشوف حاله ضلت يمك يومين وشوف ماضل شي ما صار بيه والله لو باقيه يم ناس ثانيه جان فلا صار اله شي
سامر- دامنك خايف عليه وعلى سمعتي كدام الزلم ليش ما تطردهن من البيت خوب خلي هنه يروحن يم احمد ب الرمادي
- ولك بويه ما اكدر اطردهن اشون اطرد حرمت اخوي وبنات اخوي من بيتي شيكولون العالم عليه
- شيكولون خل يكولون طيبه ما اطلكه
- لا اطلكه وغصبن ما عليك
- يابه كلتلك ما اطلك لا تلح الخاطر ربك تره همي واصل الراسي
- اذا ما طلكت اتبره منك وتنفي من العشيره
عروبه - يمعودين مو وكت هل حجي كوم سامر يمه جيب ورقه الروج بين ما اساعده تلبس
ما جاوبهم كام طلع وطلع عمو وراه
- مالج علاقه بيهم يمه
- شنو حيصير هسه
- لا دوخين راسج انتي الج الصافي كومي خل اساعدج جبتلج عبايه من البنوات لان ما لكيت ولا هدمه من اهديماتج بيه خير
-ههههه
بدلت وسامر جاب ورقه الخروج طلعنه بيبي وسامر يساعدوني امشي لان ب الكوه واكفه على طولي راسي كلش ثكيل وعمو جسام يمشي عشرين متره كدامنه صعدنه ب السياره سامر جان كلش ضايج ومعصب و بلكوه لازم نفسه يعني اذا تكله بسبس ينفجر بيك وصلنه للبيت نزلو واجه سامر نزلني حبيت اقهرهم
وكعت روحي وهوه لكفه
- اسم الله اشجاج
- احس الدنيا كاعد تفتر بيه شيلني وديني الغرفتي
- قصدج غرفتي الي استحليتيه
- ميخالف ما بيناتنه فرق
- ضحك ب استهزاء وشالني
- سامر
- هاا بويه
- شواربك حلوات
- اي ادري
مديت ايدي لزمتهن
-خرب انعل لا تلعبين ب شاربي
- ليش حلوات
- راح اطيح حضج فشله الوادم كدامنه
رجعت لزمتهم
- طيبه راح اشمرج والله 
- ليش متحب احد يلعب ب شواربك
- بويه عيب شيكولون العالم رجال اشكبره اشكده شيخ عشيره تجي وحده طوله متره ونص تخوط ب شواربه
- لا لا سموره رجعت لزمتهم
- استغفر الله  ربي بشر تحجي وياه غير يسمع
- هههه تمام تمام لا ضوج شفت شذى نزلت تباع علينه صرنه مقابيله على الدرج بسته من خده وحطيت راسي على متنه هوه طبعا افتهم اريد اضوج شذى كام وباسني من خدى وغمزلي شذى واكفه كدامنه فاتحه حلكه عاط بيه سامر
- ههههوش شبيج واكفه فاجه حلكج حدري هيج خل اصعد
شذى- سامر بس اسمع
- كلمه وحده تطلع من حلكج والله احط بيج عجل اوصلج الباب الحوش فاهمه لو لا ولي من كدامي يله يلللله انعل ابو اصلج صعدت تبجي صعدنه وراه دخلنه الغرفه نزلني مددت على الجربايه اجه هوه هم راد يمددت بس مخليته
- يله شكراً عيني ابو سرحااان ما قصرت تكدر تطلع بره هسه
- وين اطلع غرفتي هاي
- جانت هسه صارت مالي
- لا والله
- اي والله اتحملني بس هل فتره يله يا حلو اطلع بره اريد انام
- وين اولي بويه
- روح نام يم اخوتك
- ليش ما انام اهنا ؟
- لان ما مزوجين واني الصراحه استحرم
- هاا تستحرمين تنامين بصفي بس ما تستحرمين تبوسيني مو
- اي بعدين بستك حتى اضوج شذى ما بستك حبن بيك ف يله كوو براه
- ما اطلع غرفتي والله
- تطلع
- ما اطلع
- ساااااامر
- ولزك
- حبيبببي
- مو حبيبج بعدين عيب استحي اشوي اني مو زوجج
- زين نام على الكرويته
- استغفر الله  كاله وكام واخذ مخددته مدد على الكرويته
- سامر
- ها
- جوعانه
- اكو ب البوفيه اليمج نعل وشحاطات وقنادر طلعي وعلسي حبيبتي
- اني مو حبيبتك
- اي يله نطمري
اندك الباب دكه كلش قويه كمز من مكانه واني مثل الثوله ضربت دقله من الجربايه وكعت على راسي حسيت وجع الدنيا كله بي
اباع الباب انضرب دفره وانفتح
_______>