ضيم بغداد

البارت ال 2

حط ايده على حلكي وهمس ب اذني
-اششش ما اسمع لج صوت
حسيت كلبي وكع ب معدتي من الخوف هزيت براسي ب معنه اي وخر ايده وكعد بصفي اباع عليه لابس دشداشه نيلي ولاف اشماغ على وجه بس عيونه مبينه ولابس احزام مال مسدس طلع المسدس وسحب اقسام باوع عليه وكلي
- ترجعين مين ما جيتي وانسي الشفتي هسه وديري بالج تحجين لحد على الشفتي روحي ولتخلين واحد يلمحج جنتي هنا
هزيت راسي اي وكمت ردت اوكف جرني من كلبيتي كالي زحفي على اركبج حتى ما ينتبهون لمن توصلين يم ذيج النخله واكفي رحت زحف على ركبتي لمن وصلت يم النخله وكفت وكملت ركض بعدني ما طلعت من البستان سمعت صوت اربع طلقات انضربو احس ادم وكف ب العروكي رجلي بعد ما تشيلني وكعت ب الكاع وبجيت من الرعبه انتجيت على جذع نخله جانت يمي وكفت بس احس رجلي اثنينهم نملو ضليت واكفه مثل المشلوله حسيت احد وراي انداريت لكيته نفسه خفت منه هواي كلي
- يساعج اهنا شنو كتلج
- جسمي اتبند مكدر امشي
- اعينج ؟
- صحت لاااا لا تتقرب مني
- هاي شبيج ما سويلج شي  كاله وتقرب مني
- لاااا عفيه ابعد عني تركني
- شبيج خويه شايفه كدامج وحش
- اي وحش ليش موتتهم ؟
- منهو كالج موتتهم ؟
- سمعت صوت الطلق
-شنوو ليش جان الصوت عالي؟
- اي
- صفن عليه وكال اشون جنت حاط صامت باوعلي كالي اكو بيوت قريبه اهنا
- اي اكو كم بيت قريبين من هون
- لعد امشي لحد يلمحنه وناكل تبن
- كاعد اكلك مكدر امشي
- خويه اذا اجه احد وشافج راح توكع براسج واروح بيه خلي اسندج
ماعرف ليش حسيته من صدك ميريد يأذيني مد ايده وكالي استندي عليه لزمت ايده واستندت عليه مشاني وصلني للبيت كالي روحي وانسي الشفتي ولا تجيبين طاري لحد كتله اي ودخلت كعدت على القنفه احس حيلي انهد عدت ربع ساعه واسمع واحد اجه يعيط طلعو الزلم وخالي اله اسمعه يكول الهم لكينه اثنين مصاليخ مكتولين ب البستان راحو الزلم يركضون يشوفون شكو اذكرت وضعهم والشياء  المقززه الجانو يسووه حسيت روحي تريد تطلع ركضت للحمام استفرغ احس امعائي حتنشلع نزلن البنات واجن يركضن عليه
بلاسم - يمه اسم الله الرحمن اجاج خيه
ايات - شكو اصاير
هنه يحجن فوكي واني احس الدنيا تفتر بيه كمت وكفت وطلعت من يمهن امشي واحس روحي مثل السكرانه الكاع تروط جواي وصلت لدرج وبعد ما حسيت بشي كعدت لكيت نفسي مدده على القنفه وبلاسم مسح ب المي على وجهي اباع على ايات وخالتي كاعدات ب الكاع يبجن ويلطمن
طيبه- شكو
بلاسم- خيه مصيبه وطاحت على روسكم لؤي وصاحبه لكوهم مجتولين ب البستان مدري ياهو الجاتلهم وشارد واهله متخبلين يردون ياخذون ب ثار ابنهم ويردون من خالج ينطيهم الجاتل وخالج ميعرف منو كالوله اذا ما تنطي النه انصفي زلم الديره كله وخالج عمت عيني عليه حاير
طيبه -زين ما عرفو ليش كتلهم
- لا خيه ماعرفو
-زين شنو حيصير
- والله عمامي رادو دم بس ادخل الشيخ سامر وكالهم ناخذ منكم فصل  مره
باوعت عليه مفهمت يعني شنو فصل مره
- باعي فصل مره يعني لمن يجتلون واحد الهل المجتول ياخذون مره من اهل الجاتل ويزوجوه الواحد من عدهم بس الشيخ سامر كال ناخذ منكم مره اضل يمنه شهر تنطونه الجاتل انرجعه ما تنطون ناخذه
- اي وشنو كال
- ب البدايه مارضو بس الشيخ سامر كال الهم الي يعترض اترس حلكه بارود وافقو
-منو الشيخ سامر؟
- الشيخ سامر ال **** شيخ العشيره
- اي وهسه منو حياخذون ؟
ضلت شاكته مجاوبت باوعت على ايات ورجعت باعت عليه مسحت على شعري وأخذت حسره
-شنو حياخذون ايات ؟
-لا
-لعد منو
- انتي
شنو كلته وكعدت شنو اني شكاعد تحجين رحت يم خالتي جانت كاعده تبجي وتلطم و منهاره
طيبه - خاله حياخذوني منج لج خاله فدوه كومي احجي وياهم كوليلهم بعدني ب عزز شباابي بعدني مشفت شي من حياتي بعدني طفللللله ولكم حراااااام والله حراااااااام  لااااااا ربي لااااااااا كعدت ب الكاع ابجي والطم واملخ ب نفسي احس نفسي فقدت اجت بلاسم تهديني
بلاسم - خيه كولي يا الله
-لج يردون يدفنوني واني ب الحيااااااااه ربي لاااااااا ربي اروحلك فدوه والله بعدني طفله مشفت شي من دنياي طليت اعيط وابجي اشوي ودخل خالي وكال
حيدر- يالله سونه درب
بلاسم -كومي الزلم اجو
-ليش شنو حيسون بيه
-لج حيعقدون عليج
-لا لا لا بلاسم فدوه والله احس نفسي حموت زين همه مو كالو مراح ناخذه الحد ما يلكون القاتل ليش يعقدون
- مو ميصير انتي حتروحين ب بيت الرجال وانتي غريبه لازم يعقد عليج حتى لو مراح ياخذج اذا ما لكو الجاتل يطلكج وتردين لهلج
- لا والله خايفه ماريد ماريد فدوه
- لا تخافين حيعقدولج على الشيخ سامر
هوه الي تكفل بيج كال الهم تبقه يمي الحد ما تلكون الجاتل
- لا لا ماريد عفيه كليله بعده طفله خلي يعوفني
-لج خيه كومي شو كومي كومتني غسلت لي ونزعتني اثيابي لا ملختهم اجت خالتي بيده اهدوم تباوعلي وتبجي كالت
خنساء - هاج يبعد خالتج كومي بدلي
- لا خاله فدوه لا تكوليه والله احس روحي كاعد تحترك اني معلي ب الكاعد يصير حرااااام والله  حرااااام عليكم تظلموني ما جاوبتني كعدت كدامي تبجي
بلاسم - كومي خيه وياي اعينج
كومتني ساعتني حتى ابدل طلعت لكيت ايات اصفط اهدومي واغراضي ب الجنطه وتبجي باوعت عليه واحس الشهكه تطلع من كلبي مشتني بلاسم لصاله كعدتني على كرسي و وكفت كدامي ولازمه ايدي اسمع الشيخ يكول الخالي ردد وراي  زوجتك ابنت اختي على سنت الله ورسوله واسمع الرجال يوافق ضلو يحجون وراه كال الفاتحه قرو الفاتحه والرجال كال الخالي خلي البت تحظر روحه ورانه درب طويل احس قبظ روحي ب حجايته  طلع خالو من الديوان لكاني كدامه فاقده كعد يمي وحضني وكام يبجي وكالي
- لا لا تبجين يبعد خالج والله دموعج تيزاب تنزل على كلبي والله  ماردت انطيج ما ردت اضلمج ولا ردت اضلم بتي سويت قرعه وسحبت ورقه وطلع اسمج سامحيني يخالي لا تخافين ما خليج يمهم انطيني صبر والله لنبش العرب واطلعه لهل كو**
طيبه - خاالو ماريد اروح اريد اضل يمك خالو
- بعد روح خالج كومي قوي نفسج بدلي ونزلي ولا تعلين كلبي
اجت بلاسم كومتني كالت لي وين عبايتج خيه
- ما البس عبي
- لعد تلبسين جبه ؟
- لا فساتين  اخذت فستان ودخلت البسه  الفستان جان عدل بس من يم الخصر كلش ضيق الردان عدله ومن جوه ريش واشوي واكف على طولي طلعت
بلاسم - خيه شمالج تسودنتي ؟
- ليش
- هاي شلابسه ولج مخصر عليج جسمج مخصر كله
- عادي هذه لبسي
-هاا وين الجواريب ؟
- ما يلبس وياه جواريب يلبس وياه شحاطه كعب طلعته ولبسته
بلاسم - اللهم صلي على محمد والي محمد الله يخزيج من العين طالعه كيكه
- هه امشي عينيني خلي انزل شالت الجنطه بيد ولزمتني بيد نزلت لكيت خالتي وايات كبالي ركضت حضنتهم وبجيت ردت اطلع لزمتني ايات
ايات - واكفي لا تطلعين
راحت تركض للغرفه اجت بيده فلوس و ذهب كالت خلي ذني يمج وباعي علي حطت لي اشوي مكياج
ايات - ضلي قويه لا تبنين نفسج مكسوره اهتمي ب نفسج اريدج اضلين ذيج طيبه العوبه ام السان
حضنته وبجيت طلعت لكيت خالي وسلمت عليه انداريت لكيت ٣ زلم واكفين واحد فتحلي الباب السياره وكالي صعدي بويه اباع حليه رجال ضخم حنطي اعيونه عسلي عنده بس شوارب لابس دشداشه لون ابيض وياه غتره ولابس بشت جوزي عرفته الشيخ سامر صعدت وياه وسد الباب وبلاسم صعدت وياه هذولاك الثنين اعتقد خواله سلم على خالي وصعد ب السياره كال
سامر - الله ب الخير
مجاوبت جنت منداره عشباك اباع على اهلي
هو هم محجه شي حرك وطلع اباع على البيت يمكن هاي اخر مره اجي اله اباع على خالي وهو ب الكوه لازم روحه اباع على الحديقه اهنا جنه نلعب اني وايات وخالتي تضحك علينه اهنانه جنه نكعد ب لليل ونسولف واهناك جنه انسوي اندومي ونختل حتى خاله مشوفنه صافنه وابجي قاطع صفنتي وهوه يكلي
^______