سامر- اسف ماجنت متقصد أذيج
- واعتذارك بشنو يفيدني هسه مراح يخفف من وجعي شي
- مو بيدي فلتت اعصابي وصار الي صار
- المفروض تلزم اعصابك
- وانتي هم المفروض تلزمين السانج لو ما مطاوله على الاكبر منج جان ما صار هيج بيج
- اي دافع اله بعد
- ما كاعد ادافع اله
- سامر نزلني اهنا
- استغفر الله بدت رحمت الله
- نزلني و لا اضل ادردم
- انشاء الله عود افكر
- تنزلني لا والله اجيت
- اي جيتي بويه ياهو الازمج
مهتميت اله انداريت علمود افتح الباب لكيته قافله
- عبالج ما حسبت احسابي هههه والله يا الله كاله وهز بيده
باوعت عليه بحيره احس النار اتفور جولي معرفت شنو اسوي ما اريض اضل اهنا ولا اريد اعيش هيج عيشه ماعرف اشصار فجئه نزلت ادموعي و حسيت نفسي مخنوكه ماريد اكمل حياتي بهل طريقه مصار لي يومين اهنا وما ضل شي ما صار بيه
- بويه عليش تبجين
- مخنوكه
- شنو رئيج اخدج نتعشه بره وراه ناخذ فره ب القائم بس عقلي ولا تفضحينه كدام خلك الله
- ماريد رجعني للبيت اريد ارتاح
باوعلي بحسره
- على راحتج
رجعنه للبيت اجيت انزل سامر مقبل كال اني انزلج نزلني لكيت الجماعة واصلين قبلنه وعمو جسام كاعد يمهم وجان كلش معصب و شذى واخته الخنزيره واكفات يتبجن بس لمن شافني سكتن بس امهن ضلت ادردم
- تعاي انزلج للحديقه
- ماريد اريد اصعد ارتاح
- ماشي تعاي اوديج للغرفه
- لا خلي بلاسم اساعدني صحت اله وهي ما صدكت اجت تركض لزمتني من ايدي وخصري احنه مشينه وسامر راح يمهم ابتعدنه من يمهم اشوي وبلاسم كرصتني من خصري وضحكت
- شبيج اضحكين ؟
- اضحك على لواتج
- يا لواته ؟
- ايات خابرتني وكلت اله على الصار وكالت هاي من زمان لمن جنتن تلعبن ب البستان وكعتي
- عزاا خما احد دره ؟
- لا واني هم كلت اله متكل الاهلج
- ليش
- حتى لا يخابرون سامر ونفضحين
- اي زين صعدنه للغرفه دخلت غسلت وبدلت طلعت لكيت بلاسم اسفط هدومي ب الدولاب
رحت كعدت يمه
- اكلج خيه اشو اهدومج كله تشليح وتمليح مابيه هدمه عدله
- ايات حطتهم الي
- اي غير تحط الج دشداشه شي مستر
- ماعندي اهدوم امستره واطول دشداشه عندي جوه الركبه
- صلاوات على النبي لعد هسه شنو تلبسين ؟
- البس فساتيني الحد ما يدزولي هدوم صدك شبيهن هذني الخنازير جانن يبجن
- جدي جسام لعب بيهن طوبه ورزلهن لان حجن عليج كال الهن الي تندك بيه انوب انعل والديه
- حيل بيهن والله
- بس مو اهنا المفاجئه
- لعد وين
- جدي كال انتي اذا ضليتي اهنا مراح يعوفنج ب حالج ف كال راح يخلي سامر يطلكج وخالي احمد يعقد عليج
- كولي والله
- و كلامه الله و الاحلا راح نخلص من رنا خطيبت خالي احمد هم راح يفصخ
- الله اكبر يعني راح اروح وياج لبيتكم
- اي
- لعد ليش كاعد تسفطين اهدومي رجعيهن ب الجنطه بين ما ابدل خل ننزل انشوف شنو حيصير
- يله كومي
كمت بدلت واني كلي حماس صحيح ماريد ازوج ولا واحد منهم بس على الاقل بلاسم يمي ماضل وحدي يم هل عكارب
بدلت ونزلنه دخلنه للمطبخ اشوي وعله صوت الزلم طلع سيف من الديوان واجه علينه يهز ب جتفه
بلاسم- ها ولك اشصار
سيف- سامر مقبل يطلك بس جدي تعارك وياه وكاله غصبن ما عليك هسه راح يروح خالي محمد يجيب الشيخ
بعده ما مخلص حجي وطلع سامر من الديوان معصب و يدابج تكول ثور وراه طلع رجال يحجي وياه وسامر يعيط وياه ما افتهمنه شبيهم اشوي واجه محمد يبجي ويضحك
طيبه - ها شبيك شخطت
- رنا راح تطلك
- كرت عينك زين سؤال
- كولي
- اخوك احمد وين
- راح ويه سامر يجيبون الشيخ ليش
- اريد اشوف خلقته
- اجلح املح لا تخافين
كاعد نحجي وما حس غير واحد جرني من شعري ولزك راسي ب الحايط وضربني ب شي وراه فقدت ماعرف اشصار بيه فتحت عيني لكيت بلاسم والبنات فوكي يعيطن رجعت غمضت فتحت لكيت سامر شايلني و كلهم يعيطون وراه وراه ماحسيت بشي
_________"
أنت تقرأ
ضيم بغداد
ChickLitامس شارعنه كله عالصريخ التم امس باخر سلف عطاب صدري نشم كافي تلومني المريتهن صعبات شنو تشيع ضحكتك على چتاف الهم انه اليندم گبل لاخطأ منه يصير خاطر مايعيش بلوم من يندم انه المعركه المارجع منها الجيش انه المتخاذل الخواف الاستسلم ياهو الگال عالدم مرتبط...
