السلام عليكم
- وعليكم السلام
اباوع عليه رجال اشوي طويل حنطي عيونه عسلي وعنده شوارب ولحيه مو مثل سامر بس شارب شكله حلو وحباب لابس دشداشه بيضه شماغ ابيض و رصاصي شكله مو مثل الي شفته ب البستان ولا نفس صوته بس نفس عطره
احمد - اشون صرتي
- شنو شوف ؟
- شبيج كالبه خلقتج جنهن خبزنج انوب
- يفشرون ب نص عينهم
- ههههههه
طلعنه بره ب طرمه جان سامر ومحمد واكفين سامر ضايج ومعصب تكله بسبس ينفجر رحنه يمهم
سامر- جاين ب الطريق
طيبه - منو همه؟
احمد- خوالج
- ليش حيجون
محمد - عجل اشون غير يحضرون
- ليش كاعد احسك فرحان
- اي والله كلش فرحان تعرفين رنا راح تتطلك صاله شهرين يمه مكلوطتني اتكلوط واليوم الله راح يفرجه عليه
- ليش هيه مو بس مخطوبه من احمد
- اي
- لعد ليش يمكم
- امي مريضه وهيه اجت يمنه عود اداريه سوده عليه
-هاا
- اي الف الحمد الله والشكر الك ربي احبك والله رافع وجه لسمه ويدعي والله ضحكني
واكفين نحجي وطبكت سيارتين يم الباب نزل خالي وخالتي وايات والسياره الثانيه نزلو منه زلم رحت اركض حضنت ايات كلش مشتاقه اله
ايات - لج هاي اصاير بحالج
- اي شفتي بعدج اسوه بيه
- هههه انجبي لج يولي طلعت هاي عرامتج بس يمي واهنا ساحلج سحل
خاله - يمه ب نيتي مشتاقتلج
- خاله اني هم والله
راحو الولد يم خالي والزلم مكدرت اسلم عليه لان اخذوهم وراحو للمضيف دخلنه اني وايات وخاله لصاله جانت فارغه بس سعده كاعده على الكرويته ورنا كاعده يم رجله تبجي
احنه - السلام عليكم
محد رد
ايات - اشونج حجيه
طيبه- يا حجيه لج هاي تروح للحج ب حاله وحده حتى يرجموه ابدال ابليس
خاله - اشششت بتي عيب شهل حجي مره ب كد امج
رنا - طيبه ولي منا لا والله اكوم اطيح حظج
- ااااي ياعمري لا تبجين على احمد وعد مني الج راح ادير بالي عليه ابمكانج لا تخافين عليه وبعدين ويعني اذا طلكج تره اكو هواي زلم غيره لا ضلين لزكه
رنا - تخسين ولله يطلكني اني علمودج انتي اصلا كالي راح اخليه خدامه جوه رجلج
ايات - هووووشت اعيوني منو هاي اتاخذيه خدامه
خالي- بنات كافي عاد سكتن جرتنه خاله وكعدتنه كدامهن دخلت بيبي و بلاسم وامه سلمن على خاله و ايات اشوي ودخل سامر واحمد والباقين
وكفنه كلنه اجه سامر وكف كدامي
سامر - طيبه
- هاا
- وجعا خا اكمل
- اي
- انتي طالك طالك طالك
- عادي اهلهل ؟
- راح الطمج راشدي اعميج اثكلي كاله وطله
اجه احمد ورنا وكعت على رجله تبجي
رنا - فدوه لا تكوله والله عادي اخذه شريكه عليه بس لا تطلكني بروح ابوك والله احبنك
سحب رجله ورجع لوره
احمد - كومي
كومته امه
- رنا انتي طالك طالك طالك
رنا كمات تلطم وتعيط و تبجي وامه واخته وياه على الواهس راحو الزلم حتى يعقدون اشوي ودخلت بيبي عروبه تهلهل ضلو الرايح والجاي يبارك الي اخذت ايات وبلاسم وصعدنه للغرفه هنه كعدن يسفطن ب الهدوم مالي ب الجنطه واني مدده اباع عليهن
بلاسم- اكلج خيه اشو انتي حاطتله وين ما كو هدمه مشلحه
ايات- اني شعليه هنه هذني اهدومه
- خيه ميصير احنه اهناك ب الرمادي عرب عيب ميصير المره تلبس هيج
- عادي يمعوده هسه مو كاعد البسهن اهنا اشو محد حاجاني
- تحجي اكلج اخاف عبالج خالي مثل سامر اذا سامر منطيج مجال وعايفج على حد شعرج خالي والله يخبلج تراه عصبي وعقله طكه ونص لا شفتي ضحكلج تره والله يسودنج اذا ما تمشين ب شوره
- عزززا لا فدوه لعد ماريد رجعوني على سامر
- عيالج كله مثل سامر مو
كاعد نحجي وصاحونه صبو الغده نزلنه دخلنه للمطبخ جان محمد واكف وياهن يساعدهن لمن شافني هلهل
- يمه مرت اخوي الغاليه يحجي ويباع صفح الرنا والله احمد فد فرحان بيج البارحه يكلي الحمد لله راح اخلص من هاي الهايشه واخذ ذيج الغزاله
شذى - اي جذب بعد جذب اتلوك اله زين
- انتي تنجبين وتاكلين نعل لا الطج ب الصينيه هوه انتي وياه من نفس الخ**
دخل احمد
احمد - هاي شكو
- ماكو شي خويه بس هذني العارتين واكفات يطنن فوك راسنه
- محمد كافي خل اليوم يعدي على خير الوادم يمنه ما ناقصين حجي كاله وطلع
رحت جبت خبز حتى يثردونه
محمد - لا لا لا تلزمين حاجه انتي كعدي وهذن يسون كلشي اندار على شذى وصاح
محمد- لج قسمه الخدااامه تعاي ثردي
ضل يغلط ويحجي عليهن واحنه ميتين ضحك خلصنه غدوه والكلشي وراحو العالم وخوالي هم راحو رحت اني هم بدلت لان راح اروح وياهم لرمادي نزلت لكيتهم طالعين بره سحبت جنطتي وطلعت لكيت احمد واكف يحجي وياه رجال مشفت وجه بس كفاه وكفت انتضر احمد حتى يفتح السياره ويصعد الجنطه الباقين صعدو ويه محمد خلصو حجي واندار الرجال اباوع عليه نفس عيون هذاك الي شفته ب البستان هوه لمن شافني رئسن دنك وراح ضليت صافنه قاطع صفنتي احمد وهوه يكلي
_______""
أنت تقرأ
ضيم بغداد
ChickLitامس شارعنه كله عالصريخ التم امس باخر سلف عطاب صدري نشم كافي تلومني المريتهن صعبات شنو تشيع ضحكتك على چتاف الهم انه اليندم گبل لاخطأ منه يصير خاطر مايعيش بلوم من يندم انه المعركه المارجع منها الجيش انه المتخاذل الخواف الاستسلم ياهو الگال عالدم مرتبط...
