ضيم بغداد

بارت 22

رجعت مددت وغفيت كعدت على صوت الباب وهو ينفتح رفعت راسي لكيته بلاسم
بلاسم - صباح الخير
- صباح النور
- اسفه كعدتج بس اجيت اخذ المستمسكات مال خالي من الكنتور
- لا عادي دخلي كلته ورجعت مددت
- ما تكومين تاكلين ؟
- ابيش الساعه
- ب ٢ ونص
- اوووف صار اشكد نايمه ليش ما كعدتيني ؟
- ما حبيت ازعجج كلت خليه ترتاح
كمت كعدت حسيت الدنيا افترت بيه رجعت راسي و مددت
- هاا اشو رجعتي
- دايخه راح ارجع انام عود اشوي و كعديني
- تمام كالته وطلعت رجعت مددت بس منمت لان راسي يوجعني فتحت فوني شفت احمد داز رسايل يرزلني بيه لان سديت الخط ب وجه بس ما هتميت رحت اتصلت على سيدره اشوي وفتحت
- الو
- هلا ب الما تسئل على صديقته
- انجبي لج جايتج ب موضوع
- كولي
- اصار على هذه الشحاطه
- والله العندج خوش داكي دكه متفلي العافيه شفته هذيج المره وجه مورم و ايده مكسوره ورجله مضبره ومنعول سلف سلفا
- يستاهل طبه مرض سمعي اريد رقم عمي
- مو عندج ؟
- لا لاغي اريد رقمه الجديد
- ما اعرفه والله
- اريدج ترحين لبيت جدي وتحجين ويه اروى تكليه طيبه تريد رقم ابوج
- داده لا تبليني ويه هاي بنت عمج ما تحاجه
- ميخالف بس طلبي منه وكولي طيبه تريده
- خوش اشوف
وراه ضلينه نسولف شوي وسدته
شمرت فوني وكعدت افكر هسه اشون راح اكدر اوصل العمي وذا وصلت اله اشون راح اكدر ارجع حق بهيه واخلص نفسي منهم لازم خطه و مساعد بس وين الكه مساعد اذا همه خوالي باعوني بيمن اثق احسن شي العبه وحدي بس لازم خطه صفنت ما اعرف احط خطه
- هي هوووو عاد ربي شامرته وراك انت حط الخطه ودبرلي كمت غسلت وبدلت نزلت لكيت البيت صمطه عرفتهم نايمين الساعه ب ٣ وكت قيلولتهم طلعت بره سامر جان كاعد يشرب جكاير هذه اسالفته اربعه وعشرين ساعه كاعد بره يشرب جكاير وضاربه صفنات الله الي يستر منه بس عفته ودخلت للمطبخ صبيت اكل ميته جوع اباع مسوين تشريب لحم
- ايعع حشه النعمه اشكد اكره صبيت بس تمن وكعدت اكل تمن وطرشي اجاني مسج من سيدره فتحته دازه رقم معرفته اتصلت بيه
- الو شنو هذه
- خابرت اروى وكلت اله كالت هي هم ما عده رقمه بس هذه رقم عمر مدير اعماله دزيته الج خابري بلكت يكدر يساعدج
- اوك ثينكس باي
- بايات سديته ودخلت على الرقم دزيت اله مرحبا خلصت اكل كمت غسلت المواعين وصعدت للغرفه كلش ضوجه معرف شنو اسوي كعدت كدام المرايه العب ب خلقتي اشوي وجاني مسج منه كاتب اهلا وسهلا اتفضل اني طيبه بنت اخو وسام مرحبا اهلا بيج بيش اكدر اساعدج ردت رقم عمي لان مقفول عندي مكاعد اكدر اتواصل وياه اذا عندك اتمنى اتدزه والله ماعرف هوه صار فتره ماعرف عنه شي اتصل عليه مايرد زين تعرف وين مكانه ؟ لا كتلج كلشي معرف والله لو اعرف جان اني رحتله عنده اسهم ب كم شركه صار فتره تاركهم والناس بدت تشتكي هاا اوك شكرا الك لا عادي بس لو عرفتي شي عنه اتمنى تكولي الي  ماشي باي اهلا بيج استغفر الله ربي هذه وين وله فص ملح وذاب محد يعرف عنه شي بس بسيطه اجيبه اجيبه اندك الباب منو
- اني سامر
- دقيقه ركضت للحمام غسلت وجي بس ماراح منه زين لبست الحجاب وكتله اتفضل دخل
- اريد احجي وياج
- حجيت وياه ب كل برود وكتله اي تفضل
اجه كعد على الجربايه كدامي
- باع طيبه اني ماريد ائذيج ولا اريدج تاخذين على خاطرج مني اني البارحه ضربتج لانج وازيتيني
- على شنو وازيتك ؟
- ب تصرفاتج هاي
- تره كلش ماسويت انته الي مصخته ويانه يعني مره ورجله اشعندك حاط خشمك ب نصنه
- اكلج اشو انتي مصدكه نفسج مرت احمد تره احمد بس يخلص الشهر يطلكج
- ليش
- اني طلكتج وهوه عقدج عليج بس هل فتره بس يخلص الشهر و اهلج ما ردو النه خبر احمد يطلكج واني ازوجج
-اكلكم انتو احد كال الكم اني لعبه عدكم يوميه مطلكيني و مزوجيني بعدين اني ماريدك مرتاحه ويه احمد واريد اضل مرته
- ضحك ب استهزاء وهز راسه وكال اي مو هيه ب كيفج
- اي طبعا بعدين تره احمد ازوجني
- هذه الحجي اضحكي على نفسج بي وبعدين حتى لو عادي كاله وكام طلع هذه عود صدك يحجي عابت اله مددت وماحسيت على نفسي وغفيت كعدت ب اليل اباع الغرفه ضلمه ولا صوت اخذت لي صفنه على الحايط ياربي شكاعد يصير وياي شهل وضع الي اني بي ورجعت غفيت وراه هم فزيت اخذتلي صفنه ورجعت نمت ابد ما ارتاحيت ب نومتي ضليت بس اتفزز كعدت الصبح ساعه ٧ الصبح كمت كعدت ولميت روحي وكمت ابجي ما اعرف ليش بس حسيت نفسي اريد ابجي مشاعري مضاربه افكار وتعب بجيت الحد ما حسيت عيني كامت كلش تحركني كمت غسلت وجي ورجعت مددت ما اعرف احس روحي كلش تعبانه ومالي خلك اي شي رجعت نمت حسيت نفس حار ب ركبتي فزيت لكيته احمد
- يمه اجابك ؟
- ما اشتاقيتيلي ؟
- احمد خرعتني
- اعتذر حبيبتي شبيج باجيه
- لا بس مدري احس نفسي تعبانه
- ترحين للطبيب ؟
- لا ماريد بس اريد ارتاح
اتقرب مني وسحبني الحظنه بس دفعته مدري ليش كاعد احس ب قرف منهم اشكد جنت محتاجه شخص يحضني و احس بشعور الامان ب حظنه بس معرف ليش ما تقبلته بنوب هوه هم لمن شافني رافضته لف راسه ونام رجعت نمت كعدت الظهر على صوت فوني يدك رفعت راسي شفت احمد ما موجود اباع رقم غريب ما فتحته انطيته رفض و حولته صامط مالي خلك احد رجعت غفيت شوي وكعدتني بلاسم حتى اكل لكيته جايبه الصينيه يمي بس كلت اله ماريد حاولت وياي حجت بس ما اقتنعت عحس جسمي ما عيشبع نوم ماعندي اي طاقه كامت طلعت واني رجعت نمت كعدت بليل لكيت احمد نايم ب صفي وراسي احسه راح ينفجر كمت نزلت اخذ حبايه شفت سامر كاعد ب الطرمه يشرب جكاير بس ما هتميت هذه مكابل الجكاير والطرمه ليل ونهار تكول عبالك ولفه ميت ب الحديقه ومكابله وكاعد اخذت حبايه ورجعت صعدت نمت استمريت على هاي الحاله خمس ايام  اليل والنهار نايمه وكل شوي افز اخذ صفنه وارجع انام والاكل احمد والبنات ب القنادر يوكلونيا

سامر
مرت خمس تيام وطيبه وضعه مو تمام مكضيته بس نوم والاكل ب الكوه انوكله المشكله مو هنا المشكله ما اعرف اشون اكول اله باجر راح يخلص الشهر خايف من ردت فعله كاعد ضاربه صفنات وافكر اشون اذا درت ب السالفه اشون اذا عرفت ب صار وياه كله مدبر ومخطط اله شنو راح يكون شعوره تجاهي طلع محمد كعد يمي
محمد - السلام عليكم
- وعليكم السلام هلا بحمود
- حياك خوي
- استريح
- سامر خويه لا ضل تفكر ب السالفه تره الكاعد يصير غصب عنك وهيه بس تدري راح تعذرك
- مشايف حاله هسه بعده ما درت وهيج نافرتني عجل لو درت اني وره كل حزنه
- ميخالف يخوي تفرج لا تعسره
- ما معسره بس العين من يثكل دمعها تسد جفنها
- لا يخوي شهل حجي تره طيبه حسيته اشوي نحسه بس تره عده سرعت تئقلم مو طبيعيه مشوف اشون رئسن ذبت ويه احمد
- اي ذبت وياه لان يتلوك اله
- هههه اي وشعليه انت هم اتلوك اله يمكن تحبك
باوعت عليه هذه شحجي وياه
- لك بابه اني ما اعرف اباع عليه اذا ما اتناكر وياه
- لا تتناكر بعد شتكلك كله تم
- لا
- شنو لا سامر
- ياخي احس نفسي كرن هيج
- زين ليش ما سوي اله مفاجأه اطلعه من هذه الوضع الي هيه بي
- مفهمت احجي لاضل تشفر ب الحجي
- مره سمعته تحجي البلاسم هيه طالبه كليه طب بس ما دخلت لان صارت السالفه هاي اشرايك اجيب الوثيقه ماله وتخليه اداوم ب جامعه الانبار هيج راح تطلع من الوضع الي هيه بي و بنفس الوكت راح تبدي تفكر بيك ونصيحه اذا تريده تحبك اسنده تره المره تحب الرجال الي يسنده ويهتم بيه حتى اذا كان  وحشاً
- هههههه لا حلوه هاي مال حتى اذا كان وحشاً صاير تحجي فصحه
- ههههههه اشعبالك لعد
- والله خوش فكره باجر ان شاءالله اروح لبغداد اجيب الستماره ماله واقدم اله اهنا بس لا تكل اله خله مفاجئه
- ان شاءالله يله يخوي كوم نام لا ضل هيج جنك ارمله النهار ضاربه صفنات وبليل اتون
- ههههههه كمت وياه دخلنه جوه هو راح الغرفته واني صعدت فوك مريت من يم باب غرفته حسيت ب لهفه اريد ادخل اشوفه صار يومين مدري اتلاثه مشفته اشتاكيت اله رحت حتى ادخل لكيت الباب مقفول اذكرت ذاك اليوم لمن طلعت تركض واحمد سحبه من وره حسيت الدم صعد الراسي يومه عفته ورحت لغرفه سيف دخلت مددت وافكر اشون راح يكون تعابير وجه لمن تعرف ب المفاجئه غفيت كعدت الصبح على واحد يعس بيه رفعت راسي لكيت طيبه فوكي كالبه خلقته ومتخصره
- حبيبتي شبيج
- شبت نار بين اضلوعك لا تكلي حبيبتي اني مو حبيبتك هاي اولا ثانين
__^^^^^