ضيم بغداد

بارت 16

سامر ؟
- لج منو هاذه لتكليله شعليك
- اجابك ؟
- جيت اطيح حظج
- انته اشكد لزكه يعني اني مصدكت اخلص منك اجيت اهنا وهم لحكتني متكلي اشرايد
- انجبي مجاي عليج
- لعد
- واني شعليج جاي تحققين وياي
اجه احمد
- السلام عليكم
احنه- وعليكم السلام
طيبه - احمدي
- عيوني
- تعال وياي نتمشه شويه ونشتم هوه بلكي يروح وجع ظهري تعرف نومت البارحه اذتني
- اي مو تدللين
سامر عيونه وصلت الكصته
لزمت ايده وكتله يله امشي
سامر- لا بويه مو وكته
- ليش
- عندي شغل ويا اخذي بلاسم
- لا اريد زوجي وياي انت اخذ محمد سيف وعوفه
احمد - اي صدك خويه اخذ واحد من الولد غير
سامر- لا خويه اريدك انته
احمد- خوش روحي على بلاسم خل ادليج على المكان ولمن اجي عود نطلع نفتر
تقربت منه وبسته وشاورته " عود لا تتأخر مو تره اشتاقلك " وغمزت له وهوه طكه ب ضحكه وكالي خوش سامر واكف شوي ويطلع ليزر من عيونه عفتهم وفتت كعدت ب الصاله البيت فارغ كلهم طالعين اشوي وجاني مسج من سامر " لج اذا ما علمتج على البوس و المشامر ما اطلع سامر يا ادب سزز " خير تره زوجي هذه " اي اي اعلمج عود اشكلتي اله " وانته شعليك ب كلشي حاط روحك " اشتعلو اهلج وين ما مطمورين هسه " سامر " لطم " فدوه لا تتأخر رجعلي زوجي عود " انعل ابوج لا بو زوجج اذا ما اخذته ورحت بي للقائم وعفتج وحدج مثل الجلبه بسيطه " سلملي عليه وكله طيبه اشتاقتلك هواي " اي مو تدللين من عيني بس صبريلي " اي فدوه مو تنسى عود بوسه كله مني اشكد احبه صدقه ال الله " لا ماكو داعي هو اني راح ادزكم سوه ال الله وعود انتي هناك بوسي " مرديت دخلت اكرام
- هاي اشعندج كااعده اهنا ما تكومين اسوين لج شغله
- شنو اسوي ما اعرف ؟
- كومي نظفي البيت اليوم راح تجي ام احمد من السفر
- ليش هيه وين جانت ؟
- بشيب الخلفوج كومي سوي الكتلج عليه بلايه حجي
عفته وكمت معرف شنو اسوي واصعد لطابق الفوك وافتح كل البوب مال غرف وكل الشبابيك وابدي ب غرفه غرفه اول غرفه دخلت اله غرفت احمد فتحت الشباك والبرده نزلته على الغسل وشلت الجرجف بدلته اجيت حتى ارفع الدوشك علمود احرك الجربايه لكيت علاكه سوده ب البدايه دفرته عبالي وصخ نظفت ورجعت كلشي لمكانه وكنست الكاع واجيت الم الوسخ مجان اكو سطل ازباله ب الغرفه واتعاجزت انزل اجيب اخذت العلاكه وفتحته حتى اعبي بيه لكيت صور بيه كعدت اكلب من ضمن الصور لكيت صوره لجدي ابو بابه واكف ويه مريه وبيبي عروبه جانت وياهم صفنت معقوله جدي هوه زوج بهيه و زين اذا هومه ثارهم ويه جدي اني وابويه شهلينه كلبت الصوره جان اكو تاريخ التاريخ هذه ابويه جان عمره بي ١٠ سنين يعني جدي ماخذ بهيه على بيبي حسيت عقلي وكف مكاعد اكدر ارتب المور ولا كاعد افتهم رجعت الصور كله ب هاي البيه جدو اخذت اله صوره وجه وكفه ورجعته لمكانهم نزلت اخذ علاكه لكيت بلاسم وامه يحجن ب المطبخ
كريمه- هاي بهيه ما ناويته خير
- ليش
- تريد تطلع من الغرفه
- اي طلعيه يا يمه شنيه صخل حابسته ب اربع حياطين
- واذا شافت طيبه وحجت اله شكل السامر والاحمد عود
- طلعيه واني راح اظل ويه طيبه ما اخليهن ينجمعن ب مكان
رجعت ليوره وتقدمت وطلعت صوت عالي ب خطواتي ودخلت للمطبخ
-بلاسم اريد علاكه الم بيه الوسخ
- يا وصخ ؟
- غرفت احمد نظفته
- ها هناك خيه ب الجرار
رحت اخذت وصعدت لميت المور بدت توضح شوي اشوي والضاهر كله تعرف ب السالفه اله اني اذا كلت الهم عرفت كلشي مراح استفاد شي ولا راح اعرف شيردون مني احسن شي اتغابه الحد ما اعرف كلشي وراه اعرف اشون اجيب حقي منكم يا كلاب
صعدت بلاسم وياي نظفنه غرفت سيف و محمد وصعدنه لسطح شطفنا نزلت بلاسم جابت الملابس حتى انشرهه شريناهه ونزلنه لطرمه هم طشينه مي بيه رفعت دشداشتي وشديته يم خصري ونزعت احجابي شديته على راسي ودنكت اغسل ب الطرمه ما اسمع غير عيطت سامر انداريت وجان يصفكني راشدي وعاط بيه ادخل وهوه طلع ما فتهمت شكو اشوي وكبت العيطه اسمع زلم بره تتعايط شوي وهدت دخل سامر وسيف اباع سامر نازع القميص ضال بس ب الفانيه التعلاكه و البنطرون و الجكاره ب حلكه و سيف دشداشته مشكوكه وعينه مورمه جنه مخبوز كعدو بره اني طلعت رحت وكفت كدام سامر جان كاعد على الكرسي  ويزقنب جكايره
- انته ب اي حق اتمد ايدك عليه
- يعني اشتردين اسوي حظرتج ادلعه وكاعده وهذه الساقط كاعد يباع عليج من السطح وترديني اسكت مو
- منو هوه
- طيبه امشي انكبري جوه تره روحي طافره
اندك الباب صوت زلم لفيت احجابي عدل وهوه طلع لزم واحد من زيجه وسحبه لطرمه مطله ونزل بس دك بوكسات اباع عليه ماشاءالله عضلاته عبالك تواثي الله يعينه اليندك بي اربع زلم حاولو يفاكوهم ما كدرو اني صافنه عليه هذه مو بشر وحش من صدك
بلاسم - يمه صخام راح بيه الرجال
طيبه- ههههههههههاي
- ها خيه اسودنتي ؟
- لج بس باعي اشون يضرب
-شمالج فرحانه
- لا اصراحه عجبني تعاي اخل نساعده
- بشنو
- نضرب وياه باعيهم همه خمسه وهوه واحد
- يمه اصخااام ولج لا تتخبلين وين اطبين ب عركه مال زلم وانتي حرمه
- خايبه ولي ما ينطلع بيج ذبيت النعال وشديت الحجاب على راسد ورحت اركض جيتت ويا اول واحد لطمته كله فريد راسه كمت اخبز بيهم واشمر السامر وهوه مكلوب طنطل اشتغلناهم اكرسته وعمل اني ارفع وهوه يكبس خبزناهم خبز العباس وطلعناهم جلاليق بلاسم وكريمه واكرام واكفات و يتلاطمن رحت على سامر ظربته على زنده
- عاشت ايدك ضلعي
- انتي ياهو الصخم وجهج وكالج جيتي وياي
- محد اني عاجبني اتعارك بشرفك خل اروح عليهم نكتلهم مره ثانيه ولله ونسه هههههه
- وقزر قط ولي جوه يله دخلت جوه حتى ابدل رحت للغرفه واحد دخل وراي عبالي بلاسم
- بلاسم غمضي اريد انزع ما ردت انداريت لكيته بهيه _______"