ضيم بغداد

بارت 21

طفرت لبست حجابي وهوه دخل مثل الثور جرني من ايدي قوي وحجه من بين سنونه ب عصبيه
- احجي
- شنو
- احمد ازوجج لو لا
- اي وبعدين انته شعليك هد ايدي كاعد توجعني
ضل صافن ويعصر يدي حسيت ايدي انكسرت كمت اعيط بصوت عالي دخلت بلاسم وكريمه جرني منه وهوه ضرب الباب جلاق وطلع
كريمه - اسويتي اله ولج
- ما سويت شي
- عجل اشماله اتخبل
- شعرفني هوه مخبل من يومه
بلاسم- طيبه لا تجذبين احجي اسويتي
- ما سويت شي وخرو عني كااافي عاد
كريمه- ياععع هسه غير نعرف شكو
- ماكو شي تردين تعرفين شبي روحي سئلي عوفوني ب حالي
باوعت عليه شافتني لازمه ايدي التوجعني
- شو هاي شبيه ايدج خل اشوفه كالته ولزمت ايدي جريته منه وعطت بصوت مكسور
- طلعو بره
متحملت بجيت هي هم لمن شافتني هيج طلعت
بلاسم- خيه اجاج
- بره
- لا تبجين خل احاجيج
- بلااااسم بررررره
كامت طلعت رحت وراه سديت الباب وكعدت ابجي ياربي اشهل حاله والله تعبت ولعبت نفسي من هل وضع مزوجه واحد وصاحبه هوه الي يمشيني على رايه بحجت يحبني وهذه رجلي الكرن هم طلع يحبني بس يخاف من صاحبه شهل لعبان نفس ياربي انته وحدك تعرف ب كميت القرف الكاعد احسه تجاه نفسي بهيج مواقف ضليت ابجي الحد ما غفيت على نفسي كعدت ب ليل المكان اضلم والبيت مابي ولا صوت كمت وكفت ركبتي اذتني من نومتي العوجه وراسي يئذيني فتحت الباب على كيف وطلعت ماردت احد يحس بيه كاعد انزل على الدرج على روس اصابيعي حتى ما يطلع صوت سمعت صوت يطلع من غرفت حجيه بهيه ب البدايه ما همني الوضع رحت للمطبخ شربت مي وبرجعه سمعته تحجي
بهيه - لا لا عفيه والله اخاف ما اريد ابني رجعي
اتقدمت على الباب شوي ودنكت اباع من الزرف مشفت شي بس اسمع صوته وهي تبجي على كيف خفت ادخل طلعت لطرمه وفتريت وره البيت اتقدمت من يم شباكه حاولت ارفع نفسي حتى اشوف بس مكدرت الشباك جان عالي رحت جبت بلوكه وصعدت عليه شفت اكرام تضرب بيه علمود تشرب شي معرفته شنوه واكفه حسيت احد اجه نزلت من على البلوكه وركضت ختلت وره البراميل مال نفط طلع محمد  وكف ب الباب طلع جكاير وكف يورثه
- يعني هسه وكتك
ضل واكف تقريبا ب الربع ساعه
- يمعود متروح تنخمد هسه متكلي اشعندك كاعد
اجه رجال ملثم وكف يمه يحجي هوه وياه حجيهم مجان مسموع لان اشوي ابعاد عليه حسيت شي دغدغ رجلي جفلت انداريت لكيته شعري
- خرب بحظي انشاءالله ما سمعوني
اتقرب محمد من جه البراميل اني عبالي حس بيه واجه طلع اجه ياخذ كرك وراح
- يمه كلبي الحمدلله ماحسو وين ولو ذوله
انتضرتهم يبعدون اشوي وكمت وراهم امشي على كيف انوب لا نعال ولا حجاب طالعه سفردح مشو مسافه وكفو اباع من بعيد طلع واحد من بيت ابو دحام واجه وياهم هم بيده كرك
- هذوله شعدهم من فاينه عزا بعينهم بس لا كاتلين واحد ويردون يدفنو 
شفتهم راحو دخلو ب البستان خفت اروح وراهم لا اضيع كمت رجعت للبيت دخلت لكيت سامر كاعد على الكرسي ورافع رجله على طبله ويشرب جكاير رئسن طفرت دخلت للحديقه ما شافني ضل كاعد صافن مدري شبي يربي خاف بي جني هذه اكص ايدي اذا صاحي اشوي وكام دخل دخلت وراه على كيف صعدت الغرف ودخلت على السريع طلع واكف كدامي
- باوع عليه بصدمه وكال وين جنتي ؟
- ها
- وين جنتي
- نزلت اشرب مي
باوع عليه ورفع حاجبه اتقرب مني مجرني من شعري وصار بصفي قرب راسه من اذني وحجه بصوت ناسي
- تحجين وين جنتي لا حظج اطيحه
خفت منه
- تمام راح اكلك بس كول والله ماسويلي شي
- باوع عليه ومسح على وجه وكعد على الجربايه ونزل راسه
- احجي
- تمام كعدت راسي يوجعني ونزلت اشرب مي وسمعت صوت حجيه بهيه تبجي صار عندي فضول ف طلعت بره حتى اشوفه من الشباك شفته اكرام تضربه علمود تشرب شي بس معرفت شنوه وراه انت طلعت ومكدرت ادخل وهذه الصار
- اجانت اشربه
- ما اعرف مشفت
- خزر بعينه وكالي اندفني اهنا واذا اطلعين رجلج اكسره طلع من الغرفه رحت وراه سديت الباب ودخلت للحمام اغسل رجلي طلعت نشفته ومددت وكبت العيطه فتحت الباب ونزلت اركض لكيت اكرام واكعه ب الكاع تبجي وحجيه بهيه على جربايته ولامه روحه وسامر واكف يضرب ب اكرام ب كل وحشيه رحت اركض عليه حتى اوخره مكدرت هوه اضخم مني صحت على بلاسم وكريمه يساعدني بس ماجني ضلن واكفات طلعت عمه رسميه من الغرفه ماله واجت تركض ساعدتني جرينا وخرنا عنه كومنه بلاسم وكريمه طلعنه من الغرفه ورسميه وسامر راحو لصاله واني كعدت يم بهيه جانت حالته كلش مزريه اتقربت منه حتى احضنه دفعتني وعاطت بيه اني هم خفت منه وكمت طلعت رحت لصاله اسمع سامر يكل لعمه
- لكفته اشربه حبوب حتى تتخبل
- كون الله يسود وجه
- يمه عزاا بعينه شهل كلب الشايلته عفتهم ورحت للغرفه دخلت وقفلت الباب مددت وغفيت ما كعدت على صوت التلفون رقم فتحته لكيته احمد
- صباح الخير
- صباح انور
- اشونج يا حلوه
- نعسانه احمد اريد انام عود بعدين خابر
- هههههه الساعه 11 الظهر عيني كعدي كافي
- تمام كلته وسديت التلفون ورجعت مددت
____!